തണുത്ത് വിറച്ച് ഡൽഹി; ഈ സീസണിലെ ഏറ്റവും തണുപ്പേറിയ ദിനം

ന്യൂഡൽഹി: ഡൽഹിയിൽ കൊടും തണുപ്പ്. ഈ സീസണിലെ ഏറ്റവും കൂടിയ തണുപ്പിലേക്കാണ് ഇന്ന് ഡൽഹി വിറച്ചുകൊണ്ട് എഴുന്നേറ്റത്. 1.4 ഡിഗ്രി സെൽഷ്യസ് താപനിലയാണ് ഡൽഹിയിലും സമീപ പ്രദേശങ്ങളിലും രേഖപ്പെടുത്തിയിരിക്കുന്നത്.

പഞ്ചാബ്, ഹരിയാന, ചണ്ഡീഗഡ്, ഉത്തർ പ്രദേശിന്റെ വിവിധ ഭാഗങ്ങൾ, രാജസ്ഥാൻ എന്നിവിടങ്ങളിലും ശീത തരംഗവും മൂടൽ മഞ്ഞും അനുഭവപ്പെടുന്നുണ്ട്.

ഈ അവസ്ഥ വടക്കേ ഇന്ത്യയിൽ അടുത്ത മൂന്നു ദിവസ​ത്തേക്ക് കൂടി തുടരാൻ സാധ്യതയുണ്ടെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. മൂടൽ മഞ്ഞ് കാരണം 13 ഓളം ട്രെയിനുകൾ വൈകിയാണ് ഓടുന്നതെന്ന് നോർ​തേൺ റെയിൽവേ അറിയിച്ചു.