ന്യൂഡല്ഹി: പാകിസ്താന് ഇന്റര്നാഷനല് എയര്ലൈന്സ് ഓഫിസില് അതിക്രമം കാട്ടിയ ഹിന്ദുസേന നേതാവ് വിഷ്ണു ഗുപ്തയെ ഡല്ഹി പൊലീസ് അറസ്റ്റു ചെയ്തു. കേരള ഹൗസില് ബീഫ് വിളമ്പിയെന്ന പ്രശ്നമുണ്ടാക്കിയത് വിഷ്ണു ഗുപ്തയുടെ നേതൃത്വത്തിലുള്ള സംഘമായിരുന്നു. ക്രിമിനല് ഗൂഢാലോചന, കലാപമുണ്ടാക്കല്, നിയമവിരുദ്ധമായി സംഘം ചേര്ന്ന് പ്രവര്ത്തിക്കല്, അതിക്രമിച്ചു കടക്കല്, നാശനഷ്ടം വരുത്തല് തുടങ്ങിയ കുറ്റങ്ങള്ക്ക് ഇന്ത്യന് ശിക്ഷാ നിയമത്തിലെ വിവിധ വകുപ്പുകള് പ്രകാരം കേസെടുത്താണ് അറസ്റ്റു ചെയ്തത്. പത്താന്കോട്ട് സംഭവത്തില് പാകിസ്താന് വേണ്ടത്ര നടപടി സ്വീകരിക്കുന്നില്ളെന്ന കാരണം പറഞ്ഞാണ് പാക് വിമാന കമ്പനി ഓഫിസിലേക്ക് നാലു ഹിന്ദു സേനക്കാര് തള്ളിക്കയറി നാശം വരുത്തിയത്.
ഇക്കൂട്ടത്തിലുണ്ടായിരുന്ന മറ്റ് ഹിന്ദുസേനക്കാരെ പൊലീസ് തിരയുകയാണെന്ന് ഡെപ്യൂട്ടി പൊലീസ് കമീഷണര് ജതിന് നര്വാള് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.