ന്യൂഡൽഹി: കോവിഡ് പ്രതിരോധത്തിലെ കേന്ദ്രസർക്കാർ നടപടികളെ പരിഹസിച്ച് കോൺഗ്രസ് നേതാവ് രാഹുൽ ഗാന്ധി. കേന്ദ്രസർക്കാറിന്‍റെ കോവിഡ് പ്രതിരോധത്തിന് മൂന്ന് ഘട്ടങ്ങളുണ്ടെന്നും ഇതിൽ ആദ്യത്തേത് തുഗ്ലക്ക് പരിഷ്കാരമായ ലോക്ഡൗണാണെന്നും രാഹുൽ ട്വിറ്ററിൽ കുറിച്ചു. കഴിഞ്ഞ വർഷം മാർച്ച് 25ന് ലോക്ഡൗൺ പ്രഖ്യാപിച്ചതിലാണ് രാഹുലിന്‍റെ പ്രതികരണം.
രണ്ടാം ഘട്ടം പാത്രം കൊട്ടലായിരുന്നു. പ്രഭുവിന്‍റെ ഗുണങ്ങൾ പറയുകയായിരുന്നു മൂന്നാംഘട്ടം. രാജ്യത്തെ കോവിഡ് രോഗികളുടെ പ്രതിദിന വർധന രണ്ട് ലക്ഷം കടന്ന പശ്ചാത്തലത്തിലാണ് രാഹുൽ ഗാന്ധിയുടെ പരാമർശം.
രാജ്യത്തിന്‍റെ വിവിധ ഭാഗങ്ങളിൽ കോവിഡ് രോഗികൾക്ക് കിടക്കകൾക്കും ഓക്സിജൻ സിലണ്ടറുകൾക്കും കടുത്ത ക്ഷാമം അനുഭവപ്പെടുന്നുണ്ട്. ഇതും നേരത്തെ രാഹുൽ ഗാന്ധി ചൂണ്ടിക്കാട്ടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.