ദേ​ശീ​യ​പാ​ത മഴക്കെടുതി; മറനീക്കി ആശങ്ക

കാ​സ​ർ​കോ​ട്: ദേ​ശീ​യ​പാ​ത ആ​റു​വ​രി​യു​ടെ സ​ർ​വി​സ് റോ​ഡ് കാ​ഞ്ഞ​ങ്ങാ​ട് ക​ല്യാ​ൺ ഭാ​ഗ​ത്ത് ഇ​ടി​ഞ്ഞു താ​ഴ്ന്നു. റോ​ഡ് നീ​ള​ത്തി​ൽ വി​ണ്ടു കീ​റി. പെ​രി​യി​ൽ ബ​സ് സ​ർ​വി​സ് റോ​ഡി​ൽ അ​മ​ർ​ന്നു. മൊ​ഗ്രാ​ൽ പു​ത്തൂ​രി​ലും കാ​ലി​ക്ക​ട​വി​ലും നീ​​ലേ​ശ്വ​ര​ത്തും വെ​ള്ള​ക്കെ​ട്ട്. ദേ​ശീ​യ​പാ​ത സം​ബ​ന്ധി​ച്ച് ജ​ന​ങ്ങ​ളു​ടെ ആ​ശ​ങ്ക​ക​ൾ മ​റ​നീ​ക്കി പു​റ​ത്തു​വ​ന്ന ദി​ന​മാ​യി കാ​ല​വ​ർ​ഷ​ത്തി​ന്റെ തു​ട​ക്കം. ദേ​ശീ​യ​പാ​ത നി​ർ​മാ​ണം ന​ട​ക്കു​ന്ന ക​ല്യാ​ൺ റോ​ഡ് ക്രൈ​സ്റ്റ് സ്കൂ​ളി​ന് കി​ഴ​ക്ക് ഭാ​ഗ​ത്ത് 53 മീ​റ്റ​ർ നീ​ള​ത്തി​ലും 4.10 മീ​റ്റ​ർ വീ​തി​യി​ലും കാ​സ​ർ​കോ​ട്-​ക​ണ്ണൂ​ർ പോ​കു​ന്ന ഭാ​ഗ​ത്താ​യി വി​ള്ള​ൽ ഉ​ണ്ടാ​യി​ട്ടു​ണ്ട്.

ഇ​വി​ടെ റോ​ഡി​ന്റെ ഒ​രു ഭാ​ഗം അ​ടി​ത്ത​ട്ടോ​ടെ ഒ​ഴു​കി​പോ​യി​ട്ടു​ണ്ട്. സം​സ്ഥാ​ന​ത്ത് അ​തി​തീ​വ്ര മ​ഴ​ക്ക് മു​ന്ന​റി​യി​പ്പ് ന​ൽ​കി സൈ​റ​ൺ മു​ഴ​ക്കി. ജി​ല്ല​യി​ൽ റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​രി​ക്കു​ക​യാ​ണ്. കാ​ഞ്ഞ​ങ്ങാ​ട് ക്രൈ​സ്റ്റ് സ്കൂ​ളി​ന് എ​തി​ർ​വ​ശ​ത്ത് റോ​ഡ് ത​ക​ർ​ന്ന ജി​ല്ല ക​ല​ക്ട​ർ കെ. ​ഇ​മ്പ​ശേ​ഖ​ർ സ​ന്ദ​ർ​ശി​ച്ചു. ഹോ​സ്ദു​ർ​ഗ് ത​ഹ​സി​ൽ​ദാ​ർ ജ​യ​പ്ര​സാ​ദ് ഡെ​പ്യൂ​ട്ടി ത​ഹ​സി​ൽ​ദാ​ർ തു​ള​സി രാ​ജ് വി​ല്ലേ​ജ് ഓ​ഫി​സ​ർ​മാ​ർ എ​ന്നി​വ​ർ അ​നു​ഗ​മി​ച്ചു. ദേ​ശീ​യ​പാ​ത​യി​ൽ ക​ന​ത്ത മ​ഴ​യി​ൽ നാ​ശ​ന​ഷ്ട​മു​ണ്ടാ​യ വി​വി​ധ സ്ഥ​ല​ങ്ങ​ളി​ലും ക​ല​ക്ട​ർ സ​ന്ദ​ർ​ശ​നം ന​ട​ത്തി.

മൊ​ഗ്രാ​ൽ പു​ത്തൂ​ർ കു​ന്നി​ലെ സ​ർ​വിസ് റോ​ഡി​ൽ വെ​ള്ള​ക്കെ​ട്ട്

മൊ​ഗ്രാ​ൽ പു​ത്തൂ​ർ: മൊ​ഗ്രാ​ൽ കു​ന്നി​ലി​ൽ സ​ർ​വി​സ് റോ​ഡി​ൽ വെ​ള്ള​ക്കെ​ട്ട്. നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യാ​ണെ​ന്ന് ആ​രോ​പ​ണം. സി.​പി.​സി.​ആ​ർ.​ഐ ഗെ​സ്റ്റ് ഹൗ​സി​ന് സ​മീ​പ​മാ​ണ് സ​ർ​വി​സ് റോ​ഡും ലി​ങ്ക് റോ​ഡും വെ​ള്ള​ക്കെ​ട്ടി​ൽ നി​റ​യു​ന്ന​ത്. മ​ഴ വ​ന്നാ​ൽ മ​ലി​ന​ജ​ല​മാ​ണ് ഇ​വി​ടെ കെ​ട്ടി​ക്കി​ട​ക്കു​ന്ന​ത്. അം​ഗ​ൻ​വാ​ടി കു​ട്ടി​ക​ള​ട​ക്കം നി​ര​വ​ധി വി​ദ്യാ​ർഥി​ക​ളും മ​റ്റും ആ​ശ്ര​യി​ക്കു​ന്ന റോ​ഡാ​ണി​ത്. റോ​ഡ് നി​ർ​മാ​ണ സ​മ​യ​ത്ത് ത​ന്നെ ഇ​തി​ന് മേ​ൽ​നോ​ട്ടം വ​ഹി​ച്ചി​രു​ന്ന​വ​രോ​ട് സ​ർ​വി​സ് റോ​ഡി​ന്റെ നി​ർ​മാ​ണ​ത്തി​ലെ അ​പാ​ക​ത ചൂ​ണ്ടിക്കാ​ണി​ച്ചി​രു​ന്നു.

നാ​ട്ടു​കാ​രു​ടെ ആ​വ​ശ്യ​പ്ര​കാ​രം പ​ഞ്ചാ​യ​ത്ത്, വി​ല്ലേ​ജ്, ജി​ല്ല ഭ​ര​ണ​കൂ​ട​വും ജ​ന​ങ്ങ​ളു​ടെ പ്ര​യാ​സ​ങ്ങ​ൾ ത​ല​പ്പാ​ടി-​ചെ​ങ്ക​ള റീ​ച്ചി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന​വ​രെ അ​റി​യി​ച്ചെ​ങ്കി​ലും അ​വ​ർ ബ​ന്ധ​പ്പെ​ട്ട​വ​രു​ടെ വാ​ക്കു​ക​ൾ​ക്ക് യാ​തൊ​രു വി​ല​യും ക​ൽ​പ്പി​ച്ചി​ല്ല. ഇ​പ്പോ​ൾ മ​ഴ വ​ന്ന​തോ​ടെ മ​ലി​ന​ജ​ലം കെ​ട്ടി നി​ൽ​ക്കു​ക​യാ​ണ്. സ്കൂ​ൾ തു​റ​ക്കാ​റാ​യ​തോ​ടെ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും ആ​ശ​ങ്ക​യി​ലാ​ണെ​ന്ന് നാ​ട്ടു​കാ​ർ പ​റ​യു​ന്നു.