ആവേശമായി രാഹുൽ ഗാന്ധി സ്മരണയിൽ നിറഞ്ഞ്​ ഗുരുവും ഗാന്ധിയും

കൊ​ല്ലം: ഗു​രു​വ​ച​ന​ങ്ങ​ളും പ്രാ​ർ​ഥ​ന​ഗീ​ത​ങ്ങ​ളും നി​റ​ഞ്ഞ വേ​ദി​യി​ൽ സ്മ​ര​ണ​യി​ൽ നി​റ​ഞ്ഞ്​ ശ്രീ​നാ​രാ​യ​ണ ഗു​രു​വും മ​ഹാ​ത്മാ​ഗാ​ന്ധി​യും ഒ​രു നൂ​റ്റാ​ണ്ട്​ മു​മ്പ്​ ന​ട​ത്തി​യ കൂ​ടി​ക്കാ​ഴ്ച. നൂ​റ്റാ​ണ്ടി​ലെ മ​ഹ​ത്ത​ര​മാ​യ ആ ​ഒ​ത്തു​ചേ​ര​ലി​ന്​ ആ​ദ​ര​വാ​യി ഒ​രു​ക്കി​യ ശ​താ​ബ്​​ദി ആ​ഘോ​ഷ​ത്തി​ലേ​ക്ക്​ ലോ​ക്സ​ഭ നേ​താ​വ്​ രാ​ഹു​ൽ ഗാ​ന്ധി പ​റ​ന്നി​റ​ങ്ങി​യ​​തോ​ടെ പ​തി​നാ​യി​ര​ക്ക​ണ​ക്കി​ന്​ പേ​ർ ഒ​ഴു​കി​യെ​ത്തി​യ ആ​ശ്രാ​മം ​മൈ​താ​നം ആ​വേ​ശ​ക്ക​ട​ലാ​യി. ശി​വ​ഗി​രി മ​ഠ​വും രാ​ജീ​വ്​​ഗാ​ന്ധി പ​ഠ​ന​ഗ​വേ​ഷ​ണ കേ​ന്ദ്ര​വും സം​യു​ക്ത​മാ​യി സം​ഘ​ടി​പ്പി​ച്ച സ​മ്മേ​ള​ന​ത്തി​ൽ വി​വി​ധ മ​ത​മേ​ല​ധ്യ​ക്ഷ​രും കേ​ര​ള​ത്തി​ലെ കോ​ൺ​ഗ്ര​സ്​ സം​ഘ​ട​ന സം​വി​ധാ​ന​വും സ​ജീ​വ​സാ​ന്നി​ധ്യ​മാ​യി.

രാ​വി​ലെ 11ന്​ ​രാ​ഹു​ൽ ഗാ​ന്ധി എ​ത്തു​മെ​ന്ന​തി​നാ​ൽ അ​തി​നും മ​ണി​ക്കൂ​റു​ക​ൾ​ക്ക്​ മു​മ്പ്​ ത​ന്നെ ആ​ശ്രാ​മ​ത്തെ സ​മ്മേ​ള​ന​വേ​ദി സ​ജീ​വ​മാ​യി​രു​ന്നു. സ​മീ​പ ജി​ല്ല​ക​ളി​ൽ നി​ന്നു​ൾ​പ്പെ​ടെ ശ്രീ​നാ​രാ​യ​ണ ഭ​ക്ത​രും കോ​ൺ​ഗ്ര​സ്​ അ​നു​യാ​യി​ക​ളും ഒ​ഴു​കി​യെ​ത്തി. ഗു​രു​വ​ന്ദ​ന​​ത്തോ​ടെ ആ​രം​ഭി​ച്ച്, സ​ർ​വ​മ​ത​സ​മ്മേ​ള​ന​ത്തോ​ടെ​യാ​ണ്​ ശ​താ​ബ്​​ദി ആ​ഘോ​ഷ​ത്തി​ന്​ പൂ​ർ​ണ​ത കൈ​വ​ന്ന​ത്. നി​ശ്ച​യി​ച്ച​തി​ലും അ​ര​മ​ണി​ക്കൂ​റോ​ളം വൈ​കി ആ​ശ്രാ​മം മൈ​താ​ന​ത്തെ ഹെ​ലി​പ്പാ​ഡി​ൽ രാ​ഹു​ൽ ഗാ​ന്ധി​യെ​യും വ​ഹി​ച്ച്​ ഹെ​ലി​കോ​പ്​​റ്റ​ർ പ​റ​ന്നി​റ​ങ്ങി​യ​പ്പോ​ഴേ​ക്കും സ​ദ​സ്സ്​ ജ​ന​നി​ബി​ഡ​മാ​യി​രു​ന്നു. വേ​ദി​യി​ലെ​ത്തി​യ രാ​ഹു​ൽ ഗാ​ന്ധി​യെ ​ശി​വ​ഗി​രി മ​ഠാ​ധി​പ​തി സ​ച്ചി​ദാ​ന​ന്ദ സ്വാ​മി​യു​ടെ​യും കോ​ൺ​ഗ്ര​സ്​ നേ​താ​ക്ക​ളു​ടെ​യും നേ​തൃ​ത്വ​ത്തി​ൽ സ്വീ​ക​രി​ച്ചു.

രാ​ഹു​ൽ ഗാ​ന്ധി​യെ കൂ​ടാ​തെ പാ​ണ​ക്കാ​ട്​ മു​ന​വ​റ​ലി ത​ങ്ങ​ൾ, സ്വാ​മി ഋ​തം​ബ​രാ​ന​ന്ദ, ശു​ഭാം​ഗാ​ന​ന്ദ സ്വാ​മി, ഗീ​വ​ർ​ഗീ​സ്​ മാ​ർ കൂ​റി​ലോ​സ്​ മെ​ത്രാ​പൊ​ലീ​ത്ത, കു​ര്യാ​ക്കോ​സ്​ മാ​ർ സെ​വ​റി​യോ​സ്​ മെ​ത്രാ​പൊ​ലീ​ത്ത, ഡോ. ​സാ​മു​വ​ൽ മാ​ർ തി​യോ​ഫി​ലി​സ്​ മെ​ത്രാ​പൊ​ലീ​ത്ത, ബി​ഷ​പ്​ ഡോ. ​ഉ​മ്മ​ൻ ജോ​ർ​ജ്, ബി​ഷ​പ്​ ജോ​സ്​ ജോ​ർ​ജ്, ഫാ​ദ​ർ ലാ​സ​ർ പ​ട്ട​ക​ട​വ്, എം.​പി​മാ​രാ​യ കെ.​സി. വേ​ണു​ഗോ​പാ​ൽ, അ​ടൂ​ർ പ്ര​കാ​ശ്, എ​ൻ.​കെ. പ്രേ​മ​ച​ന്ദ്ര​ൻ, അ​ബ്​​ദു​സ്സ​മ​ദ്​ സ​മ​ദാ​നി, കൊ​ടി​ക്കു​ന്നി​ൽ സു​രേ​ഷ്, പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​ൻ, കെ.​പി.​സി.​സി പ്ര​സി​ഡ​ന്‍റ്​ സ​ണ്ണി ജോ​സ​ഫ്​ എം.​എ​ൽ.​എ, ര​മേ​ശ്​ ചെ​ന്നി​ത്ത​ല എം.​എ​ൽ.​എ, ഡി.​സി.​സി പ്ര​സി​ഡ​ന്‍റ്​ പി. ​രാ​ജേ​ന്ദ്ര​പ്ര​സാ​ദ്​ എ​ന്നി​വ​ർ മാ​ത്ര​മാ​ണ്​ സം​സാ​രി​ച്ച​ത്.

എ.​ഐ.​സി.​സി സെ​ക്ര​ട്ട​റി ദീ​പ​ദാ​സ്​ മു​ൻ​ഷി, എം.​പി​മാ​രാ​യ രാ​ജ്​ മോ​ഹ​ൻ ഉ​ണ്ണി​ത്താ​ൻ, ആ​ന്‍റോ ആ​ന്‍റ​ണി, ബെ​ന്നി ബ​ഹ​നാ​ൻ, ജെ​ബി മേ​ത്ത​ർ, ഷാ​ഫി പ​റ​മ്പി​ൽ, എം.​എ​ൽ.​എ​മാ​രാ​യ പി.​സി. വി​ഷ്ണു​നാ​ഥ്, സി.​ആ​ർ. മ​ഹേ​ഷ്, സ​ജീ​വ്​ ജോ​സ​ഫ്, ആ​ർ.​എ​സ്.​പി നേ​താ​വ്​ ഷി​ബു ബേ​ബി​ജോ​ൺ, ഷാ​നി​മോ​ൾ ഉ​സ്മാ​ൻ, എം. ​ലി​ജു, ബി​ന്ദു​കൃ​ഷ്ണ, എം.​എം. ന​സീ​ർ, പി. ​ജ​ർ​മി​യാ​സ്, എ. ​ഷാ​ന​വാ​സ്​ ഖാ​ൻ, ജ്യോ​തി​കു​മാ​ർ ചാ​മ​ക്കാ​ല, സൈ​മ​ൺ അ​ല​ക്സ്​ ഉ​ൾ​പ്പെ​ടെ നേ​താ​ക്ക​ൾ പ​​ങ്കെ​ടു​ത്തു.

ഗു​രു​വി​ന്‍റെ​യും ഗാ​ന്ധി​ജി​യു​ടെ​യും മൂ​ല്യ​ങ്ങ​ളി​ലൂ​ന്നി ജീ​വി​തം ന​യി​ക്കേ​ണ്ട​തി​നെ കു​റി​ച്ചു​ള്ള രാ​ഹു​ൽ ഗാ​ന്ധി​യു​ടെ ല​ളി​ത​പ്ര​സം​ഗം ആ​വേ​ശ​പൂ​ർ​വ​മാ​ണ്​ സ​ദ​സ്സ്​ ഏ​റ്റെ​ടു​ത്ത​ത്. സ​ത്യ​വും അ​ഹിം​സ​യും ച​ർ​ച്ച​യാ​യ ഗു​രു-​ഗാ​ന്ധി സ​മാ​ഗ​മ​ത്തി​ന്‍റെ പ്ര​ധാ​ന്യം അ​ദേ​ഹം പ്ര​സം​ഗ​ത്തി​ലു​ട​നീ​ളം വി​വ​രി​ച്ചു. ഉ​ച്ച​ക്ക്​ ഒ​ന്നോ​ടെ രാ​ഹു​ൽ​ഗാ​ന്ധി ഇ​ടു​ക്കി​യി​ലേ​ക്ക്​ ഹെ​ലി​കോ​പ്​​റ്റ​റി​ൽ മ​ട​ങ്ങു​ന്ന​ത്​ വ​രെ ആ​ളൊ​ഴി​യാ​തെ നി​റ​ഞ്ഞു​നി​ൽ​ക്കു​ക​യാ​യി​രു​ന്നു ആ​ശ്രാ​മം മൈ​താ​നം. ആ​ഘോ​ഷ​ത്തി​ൽ പ​​ങ്കെ​ടു​ക്കാ​നെ​ത്തി​യ ആ​യി​ര​ങ്ങ​ൾ​ക്ക്​ പ്ര​ഭാ​ത​ഭ​ക്ഷ​ണ​വും ഉ​ച്ച​ഭ​ക്ഷ​ണ​വും ഉ​ൾ​പ്പെ​ടെ ഒ​രു​ക്കി​യി​രു​ന്നു.