'വി​ക്കി അ​റേ​ബ്യ' സ​മ്മേ​ള​ന​ത്തി​ന്​ ദു​ബൈ​യി​ൽ തു​ട​ക്കം

ദു​ബൈ: അ​റ​ബി​ക്​ ഭാ​ഷ​യി​ൽ വി​ക്കി​പീ​ഡി​യ കൈ​കാ​ര്യം ചെ​യ്യു​ന്ന​വ​രു​ടെ കൂ​ട്ടാ​യ്മ​യാ​യ 'വി​ക്കി അ​റേ​ബ്യ'​യു​ടെ സ​മ്മേ​ള​ന​ത്തി​ന്​ ദു​ബൈ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ലൈ​ബ്ര​റി​യി​ൽ തു​ട​ക്കം.

കൂ​ട്ടാ​യ്മ​യി​ലെ അം​ഗ​ങ്ങ​ൾ​ക്കി​ട​യി​ൽ ആ​ശ​യ വി​നി​മ​യ​ത്തി​നു​ള്ള വേ​ദി ഒ​രു​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ്​ പ​രി​പാ​ടി സം​ഘ​ടി​പ്പി​ച്ച​ത്. ദു​ബൈ ക​ൾ​ച്ച​ർ ആ​ൻ​ഡ്​ ആ​ർ​ട്‌​സ് അ​തോ​റി​റ്റി ഡ​യ​റ​ക്ട​ർ ജ​ന​റ​ൽ ഹ​ലാ ബ​ദ്‌​രി ഉ​ൾ​പ്പെ​ടെ യു.​എ.​ഇ​യു​ടെ സാം​സ്‌​കാ​രി​ക മേ​ഖ​ല​യി​ലെ നി​ര​വ​ധി ബു​ദ്ധി​ജീ​വി​ക​ളും പ്ര​ഭാ​ഷ​ക​രും ഉ​ദ്ഘാ​ട​ന ച​ട​ങ്ങി​ൽ പ​​ങ്കെ​ടു​ത്തു. വി​ക്കി ഡേ​റ്റ, വി​ക്കി സോ​ഴ്‌​സ്, വി​ക്കി കോ​മ​ൺ​സ് എ​ന്നി​വ​യ​ട​ക്കം വി​വി​ധ വി​ക്കി​മീ​ഡി​യ പ്രോ​ജ​ക്ടു​ക​ളെ​ക്കു​റി​ച്ച്​ യു​വാ​ക്ക​ൾ​ക്കും വി​ദ്യാ​ർ​ഥി​ക​ൾ​ക്കും അ​വ​ബോ​ധം സൃ​ഷ്ടി​ക്കാ​ൻ ശി​ൽ​പ​ശാ​ല​ക​ൾ പ​രി​പാ​ടി​യോ​ട​നു​ബ​ന്ധി​ച്ച്​ ഒ​രു​ക്കി​യി​ട്ടു​ണ്ട്.

കോ​ൺ​ഫ​റ​ൻ​സ് അ​ജ​ണ്ട​യി​ൽ വി​ക്കി​മീ​ഡി​യ മേ​ഖ​ല​യെ​യും പൊ​തു​വെ ക്രി​യേ​റ്റി​വ് മേ​ഖ​ല​യെ​യും സം​ബ​ന്ധി​ക്കു​ന്ന വി​വി​ധ വി​ഷ​യ​ങ്ങ​ൾ ഉ​ൾ​പ്പെ​ടു​ത്തി​യി​ട്ടു​ണ്ട്. പ​രി​പാ​ടി​ക​ളി​ലേ​ക്ക്​ എ​ല്ലാ​വ​ർ​ക്കും പ്ര​വേ​ശ​നം സൗ​ജ​ന്യ​മാ​ണ്. എ​ന്നാ​ൽ, പ​ങ്കെ​ടു​ക്കു​ന്ന​വ​ർ ദു​ബൈ എ​മി​റേ​റ്റ്സ് ലി​റ്റ​റേ​ച്ച​ർ ഫൗ​ണ്ടേ​ഷ​ന്‍റെ വെ​ബ്‌​സൈ​റ്റി​ൽ വി​ക്കി​അ​റേ​ബ്യ-2022 വെ​ബ്‌​പേ​ജി​ൽ ഓ​രോ സെ​ഷ​നും പ്ര​ത്യേ​കം ര​ജി​സ്റ്റ​ർ ചെ​യ്യ​ണം.