യു.എ.ഇ കപ്പൽ സൊമാലിയൻ കൊള്ളക്കാർ പിടിച്ചെടുത്തു

അബൂദബി: യു.എ.ഇ ആസ്​ഥാനമായി പ്രവർത്തിക്കുന്ന കമ്പനിയുടേതെന്ന്​ കരുതുന്ന കപ്പൽ സൊമാലിയൻ കൊള്ളക്കാർ പിടിച്ചെടുത്തു.
 എണ്ണവാഹിനി കപ്പലായ ആരിസ്​^13 ആണ്​ തിങ്കളാഴ്​ച കൊള്ളക്കാർ തട്ടിയെടുത്തത്​. 
ശ്രീലങ്കക്കാരായ എട്ട്​ കപ്പൽ ജീവനക്കാരെ ഇവർ ബന്ദികളാക്കിയിട്ടുമുണ്ട്​. കപ്പലും ജീവനക്കാരും വിട്ടയക്കപ്പെടാൻ ​േമാചനദ്രവ്യം നൽകണമെന്നാണ്​ കൊള്ളക്കാരുടെ ആവശ്യം.
മേഖലയിൽ പ്രവർത്തിക്കുന്ന യൂറോപ്യൻ യൂനിയൻ നാവികസേന സംഭവം സ്​ഥിരീകരിച്ചിട്ടുണ്ട്​. കപ്പലും ജീവനക്കാരും കൊള്ളക്കാരുടെ പിടിയിലാണെന്നും പുട്​ലാൻഡി​​െൻറ വടക്കൻ തീരത്താണ്​ കപ്പലുള്ളതെന്നും ആരിസ്​^13 കപ്പലി​​െൻറ കപ്പിത്താൻ സ​േന്ദശം നൽകിയതായി യൂറോപ്യൻ യൂനിയൻ നാവികസേന അറിയിച്ചു. തിരക്കേറിയ കപ്പൽ പാതയായ ഇൗ മേഖലയിൽ 2012ന്​ ശേഷം ആദ്യമായാണ്​ വലിയ വാണിജ്യകപ്പൽ പിടിച്ചെടുക്കുന്നത്​. 
മെഗാദിഷുവിലേക്ക്​ എണ്ണയുമായി പോവുകയായിരുന്ന കപ്പൽ ട്രാക്കിങ്​ സംവിധാനത്തിൽനിന്ന്​ അപ്രത്യക്ഷമാവുകയായിരുന്നു. പിന്നീട്​ കപ്പൽ സൊമാലിയൻ തുറമുഖ നഗരമായ അലൂലയിലേക്കുള്ള പാതയിലേക്ക്​ മാറ്റപ്പെട്ടു. 
കഴിഞ്ഞ ദിവസം ഉച്ചക്ക്​ ശേഷം രണ്ട്​ ചെറു വള്ളങ്ങൾ കപ്പലിനെ പിന്തുടർന്നതായും അതിന്​ ശേഷമാണ്​ കപ്പൽ അപ്രത്യക്ഷമായ​െതന്നും അലൂല ഡിസ്​ട്രിക്​ട്​ കമീഷണർ മഹ്​മൂദ്​ അഹ്​മദ്​ ഇൗനാബ്​ അറിയിച്ചു. കപ്പൽ കണ്ടെത്താൻ നാവിക സുരക്ഷാ സൈനികരെ വിന്യസിച്ചിട്ടുണ്ട്​.
കപ്പലിൽ എട്ട്​ ശ്രീലങ്കൻ ജീവനക്കാരുണ്ടെന്ന്​ ശ്രീലങ്കൻ സർക്കാർ സ്​ഥീരീകരിച്ചു. അവരുടെ സുരക്ഷ ഉറപ്പ്​ വരുത്താൻ ആവശ്യമായ നടപടികൾ എടുത്ത്​ വരികയാണ്. 
കപ്പൽ ഏജൻറുമാരുമായും ബന്ധപ്പെട്ട അധികൃതരുമായും ശ്രീലങ്കൻ വിദേശകാര്യ മന്ത്രാലയം ബന്ധം പുലർത്തി വരികയാണെന്നും സർക്കാർ വൃത്തങ്ങൾ പറഞ്ഞു.
 അർമി ഷിപ്പിങ്​ എസ്​.എ എന്ന കമ്പനിയുടെ ഉടമസ്​ഥതയിലുള്ള ആരിസ്​^13 കപ്പൽ യു.എ.ഇയിലെ ഫുജൈറയിലുള്ള അറോറ ഷിപ്​ മാനേജ്​മ​െൻറ്​ കമ്പനിയുടെ നിയന്ത്രണത്തിലാണ്​ എന്നാണ്​ അറിയുന്നത്​.