പൊ​ലീ​സ് നിർദേശം കാറ്റിൽപറത്തി നീ​ലേ​ശ്വ​രം മേ​ൽ​പാ​ല​ത്തി​ന് താ​ഴെ പാ​ർ​ക്കി​ങ്

നീ​ലേ​ശ്വ​രം: ന​ഗ​ര​സ​ഭ അ​ധി​കൃ​ത​രു​ടെ​യും നീ​ലേ​ശ്വ​രം ജ​ന​മൈ​ത്രി പൊ​ലീ​സി​ന്‍റെ​യും അ​റി​യി​പ്പു​ക​ളെ കാ​റ്റി​ൽ​പ​റ​ത്തി നീ​ലേ​ശ്വ​രം മേ​ൽ​പാ​ല​ത്തി​ന് താ​ഴെ വാ​ഹ​ന​ങ്ങ​ളു​ടെ അ​ന​ധി​കൃ​ത പാ​ർ​ക്കി​ങ്. നൂ​റു​ക​ണ​ക്കി​ന് ബൈ​ക്കു​ക​ളാ​ണ് ദി​വ​സ​വും മേ​ൽ​പാ​ല​ത്തി​ന് താ​ഴെ​യും റെ​യി​ൽ​വേ സ്റ്റേ​ഷ​ൻ റോ​ഡി​ന് ചേ​ർ​ന്നും പാ​ർ​ക്ക് ചെ​യ്യു​ന്ന​ത്. രാ​വി​ലെ ഏ​ഴി​ന് പാ​ർ​ക്ക് ചെ​യ്താ​ൽ വൈ​കീ​ട്ട് ആ​റു​വ​രെ ഇ​വി​ടെ വാ​ഹ​ന​ങ്ങ​ൾ കാ​ണാം. പാ​ർ​ക്ക് ചെ​യ്ത​തി​ന്‍റെ ഇ​രു​ഭാ​ഗ​ത്തും റോ​ഡു​ണ്ടെ​ന്ന് മാ​ത്ര​മ​ല്ല, റെ​യി​ൽ​വേ സ്റ്റേ​ഷ​ൻ റോ​ഡും കൈ​യേ​റി​യാ​ണ് മി​ക്ക​വാ​ഹ​ന​ങ്ങ​ളും പാ​ർ​ക്ക് ചെ​യ്യു​ന്ന​ത്.

നീ​ലേ​ശ്വ​രം ന​ഗ​ര​സ​ഭ​യും പൊ​ലീ​സും ചേ​ർ​ന്ന് വാ​ഹ​ന പാ​ർ​ക്കി​ങ് നി​രോ​ധി​ച്ചി​രു​ക്കു​ന്നു​വെ​ന്ന നാ​ലു ബോ​ർ​ഡു​ക​ൾ ഇ​വി​ടെ സ്ഥാ​പി​ച്ചി​ട്ടു​ണ്ട്. എ​ന്നാ​ൽ, ഈ ​നി​യ​മം ബാ​ധ​ക​മ​ല്ലെ​ന്ന​ത​ര​ത്തി​ൽ ബോ​ർ​ഡി​ന് ചു​വ​ട്ടി​ലാ​ണ് ബൈ​ക്കു​ക​ൾ പാ​ർ​ക്ക് ചെ​യ്യു​ന്ന​ത്. സ്റ്റേ​ഷ​നി​ലേ​ക്ക് പോ​കു​ക​യും വ​രു​ക​യും ചെ​യ്യു​ന്ന വാ​ഹ​ന​ങ്ങ​ളും പാ​ർ​ക്കി​ങ് മൂ​ലം ബു​ദ്ധി​മു​ട്ടു​ക​യാ​ണ്. മാ​ത്ര​മ​ല്ല, മേ​ൽ​പാ​ല​ത്തി​ന് താ​ഴെ​യു​ള്ള ഓ​ട്ടോ പാ​ർ​ക്കി​ങ്ങി​നും ഇ​തു​മൂ​ലം മ​തി​യാ​യ സ്ഥ​ലം ല​ഭി​ക്കു​ന്നി​ല്ല.

നി​ര​വ​ധി വ്യാ​പാ​ര​സ്ഥാ​പ​ന​ങ്ങ​ളു​ള്ള ഇ​വി​ടെ വ​രു​ന്ന ക​സ്റ്റ​മ​റു​ടെ വാ​ഹ​നം പാ​ർ​ക്ക് ചെ​യ്യാ​നും ക​ഴി​യാ​ത്ത സ്ഥി​തി​യാ​ണ്. സ​മീ​പ​ത്തെ റെ​യി​ൽ​വേ കാ​ന്‍റീ​നി​ൽ ഭ​ക്ഷ​ണം ക​ഴി​ക്കാ​നെ​ത്തു​ന്ന​വ​ർ​ക്കും പാ​ർ​ക്കി​ങ്ങി​ന് സ്ഥ​ല​മി​ല്ല. ഇ​രു​വ​ശ​ത്തു​മു​ള്ള റെ​യി​ൽ​വേ സ്റ്റേ​ഷ​ൻ റോ​ഡി​ന് മു​ക​ളി​ൽ കൂ​ടി കാ​ൽ​ന​ട​ക്കാ​ർ അ​പ​ക​ടം മു​ന്നി​ൽ​ക്ക​ണ്ട് സ​ഞ്ച​രി​ക്കേ​ണ്ട ഗ​തി​കേ​ടി​ലാ​ണ്. ഇ​വി​ടെ ഒ​രു ഓ​ട്ടോ ടെ​മ്പോ പാ​ർ​ക്ക് ചെ​യ്ത് ഉ​ട​മ പോ​യി​ട്ട് മാ​സ​ങ്ങ​ൾ ക​ഴി​ഞ്ഞു. ഇ​ങ്ങ​നെ റോ​ഡ് കൈ​യേ​റി​യും പൊ​ലീ​സ് മു​ന്ന​റി​യി​പ്പ് ബോ​ർ​ഡി​നും വി​ല ക​ൽ​പി​ക്കാ​ത്ത ബൈ​ക്ക് ഉ​ട​മ​ക​ൾ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്ന് ഓ​ട്ടോ ഡ്രൈ​വ​ർ​മാ​രും വ്യാ​പാ​രി​ക​ളും ആ​വ​ശ്യ​പ്പെ​ടു​ന്നു.

ഏ​ക്ക​ർ ക​ണ​ക്കി​ന് സ്ഥ​ല​മു​ള്ള റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് വാ​ഹ​നം പാ​ർ​ക്ക് ചെ​യ്താ​ൽ നി​ശ്ചി​ത തു​ക അ​ട​ക്കേ​ണ്ടി വ​രു​മെ​ന്ന​തു​കൊ​ണ്ടാ​ണ് ഭൂ​രി​ഭാ​ഗം പേ​രും മേ​ൽ​പാ​ല​ത്തി​ന​ടി​ഭാ​ഗം പാ​ർ​ക്കി​ങ് കേ​ന്ദ്ര​മാ​ക്കി മാ​റ്റി​യ​ത്. മു​മ്പ് നീ​ലേ​ശ്വ​രം പൊ​ലീ​സ് പാ​ർ​ക്ക് ചെ​യ്ത നി​ര​വ​ധി വാ​ഹ​ന​ങ്ങ​ൾ​ക്ക് പി​ഴ​ചു​മ​ത്തി​യി​രു​ന്നു​വെ​ങ്കി​ലും ഇ​പ്പോ​ൾ പ​രി​ശോ​ധ​ന​യൊ​ന്നും ന​ട​ക്കു​ന്നി​ല്ല.