ജീസാന്: യമന് അതിര്ത്തിയില് നിന്ന് സൗദിയിലേക്ക് കടത്താന് ശ്രമിച്ച വന് ഹഷീഷ് ശേഖരം പട്രോളിങ ്വിഭാഗമായ ‘മുജാഹിദീന്’ സേന പിടികൂടി. പട്രോളിങിനിടെ മല നിരകളിലൂടെ മയക്കു മരുന്ന് കടത്താന് ശ്രമിച്ച സംഘത്തെ കണ്ടത്തെുകയായിരുന്നു.
ഇവരെ പരിശോധിച്ചപ്പോഴാണ് ഹഷീഷ് കിട്ടിയതെന്ന് പട്രോളിങ് വിഭാഗം വക്താവ് ഖാലിദ് അബ്ദുല്ല ബിന് ഖുസൈസ് അറിയിച്ചു. ഫീഫയിലെ ഖുദ മലനിരകളില് നിന്നാണ് ഇവരെ പിടികൂടിയത്.
സുരക്ഷ ഭടന്മാരെ കണ്ടതോടെ സംഘത്തിലുണ്ടായിരുന്ന ചിലര് മലയിടുക്കുകളിലേക്ക് രക്ഷപ്പെട്ടു.
സൈനികര് വെടിയുതിര്ത്തതോടെ ഭയന്ന് സംഭവ സ്ഥലത്ത് തന്നെ നിന്ന ആറു ആഫ്രിക്കന് വംശജര് പിടിയിലായി. ഇവരില് നിന്ന് 50 കിലോ ഹഷീഷ് പിടകൂടി. സംഘത്തിലുണ്ടായിരുന്ന ബാക്കിയുള്ളവര് രക്ഷപ്പെട്ടു.
മല മടക്കുകള് കേന്ദ്രീകരിച്ച് മയക്കു മരുന്ന് കടത്താന് കള്ളക്കടത്തു സംഘം ശ്രമിക്കുന്നുണ്ടെന്നും ഇവരെ ശക്തമായി നേരിടുമെന്നും പട്രോളിങ് വിഭാഗം സേന മേധാവി അബ്ദുറഹ്മാന് ബിന് സാലിഹ് മുന്നറിയിപ്പ് നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.