ഭാര്യയെ വെട്ടിക്കൊലപ്പെടുത്തിയ കേസ്​; അന്തർസംസ്ഥാനതൊഴിലാളിക്ക് ജീവപര്യന്തം

കൊ​ല്ലം: ഭാ​ര്യ​യെ വെ​ട്ടി​ക്കൊ​ല​പ്പെ​ടു​ത്തി​യ കേ​സി​ൽ അ​ന്ത​ർ​സം​സ്ഥാ​ന​തൊ​ഴി​ലാ​ളി​ക്ക് ജീ​വ​പ​ര്യ​ന്ത​വും ര​ണ്ടു​ല​ക്ഷം രൂ​പ പി​ഴ​യും ശി​ക്ഷ. പെ​രി​നാ​ട് ക​വി​ത ഭ​വ​നി​ൽ ക​വി​ത​യെ കൊ​ല​പ്പെ​ടു​ത്തി​യ കേ​സി​ലാ​ണ്​ ഭ​ർ​ത്താ​വും പ​ശ്ചി​മ​ബം​ഗാ​ൾ സ്വ​ദേ​ശി​യു​മാ​യ ​ദീ​പ​ക്കി​നെ​ (36) കൊ​ല്ലം അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി എ​സ്. സു​ഭാ​ഷ് ശി​ക്ഷി​ച്ച​ത്. ക​വി​ത​യു​ടെ മാ​താ​വി​നെ കു​ത്തി​പ്പ​രി​ക്കേ​ൽ​പ്പി​ച്ച​തി​ന് പ്ര​തി ര​ണ്ടു വ​ർ​ഷം കൂ​ടി ക​ഠി​ന​ത​ട​വ് അ​നു​ഭ​വി​ക്ക​ണം. പി​ഴ​യാ​യി അ​ട​ക്കു​ന്ന തു​ക ക​വി​ത​യു​ടെ പ്രാ​യ​പൂ​ർ​ത്തി​യാ​യ മ​ക്ക​ൾ​ക്ക് ന​ൽ​ക​ണം.

ജോ​ലി തേ​ടി കേ​ര​ള​ത്തി​ൽ എ​ത്തി​യ ദീ​പ​ക്ക്​ ക​വി​ത​യു​മാ​യി പ്ര​ണ​യ​ത്തി​ലാ​വു​ക​യും പ​ശ്ചി​മ​ബം​ഗാ​ളി​ലേ​ക്ക് പോ​കു​ക​യും ചെ​യ്തി​രു​ന്നു. പി​ന്നീ​ട് ഇ​വ​​രെ തി​രി​കെ നാ​ട്ടി​ലേ​ക്ക് കൂ​ട്ടി​ക്കൊ​ണ്ടു വ​രു​ക​യാ​യി​രു​ന്നു. ഇ​രു​വ​രും ക​വി​ത​യു​ടെ വീ​ട്ടി​ലാ​യി​രു​ന്നു താ​മ​സം. ഇ​വ​ർ​ക്ക് ര​ണ്ടു കു​ട്ടി​ക​ളു​മു​ണ്ട്. സം​ശ​യ​ത്തി​ന്റെ പേ​രി​ൽ ദീ​പ​ക്ക്​ സ്ഥി​ര​മാ​യി ക​വി​ത​യെ ദോ​ഹോ​പ​ദ്ര​വം ഏ​ൽ​പ്പി​ച്ചി​രു​ന്നു. ത​ല​മു​ടി മു​റി​ച്ചു മാ​റ്റു​ക​യും ചെ​യ്തു.

കോ​വി​ഡ്​ ലോ​ക്​​ഡൗ​ൺ അ​വ​സാ​നി​ച്ച 2020 ഏ​​പ്രി​ൽ 11ന്​ ​നാ​ട്ടി​ലേ​ക്ക് ര​ക്ഷ​പ്പെ​ടാ​മെ​ന്ന ഉ​ദ്ദേ​ശ്യ​ത്തോ​ടെ​യാ​ണ്​ പ്ര​തി കൊ​ല ന​ട​ത്തി​യ​ത്. രാ​ത്രി​യി​ൽ മു​റി​യി​ലേ​ക്ക് വി​ളി​ച്ചു വ​രു​ത്തി​യ ശേ​ഷം ക​റി​ക്ക​ത്തി​കൊ​ണ്ട് കു​ത്തി വീ​ഴ്​​ത്തു​ക​യാ​യി​രു​ന്നു. തു​ട​ർ​ന്ന്​ കോ​ടാ​ലി​കൊ​ണ്ട് ത​ല​ക്കും ക​ഴു​ത്തി​നും വെ​ട്ടി കൊ​ല​പ്പെ​ടു​ത്തി. ക​വി​ത​യെ ര​ക്ഷ​പ്പെ​ടു​ത്താ​ൻ ശ്ര​മി​ച്ച മാ​താ​വ്​ സ​ര​സ്വ​തി​യേ​യും പ്ര​തി കു​ത്തി​പ്പ​രി​ക്കേ​ൽ​പ്പി​ച്ചു.

കു​ണ്ട​റ എ​സ്.​ഐ ആ​യി​രു​ന്ന ഗോ​പ​കു​മാ​റും എ​സ്.​എ​ച്ച്.​ഒ ആ​യി​രു​ന്ന ജ​യ​കൃ​ഷ്ണ​നു​മാ​ണ്​ ​അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്. 20 സാ​ക്ഷി​ക​ളെ വി​സ്ത​രി​ച്ചു. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ കെ.​ബി. മ​ഹേ​ന്ദ്ര​യും എം.​പി. അ​ജി​ത്തും ഹാ​ജ​രാ​യി.