വിസ്മയക്കാഴ്ചകളൊരുക്കി ഓച്ചിറ കാളകെട്ടുത്സവം ഇന്ന്

കാ​യം​കു​ളം: ഓ​ണാ​ട്ടു​ക​ര​യി​ലെ ഉ​ത്സ​വ​ങ്ങ​ൾ​ക്ക് തു​ട​ക്കം​കു​റി​ച്ചു​ള്ള വി​സ്മ​യ​ക്കാ​ഴ്ച​ക​ളു​ടെ ആ​ഘോ​ഷ​മാ​യ കാ​ള​കെ​ട്ടു​ത്സ​വ​ത്തി​ന് നാ​ടൊ​രു​ങ്ങി.

28ാം ഓ​ണാ​ഘോ​ഷ​ത്തോ​ട​നു​ബ​ന്ധി​ച്ച കാ​ള​കെ​ട്ടു​ത്സ​വം ബു​ധ​നാ​ഴ്ച​യാ​ണ് ന​ട​ക്കു​ന്ന​ത്. ഓ​ണാ​ട്ടു​ക​ര​യി​ലെ 52 ക​ര​ക​ളി​ൽ​നി​ന്ന് 200ഓ​ളം കാ​ള​ക​ളാ​ണ് ഓ​ച്ചി​റ പ​ര​ബ്ര​ഹ്മ ക്ഷേ​ത്ര​ത്തി​ലെ പ​ട​നി​ലം ല​ക്ഷ്യ​മാ​ക്കി എ​ത്തു​ന്ന​ത്. തെ​ക്ക​ൻ കേ​ര​ള​ത്തി​ലെ ഏ​റ്റ​വും വ​ലി​യ കെ​ട്ടു​കാ​ഴ്ച​യാ​ണി​ത്. ഏ​ഷ്യ​യി​ലെ ഏ​റ്റ​വും വ​ലി​യ കെ​ട്ടു​കാ​ള​യാ​യ ഓ​ണാ​ട്ടു​ക​തി​ര​വ​ൻ മു​ത​ൽ കൈ​വെ​ള്ള​യി​ൽ എ​ഴു​ന്ന​ള്ളി​ക്കു​ന്ന കെ​ട്ടു​കാ​ള​ക​ൾ വ​രെ​യാ​ണ് ക​ളി​ക്ക​ണ്ട​ത്തി​ലേ​ക്ക് എ​ത്തു​ന്ന​ത്.

ത​ല​പ്പൊ​ക്ക​ത്തി​ന്റെ​യും ക​ര​വി​രു​തി​ന്റെ​യും മെ​യ്ക്ക​രു​ത്തി​ന്റെ​യും വ​ർ​ണ​വി​സ്മ​യം തീ​ർ​ക്കു​ന്ന കെ​ട്ടു​കാ​ഴ്ച​യാ​ണ് ന​ട​ക്കു​ന്ന​ത്. ഉ​ച്ച​ക്ക് 2.30 മു​ത​ൽ കെ​ട്ടു​കാ​ള​ക​ൾ ഓ​ച്ചി​റ പ​ട​നി​ലം ല​ക്ഷ്യ​മാ​ക്കി പ്ര​യാ​ണം തു​ട​ങ്ങും. ചെ​റി​യ കെ​ട്ടു​കാ​ള​ക​ളാ​ണ് ആ​ദ്യം ക്ഷേ​ത്ര​വ​ഴി​യി​ലെ​ത്തു​ന്ന​ത്. നാ​ലോ​ടെ കൂ​റ്റ​ൻ കെ​ട്ടു​കാ​ള​ക​ളു​ടെ എ​ഴു​ന്ന​ള്ള​ത്തി​ന് തു​ട​ക്ക​മാ​കും. ‘ഓ​ണാ​ട്ടു​ക​തി​ര​വ​ൻ, കാ​ല​കേ​യ​ൻ, തി​രു​മു​ഖ വേ​ട​ൻ, കാ​ല​ഭൈ​ര​വ​ൻ, കി​ണ​ർ​മു​ക്ക് കൊ​മ്പ​ൻ തു​ട​ങ്ങി 48 കൂ​റ്റ​ൻ കാ​ള​ക​ൾ കെ​ട്ടു​ത്സ​വ​ത്തി​ന് മാ​റ്റു​പ​ക​രും. മാ​വേ​ലി​ക്ക​ര, കാ​ർ​ത്തി​ക​പ്പ​ള്ളി, ക​രു​നാ​ഗ​പ്പ​ള്ളി താ​ലൂ​ക്കു​ക​ളി​ലെ വി​വി​ധ ക​ര​ക​ളി​ൽ​നി​ന്നാ​ണ് കാ​ള​ക​ൾ പു​റ​പ്പെ​ടു​ന്ന​ത്. കെ​ട്ടു​ത്സ​വം കാ​ണാ​ൻ ജ​ന​സാ​ഗ​ര​മാ​ണ് തി​ങ്ങി​നി​റ​യു​ന്ന​ത്. ഓ​ച്ചി​റ ക്ഷേ​ത്ര​ത്തി​ന്റെ 10 കി​ലോ​മീ​റ്റ​ർ ചു​റ്റ​ള​വി​ലെ എ​ല്ലാ വ​ഴി​ക​ളും കെ​ട്ടു​കാ​ള​ക​ൾ ക​യ്യ​ട​ക്കും. വൈ​കീ​ട്ട് 5.30ന് ​മു​മ്പ് കെ​ട്ടു​കാ​ള​ക​ളെ പ​ട​നി​ല​ത്ത് എ​ത്തി​ക്കു​ന്ന ത​ര​ത്തി​ലാ​ണ് ക്ര​മീ​ക​ര​ണം.

കെ​ട്ടു​കാ​ള​ക​ൾ ക​ട​ന്നു​വ​രു​ന്ന ഭാ​ഗ​ത്തെ വൈ​ദ്യു​തി ബ​ന്ധം പൂ​ർ​ണ​മാ​യി നി​ല​ക്കും. ദേ​ശീ​യ​പാ​ത​യി​ൽ കാ​യം​കു​ളം മു​ത​ൽ ച​ങ്ങ​ൻ​കു​ള​ങ്ങ​ര വ​രെ രാ​വി​ലെ ആ​റു​മു​ത​ൽ വാ​ഹ​ന​നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്.

കാ​യം​കു​ള​ത്തു​നി​ന്ന് കൊ​ല്ലം ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ കെ.​പി റോ​ഡി​ൽ ചാ​രും​മൂ​ട്-​ച​ക്കു​വ​ള്ളി-​ഭ​ര​ണി​ക്കാ​വ് വ​ഴി പോ​ക​ണ​മെ​ന്നാ​ണ് നി​ർ​ദേ​ശം. കാ​യം​കു​ളം ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ ക​രു​നാ​ഗ​പ്പ​ള്ളി​യി​ൽ​നി​ന്ന് തീ​ര​ദേ​ശ റോ​ഡ് വ​ഴി കാ​യം​കു​ളം-​ആ​ല​പ്പു​ഴ ഭാ​ഗ​ത്തേ​ക്ക് പോ​കേ​ണ്ട​ത്. ക്ര​മ​സ​മാ​ധാ​ന പ്ര​ശ്ന​ങ്ങ​ൾ ഒ​ഴി​വാ​ക്കാ​ൻ ക​ർ​ശ​ന മു​ൻ​ക​രു​ത​ൽ ന​ട​പ​ടി​ക​ളാ​ണ് പൊ​ലീ​സ് സ്വീ​ക​രി​ച്ചി​രി​ക്കു​ന്ന​ത്.