ലോ​ക റാ​ങ്കി​ങ്ങി​ൽ മു​ന്നേ​റി യു.​എ.​ഇ സ​ർ​വ​ക​ലാ​ശാ​ല​ക​ൾ

ദു​ബൈ: ലോ​ക​ത്തെ ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ലെ മി​ക​ച്ച സ്ഥാ​പ​ന​ങ്ങ​ളു​ടെ പ​ട്ടി​ക​യി​ൽ മു​ന്നേ​റ്റ​മു​ണ്ടാ​ക്കി യു.​എ.​ഇ​യി​ലെ സ​ർ​വ​ക​ലാ​ശാ​ല​ക​ൾ. തി​ങ്ക​ളാ​ഴ്ച രാ​വി​ലെ പു​റ​ത്തി​റ​ങ്ങി​യ 2025ലെ ​സെ​ന്റ​ർ ഫോ​ർ വേ​ൾ​ഡ് യൂ​നി​വേ​ഴ്സി​റ്റി റാ​ങ്കി​ങ്ങി​ൽ (സി.​ഡ​ബ്ല്യു.​യു.​ആ​ർ) ആ​കെ 21,462 ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ അ​ബൂ​ദ​ബി​യി​ലെ ഖ​ലീ​ഫ യൂ​നി​വേ​ഴ്സി​റ്റി 30 സ്ഥാ​ന​ങ്ങ​ൾ മു​ന്നേ​റി 846ാം സ്ഥാ​ന​ത്തെ​ത്തി.

വി​ദ്യാ​ഭ്യാ​സ നി​ല​വാ​രം, തൊ​ഴി​ൽ സാ​ധ്യ​ത, ഫാ​ക്ക​ൽ​റ്റി​യു​ടെ ഗു​ണ​നി​ല​വാ​രം, ഗ​വേ​ഷ​ണം എ​ന്നി​വ അ​ടി​സ്ഥാ​ന​മാ​ക്കി​യു​ള്ള വാ​ർ​ഷി​ക പ​ട്ടി​ക​യി​ൽ ഖ​ലീ​ഫ യൂ​നി​വേ​ഴ്സി​റ്റി ലോ​ക​മെ​മ്പാ​ടു​മു​ള്ള മി​ക​ച്ച നാ​ലു ശ​ത​മാ​നം സ​ർ​വ​ക​ലാ​ശാ​ല​ക​ളി​ൽ ഇ​ടം നേ​ടി​യി​ട്ടു​ണ്ട്. അ​തോ​ടൊ​പ്പം മി​ഡി​ലീ​സ്റ്റി​ലെ മി​ക​ച്ച സ​ർ​വ​കാ​ലാ​ശാ​ല​ക​ളി​ൽ പ​ത്താം സ്ഥാ​ന​വും നേ​ടി​യി​ട്ടു​ണ്ട്. ഏ​പ്രി​ലി​ൽ പു​റ​ത്തു​വി​ട്ട ടൈം​സ് ഹ​യ​ർ എ​ജു​ക്കേ​ഷ​ൻ ഏ​ഷ്യ യൂ​നി​വേ​ഴ്സി​റ്റി റാ​ങ്കി​ങ് 2025ൽ ​ഖ​ലീ​ഫ യൂ​നി​വേ​ഴ്സി​റ്റി ഏ​ഷ്യ​യി​ൽ 37ാം സ്ഥാ​ന​ത്തെ​ത്തി​യി​രു​ന്നു.

യു​നൈ​റ്റ​ഡ് അ​റ​ബ് എ​മി​റേ​റ്റ്സ് യൂ​നി​വേ​ഴ്സി​റ്റി 91 സ്ഥാ​ന​ങ്ങ​ൾ ഉ​യ​ർ​ന്ന് 1022ാം സ്ഥാ​ന​ത്തും, ഷാ​ർ​ജ യൂ​നി​വേ​ഴ്സി​റ്റി 161 സ്ഥാ​ന​ങ്ങ​ൾ ഉ​യ​ർ​ന്ന് 1092ാം സ്ഥാ​ന​ത്തും, ന്യൂ​യോ​ർ​ക് യൂ​നി​വേ​ഴ്സി​റ്റി അ​ബൂ​ദ​ബി 1116ാം സ്ഥാ​ന​ത്തു​മാ​ണ്​ പ​ട്ടി​ക​യി​ലു​ള്ള​ത്. യു.​എ.​ഇ​യി​ലെ സ​ർ​വ​ക​ലാ​ശാ​ല​ക​ളു​ടെ ശ​ക്ത​മാ​യ ഗ​വേ​ഷ​ണ പ്ര​വ​ർ​ത്ത​ന​ങ്ങ​ളാ​ണ് റാ​ങ്കി​ങ്ങി​ലെ മു​ന്നേ​റ്റ​ത്തി​ന് പ്ര​ധാ​ന കാ​ര​ണ​മെ​ന്ന് സി.​ഡ​ബ്ല്യു.​യു.​ആ​ർ​ വ്യ​ക്ത​മാ​ക്കി​യി​ട്ടു​ണ്ട്.

യു.​എ.​ഇ സ​ർ​വ​ക​ലാ​ശാ​ല​ക​ൾ കൈ​വ​രി​ച്ചു​കൊ​ണ്ടി​രി​ക്കു​ന്ന പു​രോ​ഗ​തി​യെ സി.​ഡ​ബ്ല്യു.​യു.​ആ​ർ പ്ര​സി​ഡ​ന്റ് നാ​ദിം മ​ഹ​സ്സ​ൻ പ്ര​ശം​സി​ച്ചു. റാ​ങ്കി​ങ്ങി​ൽ യു.​എ.​ഇ ലോ​ക​ത്തി​ലെ മി​ക​ച്ച സ​ർ​വ​ക​ലാ​ശാ​ല​ക​ളി​ൽ മി​ക​ച്ച പ്രാ​തി​നി​ധ്യം നേ​ടി​യി​ട്ടു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഗ​ൾ​ഫ്​ മേ​ഖ​ല​യി​ൽ ഏ​റ്റ​വും മി​ക​ച്ച പ്ര​ക​ട​നം കാ​ഴ്ച​വെ​ച്ച​ത് സൗ​ദി​യി​ലെ കി​ങ്​ അ​ബ്ദു​ല്ല ശാ​സ്ത്ര സാ​ങ്കേ​തി​ക സ​ർ​വ​ക​ലാ​ശാ​ല​യാ​ണ്. ഇ​തു ക​ഴി​ഞ്ഞ വ​ർ​ഷ​ത്തെ 249ാം സ്ഥാ​ന​ത്തു​നി​ന്ന് 237ാം സ്ഥാ​ന​ത്തേ​ക്ക് ഉ​യ​ർ​ന്നു. സൗ​ദി​യി​ലെ കി​ങ്​ അ​ബ്ദു​ൽ അ​സീ​സ് യൂ​നി​വേ​ഴ്സി​റ്റി 254ാം സ്ഥാ​ന​ത്തു​നി​ന്ന് 249ാം സ്ഥാ​ന​ത്തേ​ക്കും ഉ​യ​ർ​ന്നു.

യു.​എ.​ഇ സ​ർ​ക്കാ​ർ സ​മീ​പ വ​ർ​ഷ​ങ്ങ​ളി​ൽ ഉ​ന്ന​ത വി​ദ്യാ​ഭ്യാ​സ നി​ല​വാ​രം ഉ​യ​ർ​ത്തു​ന്ന​തി​ന് നി​ര​വ​ധി ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്. 2024 ജൂ​ണി​ൽ യു.​എ.​ഇ പ്രാ​ദേ​ശി​ക സ​ർ​വ​ക​ലാ​ശാ​ല​ക​ളി​ൽ സ്ഥി​ര​മാ​യി വി​ല​യി​രു​ത്ത​ലു​ക​ൾ​ക്ക് വി​ധേ​യ​മാ​ക്കു​ന്ന​തി​നും പ്ര​ക​ട​ന​ത്തെ അ​ടി​സ്ഥാ​ന​മാ​ക്കി ക്ല​സ്റ്റ​ർ ചെ​യ്യു​ന്ന​തി​നു​മു​ള്ള പ​ദ്ധ​തി​ക​ൾ ആ​വി​ഷ്ക​രി​ച്ചി​രു​ന്നു.