കാറ്റും മഴയും വീട് തകർന്നു; വീട്ടുകാർ രക്ഷപ്പെട്ടത് തലനാരിഴക്ക്

മാവേലിക്കര: ശക്തമായ മഴയിലും കാറ്റിലും വീട് പൂർണമായി തകർന്നു. വീടിനുള്ളിൽ ഉണ്ടായിരുന്നവർ രക്ഷപ്പെട്ടത് തലനാരിഴക്ക്. ചെട്ടികുളങ്ങര കൈത തെക്ക് അഭിരാമി ഭവനിൽ മുരുകൻ-രമ ദമ്പതികളുടെ വീടാണ് തകർന്നത്. ശനിയാഴ്ച പുലർച്ച 12 മണിയോടെയായിരുന്നു സംഭവം. മുരുകനും ഭാര്യ രമയും മകൾ അഞ്ച് വയസ്സുകാരി അഭിരാമിയും ഈ സമയം ഉറങ്ങിക്കിടക്കുകയായിരുന്നു. വീടിന്​ മുകളിൽ വലിയ ശബ്ദംകേട്ട് മകളെയും എടുത്ത് വെളിയിലേക്ക് ഓടിയത് വൻ അപകടം ഒഴിവാക്കി. നാലുലക്ഷം രൂപയുടെ നാശനഷ്ടമാണ് ഉണ്ടായതെന്ന് വീട്ടുകാർ പറയുന്നു. ചിത്രം മഴയിലും കാറ്റിലും തകർന്ന ചെട്ടിക്കുളങ്ങര കൈത തെക്ക് അഭിരാമി ഭവനിൽ മുരുകൻ-രമ ദമ്പതികളുടെ വീട്