പ​ഴി​ചാ​രി അ​ധി​കൃ​ത​ർ; പ​ത്താം​മൈ​ലി​ൽ ഹൈ​മാ​സ്റ്റ് ലൈ​റ്റ് മി​ഴി​തു​റ​ന്നി​ല്ല

അ​ടി​മാ​ലി: ദേ​ശീ​യ​പാ​ത ര​ണ്ടു​വ​രി പാ​ത​യാ​യി ന​വീ​ക​രി​ക്കു​ന്ന​തി​ന്റെ ഭാ​ഗ​മാ​യി എ​ടു​ത്തു​മാ​റ്റി​യ ഹൈ​മാ​സ്റ്റ് ലൈ​റ്റ് തി​രി​കെ സ്ഥാ​പി​ച്ചെ​ങ്കി​ലും പ്ര​കാ​ശം മാ​ത്ര​മി​ല്ല. ദേ​ശീ​യ​പാ​ത​യി​ൽ വാ​ള​റ പ​ത്താം മൈ​ൽ ടൗ​ണി​ലെ ഹൈ​മാ​സ്റ്റ് ലൈ​റ്റാ​ണ് പ്ര​കാ​ശി​ക്കാ​തെ കി​ട​ക്കു​ന്ന​ത്. മാ​സ​ങ്ങ​ൾ​ക്ക് മു​മ്പ് ദേ​ശീ​യ​പാ​ത ന​വീ​ക​ര​ണ​ത്തി​ന്റെ ഭാ​ഗ​മാ​യി​ട്ടാ​ണ് അ​ഴി​ച്ചു​മാ​റ്റി​യ​ത്.

ഏ​താ​നും ആ​ഴ്ച​ക​ൾ​ക്ക് മു​മ്പ് ഇ​വ തി​രി​കെ സ്ഥാ​പി​ക്കു​ക​യും ചെ​യ്തു. എ​ന്നാ​ൽ, ഇ​തി​ലു​ണ്ടാ​യി​രു​ന്ന എ​ൽ.​ഇ.​ഡി ലൈ​റ്റു​ക​ൾ സ്ഥാ​പി​ക്കാ​ത്ത​താ​ണ് വെ​ളി​ച്ച​ത്തി​ന് ത​ട​സ്സ​മാ​യി മാ​റി​യ​ത്. ഇ​വ പ​ഞ്ചാ​യ​ത്താ​ണ് അ​ഴി​ച്ചു​കൊ​ണ്ടു​പോ​യ​തെ​ന്നും പ​ഞ്ചാ​യ​ത്തു​ത​ന്നെ തു​ട​ർ​ന​ട​പ​ടി സ്വീ​ക​രി​ക്ക​ണ​മെ​ന്നു​മാ​ണ് ദേ​ശീ​യ​പാ​ത അ​ധി​കൃ​ത​രു​ടെ ഭാ​ഷ്യം. എ​ന്നാ​ൽ, ലൈ​റ്റി​ന്റെ പ​ല സാ​മ​ഗ്രി​ക​ളും ന​ഷ്ട​മാ​യെ​ന്നും ഇ​ത് പു​നഃ​സ്ഥാ​പി​ക്കാ​ൻ ആ​വ​ശ്യ​മാ​യ പ​ണം ദേ​ശീ​യ​പാ​ത അ​ധി​കൃ​ത​ർ ന​ൽ​ക​ണ​മെ​ന്നു​മാ​ണ് പ​ഞ്ചാ​യ​ത്ത​ധി​കൃ​ത​രു​ടെ നി​ല​പാ​ട്.

മൂ​ന്നാ​ർ വി​നോ​ദ​സ​ഞ്ചാ​ര കേ​ന്ദ്ര​ത്തി​ന്റെ ക​വാ​ട​മാ​ണ് പ​ത്താം​മൈ​ൽ ടൗ​ൺ. രാ​പ്പ​ക​ൽ വ്യ​ത്യാ​സ​മി​ല്ലാ​തെ വി​നോ​ദ​സ​ഞ്ചാ​രി​ക​ളു​ടെ സാ​ന്നി​ധ്യം ഇ​വി​ടെ​യു​ണ്ട്. ടൗ​ണി​ലെ ക​ട​ക​ൾ അ​ട​ക്കു​ന്ന​തോ​ടെ ഇ​വി​ടെ ഇ​രു​ട്ടി​ലാ​കും. പി​ന്നെ തെ​രു​വു​നാ​യ്ക്ക​ളും മ​റ്റും താ​വ​ള​മാ​ക്കു​ന്ന​തോ​ടെ സ​ഞ്ചാ​രി​ക​ൾ​ക്കും നാ​ട്ടു​കാ​ർ​ക്കും വ​ലി​യ ഭീ​ഷ​ണി​യാ​ണ്. ഈ ​സാ​ഹ​ച​ര്യ​ത്തി​ൽ ഹൈ​മാ​ക്സ് ലൈ​റ്റ് തെ​ളി​യി​ക്കാ​ൻ അ​ധി​കൃ​ത​ർ ത​യാ​റാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.