കാത്തിരിപ്പു കേന്ദ്രത്തിനും കാത്തിരിപ്പ്!

കു​മ്പ​ഡാ​ജെ: കാ​ത്തി​രി​പ്പു കേ​ന്ദ്ര​ത്തി​നു​ള്ള പ്ര​ദേ​ശ​വാ​സി​ക​ളു​ടെ കാ​ത്തി​രി​പ്പ് നീ​ളു​ന്നു. കു​മ്പ​ഡാ​ജെ പ​ഞ്ചാ​യ​ത്തി​ലെ ഗോ​സാ​ഡ റോ​ഡ് എ.​പി സ​ർ​ക്കി​ൾ ഗോ​ളി​യ​ടി​യിലാ​ണ് കാ​ല​പ്പ​ഴ​ക്കം ചെ​ന്ന കാ​ത്തി​രി​പ്പു കേ​ന്ദ്ര​മു​ള്ള​ത്.

ഇ​തി​ന്റെ കോ​ൺ​ക്രീ​റ്റു​ക​ൾ ഇ​ള​കി നി​ലം പൊ​ത്താ​ൻ തു​ട​ങ്ങി​യ​തോ​ടെ അ​തി​ൽ ഇ​രി​ക്ക​രു​തെ​ന്ന് പ​ഞ്ചാ​യ​ത്ത് നോ​ട്ടീ​സ് സ്ഥാ​പി​ക്കു​ക​യും ക​യ​ർ​കൊ​ണ്ട് ഷെ​ഡ് അ​ട​ച്ചി​ടു​ക​യും ചെ​യ്തി​ട്ട് ര​ണ്ടു​വ​ർ​ഷം ക​ഴി​ഞ്ഞു. എ​ന്നാ​ൽ, ബ​ദ​ൽ സം​വി​ധാ​നം ഒ​രു​ക്കാ​നോ അ​പ​ക​ടാ​വ​സ്ഥ​യി​ലു​ള്ള കാ​ത്തി​രി​പ്പു​കേ​ന്ദ്രം പൊ​ളി​ച്ചു നീ​ക്കാ​നോ അ​ധി​കൃ​ത​ർ ത​യാ​റാ​യി​ട്ടി​ല്ല. അ​പ​ക​ട​ങ്ങ​ൾ​ക്ക് ജാ​ഗ്ര​ത കാ​ട്ടേ​ണ്ട പ​ഞ്ചാ​യ​ത്ത​ധി​കാ​രി​ക​ൾ ക​ണ്ടി​ല്ലെ​ന്ന് ന​ടി​ക്കു​ക​യാ​ണെ​ന്നും ഏ​തെ​ങ്കി​ലും സാ​ഹ​ച​ര്യ​ത്തി​ൽ അ​പ​ക​ടം സം​ഭ​വി​ച്ചു ക​ഴി​ഞ്ഞി​ട്ട് വി​ല​പി​ച്ചി​ട്ട് കാ​ര്യ​മി​ല്ലെ​ന്നും നാ​ട്ടു​കാ​ർ പ​റ​യു​ന്നു.

ഒ​മ്പ​തും പ​ത്തും വാ​ർ​ഡ് അ​തി​ർ​ത്തി​യി​ലാ​ണ് കാ​ത്തി​രി​പ്പു കേ​ന്ദ്ര​മു​ള്ള​ത്. അ​തു​കൊ​ണ്ടു​ത​ന്നെ ഇ​തി​ന്റെ നി​ർ​മാ​ണം ആ​ര് ചെ​യ്യു​മെ​ന്ന ത​ർ​ക്ക​മു​ണ്ടെ​ന്നാ​ണ് ജ​ന​ങ്ങ​ളു​ടെ ആ​രോ​പ​ണം. വ​രു​മാ​നം കു​റ​ഞ്ഞ പ​ഞ്ചാ​യ​ത്താ​ണെ​ങ്കി​ലും വി​ക​സ​ന കാ​ര്യ​ത്തി​ൽ വാ​ർ​ത്ത​യി​ൽ ഇ​ടം​പി​ടി​ക്കു​ന്ന കു​മ്പ​ഡാ​ജെ പ​ഞ്ചാ​യ​ത്തി​ൽ ഇ​ത്ത​ര​ത്തി​ലു​ള്ള അ​വ​ഗ​ണ​ന എ​ങ്ങ​നെ ഉ​ണ്ടാ​യെ​ന്നാ​ണ് പ്ര​ദേ​ശ​വാ​സി​ക​ള​ട​ക്കം ചോ​ദി​ക്കു​ന്ന​ത്.

ബസ് കാത്തിരിപ്പു കേന്ദ്രം പൊ​ളി​ച്ചു നീ​ക്ക​ണ​മെ​ങ്കി​ൽ സ​ർ​ക്കാ​റി​ന്റെ എ​ൽ.​എ​സ്.​ജി വ​കു​പ്പി​ന്റെ അ​നു​വാ​ദം ല​ഭി​ക്കണം. ഇതിന് പ​ഞ്ചാ​യ​ത്ത് ഭ​ര​ണ​സ​മി​തി തീ​രു​മാ​നം കൈ​ക്കൊ​ണ്ട് സ​ർ​ക്കാ​റി​ലേ​ക്ക് അ​യ​ച്ചെ​ങ്കി​ലും മ​റു​പ​ടി ല​ഭി​ച്ചി​ല്ലെ​ന്നാ​ണ് പ​ഞ്ചാ​യ​ത്ത് പ്ര​സി​ഡ​ന്റ് ഹ​മീ​ദ് പൊ​സോ​ളി​ഗെ പ​റ​ഞ്ഞ​ത്.

പ​ഞ്ചാ​യ​ത്തി​ന് ത​ന​ത് ഫ​ണ്ട് കു​റ​വാ​ണെ​ന്നും ഇ​താ​ണ് അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ന് ത​ട​സ്സം നി​ൽ​ക്കു​ന്ന​തെ​ന്നും സ​ർ​ക്കാ​റി​ന്റെ അ​നു​മ​തി കി​ട്ടി​യാ​ൽ ഉ​ട​ൻ പ​രി​ഹാ​ര​മു​ണ്ടാ​കു​മെ​ന്നും അ​ദ്ദേ​ഹം അ​റി​യി​ച്ചു.