അബൂദബി െഎ.എസ്​.സി ഖുർആൻ പാരായണ മത്സരം:  വിജയികളിൽ ആറ്​ മലയാളികൾ

അബൂദബി: അബൂദബി ഇന്ത്യ സോഷ്യൽ ആൻഡ്​ കൾച്ചറൽ സ​​െൻറർ (​െഎ.എസ്​.സി) നാലാമത് യു.എ.ഇ ഒാപൻ ഖുർആൻ പാരായണ മത്സരത്തി​ൽ മികച്ച നേട്ടം കരസ്​ഥമാക്കി മലയാളി വിദ്യാർഥികൾ. ഒന്നാം വിഭാഗത്തിൽ മൂന്നാം സ്​ഥാനവും അഞ്ചാം വിഭാഗത്തിൽ ആദ്യ അഞ്ച്​ സ്​ഥാനങ്ങളുമാണ്​ മലയാളികൾ നേടിയത്​.
ഒന്നാമത്തെ സമ്പൂർണ ഖുർആൻ വിഭാഗത്തിൽ മഞ്ചേരി കാരക്കുന്ന്​ സ്വദേശി അബ്​ദുറഹ്​മാൻ സഖാഫി കാരക്കുന്നി​​​െൻറയും നസീമ തിരുത്തിയിലി​​​െൻറയും മകൻ മുഹമ്മദ്​ യാസീൻ മൂന്നാം സ്​ഥാനം നേടി. അഞ്ചാം വിഭാഗമായ തജ്​വീദ്​^പാരായണത്തിൽ കൊച്ചി മട്ടാഞ്ചേരി സ്വദേശി തൗബാൻ ഖാലിദ്​ ഒന്നാം സ്​ഥാനവും സ​േഹാദരങ്ങളായ മുഹമ്മദ്​ സൽമാനുൽ ഫാരിസി, മുഹമ്മദ്​ സലാഹുദ്ദീൻ അയ്യൂബി എന്നിവർ മൂന്നും നാലും സ്​ഥാനവും നേടി. മലപ്പുറം മങ്കട പള്ളിപ്പുറം സ്വദേശി സിനാൻ മുഹമ്മദ്​ നൂറുല്ലക്കാണ്​ ഇൗ വിഭാഗത്തിൽ രണ്ടാം സ്​ഥാനം. സിനാനി​​​െൻറ സഹോദരി യുംന മുഹമ്മദ്​ നൂറുല്ലക്ക്​ അഞ്ചാം സ്​ഥാനവുമുണ്ട്​. തമിഴ്​നാട്​ രാമനാഥപുരം സ്വദേശിനി മൈമൂന മുഹമ്മദ്​ അബ്​ദുൽ റഷീദ്​ ആറാം സ്​ഥാനം കരസ്​ഥമാക്കി. 
ഒന്നാം വിഭാഗത്തിൽ ഇൗജിപ്​തുകാരനായ അബ്​ദുല്ല മഹ്​മൂദ്​ മുഹമ്മദ്​ ഒന്നാം സ്​ഥാനവും സുഡാൻകാരനായ ആതിഫ്​ ബദറുദ്ദീൻ രണ്ടാം സ്​ഥാനവും കരസ്​ഥമാക്കി. 
15 ഭാഗങ്ങളുള്ള രണ്ടാം വിഭാഗത്തിൽ മുസ്​തഫ വാഇൗൽ അൽ ഷാഹത്​ (ഇൗജിപ്​ത്​) ഒന്നാം സ്​ഥാനം നേടി. ഖുതൈബ അബ്​ദുൽ മുഇൗൻ ദാസ്​ (സിറിയ) രണ്ടാം സ്​ഥാനവും മുസ്​തഫ സൈദ്​ അബ്​ദുൽ ഫാദിൽ (ഇൗജിപ്​ത്​) മൂന്നാം സ്​ഥാനവും കരസ്​ഥമാക്കി.
പത്ത്​ ഭാഗങ്ങളുള്ള നാലാം വിഭാഗത്തിൽ മുഹമ്മദ്​ സൈദ്​ അബ്​ദുൽ ഫാദിൽ (ഇൗജിപ്​ത്​) ഒന്നാം സ്​ഥാനവും അൽ ഹസൻ സാലേക്​ (മൗറിത്താനിയ) രണ്ടാം സ്​ഥാനവും ഉമർ മഹ്​മൂദ്​ മുഹമ്മദ്​ (ഇൗജിപ്​ത്​) മൂന്നാം സ്​ഥാനവും നേടി. അഞ്ച്​ ഭാഗങ്ങളുള്ള നാലാം വിഭാഗത്തിൽ മൂന്ന്​ സ്​ഥാനങ്ങളും നേടിയത്​ ഇൗജിപ്​ഷ്യൻ പെൺകുട്ടികളാണ്​. സൽമ വാലിദ്​ അൽസായിദ്​, സോമിയ വാലിദ്​ അൽ സായദ്​, ഷഹ്​ദ്​ വാഇൽ അൽ ഷഹത്​ എന്നിവരാണ്​ ആദ്യ മൂന്ന്​ സ്​ഥാനങ്ങളിൽ.
ഐ.എസ്​.സി ചെയർമാനും ലുലു ഗ്രൂപ് മേധാവിയുമായ എം.എ. യൂസഫലി സമ്മാനങ്ങൾ വിതരണം ചെയ്തു. ഐ.എസ്.സി പ്രസിഡൻറ്​ തോമസ് ജോൺ അധ്യക്ഷത വഹിച്ചു. എം.പി. അബ്​ദുസമദ്​ സമദാനി മുഖ്യ പ്രഭാഷണം നടത്തി. ഐ.എസ്.സി വൈസ്​ പ്രസിഡൻറ്​ ജയചന്ദ്രൻ നായർ സ്വാഗതവും ട്രഷറർ റഫീഖ്​ നന്ദിയും പറഞ്ഞു.