ഭോപ്പാൽ: മധ്യപ്രദേശ് കട്നിയിലെ സർക്കാർ സ്കൂളിൽ പ്രായപൂർത്തിയാകാത്ത വിദ്യാർഥികൾക്ക് മദ്യം നൽകിയതിന് അധ്യാപകനെ സസ്പെൻഡ് ചെയ്തു. ഖിർഹാനി സ്വദേശി ലാൽ നവീൻ പ്രതാപ് സിങ് എന്ന അധ്യാപകനാണ് പിടിയിലായത്. അധ്യാപകൻ മദ്യം നൽകുന്ന വിഡിയോ സമൂഹമാധ്യമങ്ങളിൽ പ്രചരിച്ചതിന് പിന്നാലെയാണ് അറസ്റ്റ്.
മദ്യത്തിലേക്ക് വെള്ളം ഒഴിക്കാൻ വിദ്യാർഥികളോട് ആവശ്യപ്പെടുന്നത് വിഡിയോയിൽ കാണാം. വിഡിയോ വൈറലായതോടെ ജില്ലാ കളക്ടർ ഡോ. ദിലീപ് യാദവ് അധ്യാപകനെ സസ്പെൻഡ് ചെയ്തു. ഇയാൾ മദ്യപിച്ചാണ് സ്കൂളിൽ വരുന്നതെന്നും പലപ്പോഴായി വിദ്യാർഥികൾക്ക് മദ്യം നൽകാറുണ്ടെന്നും അന്വേഷണത്തിൽ വ്യക്തമായി.
വിഡിയോ വിവിധ ബ്ലോക്കുകളിലെ ഉദ്യോഗസ്ഥർക്ക് ഇയാൾ തന്നെ ഷെയർ ചെയ്തിരുന്നു. മോശം പെരുമാറ്റം, കുട്ടികളെ മദ്യം കുടിക്കാൻ പ്രോത്സാഹിപ്പിക്കൽ, അധ്യാപകന്റെ അന്തസ്സിന് കളങ്കം വരുത്തൽ എന്നീ കുറ്റങ്ങൾ ചുമത്തി അധ്യാപകനെതിരെ കേസ് എടുത്തിട്ടുണ്ട്. സംഭവത്തിൽ അന്വേഷണം പുരോഗമിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.