ഗുവാഹത്തി: മക്കളുടെ കൺമുന്നിൽ ഭാര്യയെയും അമ്മായിയമ്മയെയും വെട്ടി കൊലപ്പെടുത്തി യുവാവ്. ശേഷം ഇവരുടെ മൃതദേഹങ്ങൾ കഷണങ്ങളാക്കി വെട്ടിനുറുക്കുകയും ചെയ്തു. ത്രിപുരയിലെ ദലായി ജില്ലയിലാണ് സംഭവം. ഇതിന് പിന്നാലെ യുവാവ് വിഷം കഴിക്കുകയും ചെയ്തു.
കുട്ടികളുടെ കരച്ചിൽ കേട്ടെത്തിയ പ്രദേശവാസികളാണ് നടുക്കുന്ന ദൃശ്യം കണ്ടത്. രക്തത്തിൽ കുളിച്ച മൃതദേഹങ്ങൾക്കരികിൽ ഇരുന്ന് നിലവിളിക്കുകയായിരുന്നു കുട്ടികൾ. യുവാവിനെ അബോധാവസ്ഥയിൽ തൊട്ടടുത്ത മുറിയിൽ കണ്ടെത്തുകയും ചെയ്തു.
ഇയാളെ അറസ്റ്റ് ചെയ്ത് വൈദ്യപരിശോധന നടത്തിയതായി പൊലീസ് പറഞ്ഞു. ശരീരത്തിൽ നിന്ന് വിഷാംശം കണ്ടെത്തിയിട്ടുണ്ട്. ചോദ്യം ചെയ്യാൻ സാധിക്കാത്തതിനാൽ കൊലപാതകത്തിന്റെ കാരണം വ്യക്തമല്ലെന്നും പൊലീസ് പറഞ്ഞു.
കുട്ടികളെ ഇരുവരെയും ജില്ല ശിശുക്ഷേമ സമിതിയുടെ സംരക്ഷണത്തിലേക്ക് മാറ്റിയിരിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.