ഗുവാഹത്തി: സുപ്രീംകോടതി ചീഫ് ജസ്റ്റിസിന് സുരക്ഷ ഒരുക്കുന്നതിൽ വീഴ്ച വരുത്തിയ പൊലീസ് ഉദ്യോഗസ്ഥന് സസ്പെൻഷൻ. ഗുവാഹത്തി വെസ്റ്റ് ഡെപ്യൂട്ടി കമീഷണറെയാണ് സസ്പെൻഡ് ചെയ്തത്. ചീഫ് ജസ്റ്റിസ് രഞ്ജൻ ഗോഗോയ് കാമാകായ ക്ഷേത്രത്തിലെത്തിയപ്പോൾ സുരക്ഷ ഒരുക്കുന്നതിൽ വീഴ്ച വരുത്തിയെന്ന് ആരോപിച്ചാണ് നടപടി.
ബനാവാർ ലാൽ മീനയെന്ന പൊലീസ് ഉദ്യോഗസ്ഥനെയാണ് 1969ലെ ആൾ ഇന്ത്യ സർവീസ് ചട്ടം അനുസരിച്ചാണ് സസ്പെൻഡ് ചെയ്തത്. സംസ്ഥാന ഗവർണറുടെ പേരിൽ ആഭ്യന്തര വകുപ്പാണ് ഉദ്യോഗസ്ഥനെതിരെ നടപടി സ്വീകരിച്ചിരിക്കുന്നത്.
ഇനിയൊരു നിർദേശം ഉണ്ടാകും വരെ പൊലീസ് ആസ്ഥാനത്ത് നിന്ന് പുറത്ത് പോകരുതെന്ന് ആഭ്യന്തര സെക്രട്ടറി ദീപക് മജുംദാറാണ് ഒപ്പുവെച്ച ഉത്തരവിൽ ഉദ്യോഗസ്ഥനോട് നിർദേശിച്ചിട്ടുണ്ട്. ഒക്ടോബർ 17നാണ് ചീഫ് ജസ്റ്റിസ് രഞ്ജൻ ഗോഗോയ് ഗുവാഹത്തിയിലെ ക്ഷേത്രത്തിലെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.