പു​തു​വ​ത്സ​രാ​ഘോ​ഷം: മെ​ട്രോ 43 മ​ണി​ക്കൂ​ർ തു​ട​ർ​ച്ച​യാ​യി ഓ​ടും

ദു​ബൈ: പു​തു​വ​ത്സ​രാ​ഘോ​ഷ​ത്തി​ന്‍റെ ഭാ​ഗ​മാ​യി ദു​ബൈ ന​ഗ​ര​ത്തി​ൽ ന​ട​പ്പാ​ക്കു​ന്ന വി​വി​ധ ഗ​താ​ഗ​ത നി​യ​ന്ത്ര​ണ​ങ്ങ​ളു​ടെ വി​ശ​ദാം​ശ​ങ്ങ​ൾ റോ​ഡ്​ ഗ​താ​ഗ​ത അ​തോ​റി​റ്റി(​ആ​ർ.​ടി.​എ) പു​റ​ത്തി​റ​ക്കി. ആ​ഘോ​ഷം പ്ര​യാ​സ​ര​ഹി​ത​മാ​ക്കാ​നും ജ​ന​ങ്ങ​ളു​ടെ യാ​ത്ര സു​ഖ​ക​ര​മാ​ക്കാ​നും ല​ക്ഷ്യം​വെ​ച്ച്​ ദു​ബൈ പൊ​ലീ​സു​മാ​യി സ​ഹ​ക​രി​ച്ചാ​ണ്​ ന​ട​പ​ടി​ക​ൾ തീ​രു​മാ​നി​ച്ച​ത്. യാ​ത്ര​ക്കാ​ർ വ​ർ​ധി​ക്കു​ന്ന​ത്​ പ​രി​ഗ​ണി​ച്ച്​ മെ​ട്രോ​യു​ടെ ഗ്രീ​ൻ, റെ​ഡ്​ ലൈ​നു​ക​ളി​ൽ ശ​നി​യാ​ഴ്ച രാ​വി​ലെ അ​ഞ്ചു​മു​ത​ൽ തു​ട​ങ്ങു​ന്ന സ​ർ​വി​സ്​ ജ​നു​വ​രി ര​ണ്ടി​ന്​ അ​ർ​ധ​രാ​ത്രി​വ​രെ തു​ട​രും.

ശ​നി​യാ​ഴ്ച രാ​വി​ലെ ആ​റു​മു​ത​ൽ തി​ങ്ക​ളാ​ഴ്ച പു​ല​ർ​ച്ചെ ഒ​ന്നു​വ​രെ ദു​ബൈ ട്രാ​മും സ​ർ​വി​സ് ന​ട​ത്തും. ആ​ഘോ​ഷ സ്ഥ​ല​ങ്ങ​ളി​ലേ​ക്ക്​ എ​ല്ലാ സ​ന്ദ​ർ​ശ​ക​രു​ടെ​യും സു​ഗ​മ​മാ​യ യാ​ത്ര ഉ​റ​പ്പാ​ക്കാ​ൻ എ​ല്ലാ മ​നു​ഷ്യ, സാ​ങ്കേ​തി​ക സ​ഞ്ചാ​ര​ങ്ങ​ളും വി​ന്യ​സി​ക്കു​മെ​ന്ന്​ അ​ധി​കൃ​ത​ർ പ​റ​ഞ്ഞു. മ​ൾ​ടി​ലെ​വ​ൽ പാ​ർ​ക്കി​ങ്​ ടെ​ർ​മി​ന​ലു​ക​ൾ ഒ​ഴി​കെ​യു​ള്ള മു​ഴു​വ​ൻ പാ​ർ​ക്കി​ങ്​ സ്ഥ​ല​ങ്ങ​ളി​ലും ഞാ​യ​റാ​ഴ്ച സൗ​ജ​ന്യ​മാ​യി​രി​ക്കും. ബ​സ്​ സ​ർ​വി​സു​ക​ൾ രാ​വി​ലെ ആ​റു​മു​ത​ൽ പു​ല​ർ​ച്ചെ ഒ​ന്നു​വ​രെ​യാ​യി​രി​ക്കും.

തി​ര​ക്ക് കു​റ​ക്കു​ന്ന​തു​കൂ​ടി പ​രി​ഗ​ണി​ച്ച്​ ദു​ബൈ​യി​ൽ 32 സ്ഥ​ല​ങ്ങ​ളി​ൽ ക​രി​മ​രു​ന്ന്​ പ്ര​യോ​ഗ​ങ്ങ​ൾ സം​ഘ​ടി​പ്പി​ക്കു​മെ​ന്ന് ഇ​ന്‍റ​ർ​നാ​ഷ​ന​ൽ, ലോ​ക്ക​ൽ ഇ​വ​ൻ​റു​ക​ൾ സു​ര​ക്ഷി​ത​മാ​ക്കു​ന്ന​തി​നു​ള്ള എ​ക്‌​സി​ക്യൂ​ട്ടി​വ് ക​മ്മി​റ്റി അ​റി​യി​ച്ചി​ട്ടു​ണ്ട്. വെ​ടി​ക്കെ​ട്ടു​ക​ൾ​ക്ക്​ പു​റ​മെ കു​ടും​ബ​ങ്ങ​ൾ​ക്കും കു​ട്ടി​ക​ൾ​ക്കും അ​ട​ക്കം ആ​സ്വ​ദി​ക്കാ​നാ​യി നി​ര​വ​ധി സം​ഗീ​ത പ​രി​പാ​ടി​ക​ളും ഡ്രോ​ൺ ഷോ​ക​ളും ഒ​രു​ക്കി​യി​ട്ടു​ണ്ട്.

ദു​ബൈ ഷോ​പ്പി​ങ്​ ഫെ​സ്റ്റി​വ​ലി​ന്‍റെ ഭാ​ഗ​മാ​യു​ള്ള പ​രി​പാ​ടി​ക​ളും കൂ​ടി ചേ​രു​മ്പോ​ൾ മു​ൻ​വ​ർ​ഷ​ങ്ങ​ളേ​ക്കാ​ൾ വി​പു​ല​മാ​യ സൗ​ക​ര്യ​ങ്ങ​ളാ​ണ്​ പു​തു​വ​ത്സ​രാ​ഘോ​ഷ​ത്തി​നാ​യി ഇ​ത്ത​വ​ണ ഒ​രു​ങ്ങു​ന്ന​ത്. ന​ഗ​ര​ത്തി​ലു​ട​നീ​ളം വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളും പൊ​തു​ഇ​ട​ങ്ങ​ളും പ്ര​ശ​സ്ത​മാ​യ ഹോ​ട്ട​ലു​ക​ളും കേ​ന്ദ്രീ​ക​രി​ച്ചാ​ണ്​ ക​രി​മ​രു​ന്ന്​ പ്ര​യോ​ഗ​ങ്ങ​ൾ ന​ട​ക്കു​ക.

സ​മ​യം അ​ർ​ധ​രാ​ത്രി പി​ന്നി​ട്ട്​ പു​തു​വ​ർ​ഷം പി​റ​ക്കു​മ്പോ​ൾ, ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ കെ​ട്ടി​ട​മാ​യ ബു​ർ​ജ് ഖ​ലീ​ഫ​യി​ൽ വി​സ്മ​യി​പ്പി​ക്കു​ന്ന കാ​ഴ്ച​യാ​ണ്​ അ​ണി​യ​റ​യി​ൽ ഒ​രു​ക്കു​ന്ന​ത്. ഇ​തു​കൂ​ടാ​തെ, ദു​ബൈ ഫ്രെ​യിം, ബ്ലൂ​വാ​ട്ടേ​ഴ്സ്, ദി ​ബീ​ച്ച്, ജെ.​ബി.​ആ​ർ, ബു​ർ​ജ് അ​ൽ അ​റ​ബ് എ​ന്നി​വ​യു​ൾ​പ്പെ​ടെ മ​റ്റ് പ്ര​ധാ​ന ലാ​ൻ​ഡ്‌​മാ​ർ​ക്കു​ക​ളി​ലും വ​ർ​ണ​മ​നോ​ഹ​ര​മാ​യ പ്ര​ദ​ർ​ശ​ന​ങ്ങ​ളു​ണ്ടാ​കും. 

വി​വി​ധ സ്ഥ​ല​ങ്ങ​ളി​ലെ നി​യ​ന്ത്ര​ണ​ങ്ങ​ൾ

• ശൈ​ഖ് മു​ഹ​മ്മ​ദ് ബി​ൻ റാ​ശി​ദ് ബൊ​ളി​വാ​ർ​ഡ്, പാ​ർ​ക്കി​ങ്​ ഏ​രി​യ നി​റ​യു​ന്ന​തോ​ടെ ശ​നി​യാ​ഴ്ച വൈ​കീ​ട്ട് നാ​ലു​മ​ണി​ക്ക് അ​ട​ക്കും. അ​തി​നാ​ൽ ബൊ​ളി​വാ​ർ​ഡ് ഏ​രി​യ​യി​ലോ ദു​ബൈ മാ​ളി​ലോ റി​സ​ർ​വ്​ ചെ​യ്ത​വ​ർ ശ​നി​യാ​ഴ്ച വൈ​കു​ന്നേ​രം നാ​ലി​ന്​ മു​മ്പ് എ​ത്തി​ച്ചേ​ര​ണം.

• ഫി​നാ​ൻ​ഷ്യ​ൽ സെ​ന്‍റ​ർ റോ​ഡി​ന്‍റെ ലോ​വ​ർ ഡെ​ക്ക് വൈ​കീ​ട്ട് നാ​ലി​നും അ​ൽ സു​ക്കൂ​ക്ക് സ്ട്രീ​റ്റ് രാ​ത്രി എ​ട്ടി​നും അ​ട​ക്കും. ഊ​ദ് മേ​ത്ത റോ​ഡി​ൽ​നി​ന്ന് ബു​ർ​ജ് ഖ​ലീ​ഫ ഏ​രി​യ​യി​ലേ​ക്ക് നീ​ളു​ന്ന അ​ൽ അ​സ​യേ​ൽ റോ​ഡ് പ​ബ്ലി​ക്​ ബ​സു​ക​ൾ​ക്കും എ​മ​ർ​ജ​ൻ​സി വാ​ഹ​ന​ങ്ങ​ൾ​ക്കും മാ​ത്ര​മാ​ക്കി വൈ​കീ​ട്ട് നാ​ലി​ന്​ അ​ട​ക്കും.

• അ​ൽ മു​സ്ത​ഖ്ബാ​ൽ സ്ട്രീ​റ്റ് 2ാം സ​അ​ബീ​ൽ റോ​ഡി​നും അ​ൽ മെ​യ്ദാ​ൻ റോ​ഡി​നു​മി​ട​യി​ൽ വൈ​കീ​ട്ട് നാ​ലു​മു​ത​ൽ അ​ട​ച്ചി​ടും.

• ബു​ർ​ജ് ഖ​ലീ​ഫ സ്റ്റേ​ഷ​ൻ വൈ​കീ​ട്ട് അ​ഞ്ചു​മു​ത​ൽ അ​ട​ച്ചി​ടും.

• രാ​ത്രി എ​ട്ടു​മു​ത​ൽ അ​ൽ സു​ക്കൂ​ക്ക് സ്ട്രീ​റ്റ് അ​ട​ക്കും. ഒ​രു​മ​ണി​ക്കൂ​റി​നു​ശേ​ഷം ഫി​നാ​ൻ​ഷ്യ​ൽ സെ​ന്‍റ​ർ സ്ട്രീ​റ്റ് അ​പ്പ​ർ ഡെ​ക്കും വാ​ഹ​ന​ങ്ങ​ൾ​ക്ക് അ​ട​ക്കും.

• ദു​ബൈ വാ​ട്ട​ർ ക​നാ​ൽ എ​ലി​വേ​റ്റ​റു​ക​ളും കാ​ൽ​ന​ട പാ​ല​ങ്ങ​ളും അ​ൽ സ​ഫ, ബി​സി​ന​സ് ബേ ​ഏ​രി​യ​ക​ളി​ൽ അ​ട​ച്ചി​ടും.