ചിന്നമുത്തു
ജുബൈൽ: പക്ഷാഘാതത്തെ തുടർന്ന് തമിഴ്നാട് സ്വദേശി ജുബൈലിൽ മരിച്ചു. തമിഴ്നാട് തൃച്ചിനാപ്പള്ളി കാവേരി പാളയം സ്വദേശി പുരവിയൻ ചിന്നമുത്തു (51) ആണ് മരിച്ചത്. ജുബൈലിൽ സ്വകാര്യ കമ്പനി ജീവനക്കാരനായിരുന്നു.
താമസസ്ഥലത്ത് അബോധാവസ്ഥയിൽ ആയതിനെ തുടർന്ന് ജുബൈൽ ജനറൽ ആശുപത്രിയിൽ പ്രവേശിപ്പിച്ചു. പരിശോധനയിൽ തലയിൽ രക്തസ്രാവം ഉള്ളതായി കണ്ടെത്തി. ഉടൻതന്നെ അടിയന്തിര ചികിത്സ നൽകി വെന്റിലേറ്ററിലേക്ക് മാറ്റിയെങ്കിലും വൈകാതെ മരിച്ചു.
ജുബൈൽ ജനറൽ ആശുപത്രി മോർച്ചറിയിലുള്ള മൃതദേഹം നാട്ടിൽ അയക്കുന്നതിന് നടപടി തുടങ്ങിയതായി ഇതിന് നേതൃത്വം നൽകുന്ന വെൽഫെയർ സൗദി ജുബൈൽ ജനസേവന വിഭാഗം കൺവീനർ സലിം ആലപ്പുഴ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.