ഹൈവേയിൽ ആർട്ട്​ ഗാലറി; വിവരണം റേഡിയോ തരും

അബൂദബി: ദുബൈയിൽനിന്ന്​ ശൈഖ്​ സായിദ്​ റോഡിൽ അബൂദബിയിലേക്ക്​ (ഇ^11) വാഹനമോടിച്ച്​ വരുന്നവരാണോ നിങ്ങൾ? എന്നാൽ ഇനി നിങ്ങളു​െട കാഴ്​ചകൾക്ക്​ ആഴമേറും. ലോകപ്രശസ്​ത ചിത്രങ്ങളും കലാസൃഷ്​ടികളും നിങ്ങളുടെ വഴിത്താരകളെ സമ്പന്നമാക്കും. വാഹനത്തിൽ റേഡിയോ ഉണ്ടെങ്കിൽ കലാസൃഷ്​ടികളുടെ കാഴ്​ച മാത്രമല്ല, വിവരണവും ലഭിക്കും. അബൂദബി മീഡിയ കമ്പനി, റേഡിയോ 1 എഫ്​.എം (100.5 എഫ്​.എം), ക്ലാസിക്​ എഫ്​.എം (91.6 എഫ്​.എം), ഇമാറാത്​ എഫ്​.എം (95.8 എഫ്​.എം) എന്നിവയുമായി സഹകരിച്ച്​ ലൂവർ അബൂദബി മ്യൂസിയമാണ്​ ഹൈവേ ആർട്ട്​ ഗാലറി സജ്ജീകരിച്ചിരിക്കുന്നത്​. 
വാഹനം ഒാരോ കലാസൃഷ്​ടികളുടെയും ചിത്രങ്ങളെ സമീപിക്കു​േമ്പാൾ ഇവയുടെ 30 സെക്കൻറ്​ ദൈർഘ്യമുള്ള വിവരണം എഫ്​.എം റേഡിയോയിൽകേൾക്കുന്നതാണ്​ സംവിധാനം.

ലോകത്ത്​ ആദ്യമായാണ്​ ഇത്ത​രമൊരു ദൃശ്യ^ശ്രാവ്യ അനുഭവം. സീഹ്​ ശു​െഎബ മുതൽ റഹ്​ബ നഗരം വരെയുള്ള 100 കിലോമീറ്റർ ദൈർഘ്യത്തിലുള്ള പ്രദർശനം ഒരു മാസം നീണ്ടുനിൽക്കും. മെഡിറ്ററേനിയൻ മേഖലയിൽനിന്നുള്ള പ്രധാനപ്പെട്ട ഇസ്​ലാമിക സംഭാവനയായ മരി^ചാ സിംഹം, ഹനുത്താവി രാജകുമാരിയുടെ ഇൗജിപ്​ഷ്യൻ കല്ലറ, യു.എ.ഇയിൽനിന്ന്​ കണ്ടെടുത്ത അലക്​സാണ്ടർ ചക്രവർത്തിയുമായി ബന്ധപ്പെട്ട നാണയം, 8000 വർഷം പഴക്കമുള്ള ഇരുതല പ്രതിമ തുടങ്ങിയവയാണ്​ പ്രദർശിപ്പിച്ചിരിക്കുന്ന കലാസൃഷ്​ടികൾ. വിവിധ കാലഘട്ടങ്ങളിലെ പെയിൻറുങ്ങുകളു​െട ചിത്രവും പ്രദർശനത്തിലുണ്ട്​. 
ലിയനാർഡോ ഡാവിഞ്ചിയുടെ ലാ ബെലെ ഫെറണിയെ, വാൻഗോഗി​​​െൻറ സ്വന്തം പോർട്രെയ്​റ്റ്​, എഡ്വാർഡ്​ മാനറ്റി​​​െൻറ ദ ഫൈഫ്​ പ്ലയർ തുടങ്ങിയ പെയിൻറിങ്ങുകളാണിവ. കല, സംസ്​കാരം, അറിവ്​ എന്വെയിൽ അധിഷ്​ഠിതമായ ആഗോള നവീന ആശയങ്ങളുടെ ഭൂപടത്തിൽ അബൂദബിയെ പ്രതിഷ്​ഠിക്കുന്നതാണ്​ ഹൈവേ ആർട്ട്​ ഗാലറിയെന്ന്​ പദ്ധതി സമാരംഭ ചടങ്ങിൽ യു.എ.ഇ സാംസ്​കാരിക^വൈജ്ഞാനിക വികസന മന്ത്രി നൂറ ബിൻത്​ മുഹമ്മദ്​ ആൽ കഅബി അഭിപ്രായപ്പെട്ടു. 

ഏറ്റവും നവീന ആശയങ്ങളുടെ രാജ്യങ്ങളിൽ സ്​ഥാനം കണ്ടെത്താൻ ഏഴ്​ വർഷത്തിലധികമായി യു.എ.ഇ നടപ്പാക്കുന്ന ദേശീയ നയത്തി​​​െൻറ ഭാഗം കൂടിയാണിതെന്നും അവർ കൂട്ടിച്ചേർത്തു. ലൂവർ മ്യൂസിയത്തിലെ ചില മാസ്​റ്റർപീസുകൾ ഹൈവേയിൽ പ്രദർശിപ്പിച്ച്​ മ്യൂസിയത്തി​​​െൻറ ചുമരുകൾക്ക്​ പുറത്ത്​ പൊതുജനങ്ങൾക്കായി ഇവ പ്രാപ്യമാക്കുകയാണെന്ന്​ അബൂദബി സാംസ്​കാരിക^വിനോദസഞ്ചാര വകുപ്പ്​ ചെയർമാൻ മുഹമ്മദ്​ ഖലീഫ ആൽ മുബാറക്​ പറഞ്ഞു.