ഷ​മീ​ർ​; ഒ​രി​ക്ക​ലും മാ​പ്പി​ല്ലാ​ത്ത ച​തി​യു​ടെ ഇ​ര

ദോ​ഹ: ഒ​രു​പാ​ട് സ്വ​പ്ന​ങ്ങ​ളു​മാ​യാ​ണ് എ​റ​ണാ​കു​ളം ഇ​ട​പ്പ​ള്ളി വാ​​ട്ടേ​ക്കു​ന്നം നാ​ഗ​പ്പ​റ​മ്പി​ൽ ഷ​മീ​ർ 2022 ജൂ​ലൈ​യി​ൽ കു​ടും​ബ​ത്തോ​ട് യാ​ത്ര​പ​റ​ഞ്ഞ് ഖ​ത്ത​റി​ലേ​ക്ക് പു​റ​പ്പെ​ട്ട​ത്. ജീ​വി​തം പ​ച്ച​പി​ടി​പ്പി​ക്കാ​നു​ള്ള മോ​ഹ​വു​മാ​യി ഗ​ൾ​ഫ് വി​സ തേ​ടു​ന്ന​തി​നി​ടെ​യാ​ണ് ലോ​ക​ക​പ്പി​നൊ​രു​ങ്ങു​ന്ന ഖ​ത്ത​റി​ൽ ഒ​രു​പാ​ട് തൊ​ഴി​ൽ അ​വ​സ​ര​ങ്ങ​ളു​ണ്ടെ​ന്ന് പ​റ​ഞ്ഞു​കേ​ട്ട​ത്. ലോ​ക​ക​പ്പു​മാ​യി ബ​ന്ധ​പ്പെ​ട്ട നി​ര​വ​ധി താ​ൽ​ക്കാ​ലി​ക ജോ​ലി​ക​ൾ​ക്ക് ഔ​ദ്യോ​ഗി​ക ​കേ​ന്ദ്ര​ങ്ങ​ൾ വ​ഴി റി​ക്രൂ​ട്ട്മെ​ന്റു​ക​ൾ ന​ട​ക്കു​ന്ന സ​മ​യ​മാ​യ​തി​നാ​ൽ, ഡ്രൈ​വ​ർ ജോ​ലി ത​രാ​മെ​ന്ന ഏ​ജ​ൻ​സി​യു​ടെ വാ​ക്കു​ക​ളി​ൽ ഷ​മീ​റും വീ​ണു. അ​ങ്ങ​നെ സ​മീ​പി​ച്ച ഏ​ജ​ന്റ് ഒ​രു​ക്കി​യ കെ​ണി വ​ലി​യൊ​രു ച​തി​യു​ടെ തു​ട​ക്ക​മാ​ണെ​ന്ന് അ​ദ്ദേ​ഹം അ​റി​ഞ്ഞി​ല്ല.

കോ​വി​ഡ് കാ​ല​മാ​യ​തി​നാ​ൽ ഖ​ത്ത​റി​ലെ ക്വാ​റ​ൈ​ന്റ​ൻ ഒ​ഴി​വാ​ക്കാ​ൻ ദു​ബൈ വ​ഴി യാ​ത്ര​ചെ​യ്യ​ണ​മെ​ന്നാ​യി​രു​ന്നു ആ​ദ്യം നി​ർ​ദേ​ശി​ച്ച​ത്. വി​സ​യും ടി​ക്ക​റ്റും അ​വ​ർ ന​ൽ​കി. അ​ങ്ങ​നെ, ദു​ബൈ​യി​ലെ​ത്തി ദോ​ഹ​യി​ലേ​ക്ക് പു​റ​പ്പെ​ടും മു​മ്പാ​യി​രു​ന്നു സ്​​പോ​ൺ​സ​ർ​ക്ക് ന​ൽ​കാ​നു​ള്ള സ​മ്മാ​നം എ​ന്ന​പേ​രി​ൽ ഏ​ജ​ന്റി​ന്റെ പ്ര​തി​നി​ധി ഒ​രു ബാ​ഗ് ഏ​ൽ​പി​ക്കു​ന്ന​ത്. യാ​ത്ര​ക്കി​ട​യി​ൽ അ​പ​രി​ചി​ത​രു​ടെ ബാ​ഗ് വാ​ങ്ങ​രു​തെ​ന്ന് മു​ന്ന​റി​യി​പ്പു​ക​ൾ നേ​ര​ത്തെ കേ​ട്ട​തി​ന്റെ അ​ടി​സ്ഥാ​ന​ത്തി​ൽ പ​രി​ശോ​ധി​ച്ചെ​ങ്കി​ലും സീ​ൽ ചെ​യ്ത ക​വ​ർ ആ​യ​തി​നാ​ൽ തു​റ​ന്നു നോ​ക്കി​യി​ല്ലെ​ന്ന് പി​ന്നീ​ട് ജ​യി​ലി​ൽ സ​ന്ദ​ർ​ശി​ച്ച​വ​രോ​ടും ബ​ന്ധു​ക്ക​ളോ​ടും ഷ​മീ​ർ പ​റ​ഞ്ഞി​രു​ന്നു. ഹ​മ​ദ് വി​മാ​ന​ത്താ​വ​ള​ത്തി​ൽ ഇ​റ​ങ്ങി​യ​തി​നു പി​ന്നാ​ലെ മ​യ​ക്കു​മ​രു​ന്ന് സ​ഹി​തം പി​ടി​കൂ​ടി​യ ഷ​മീ​റി​ന് ത​ട​വു​ശി​ക്ഷ​യും വി​ധി​ച്ചു.

എ​ന്നാ​ൽ, ച​തി​ക്കി​ര​യാ​യി മ​യ​ക്കു​മ​രു​ന്നു​മാ​യി പി​ടി​യി​ലാ​യ വാ​ർ​ത്ത നാ​ട​റി​യു​ന്ന​ത് സ​മാ​ന​മാ​യ സം​ഭ​വ​ത്തി​ൽ ജ​യി​ലി​ലാ​യ വ​രാ​പ്പു​ഴ ചി​റ​യ്​​ക്ക​കം സ്വ​ദേ​ശി യ​ശ്വ​ന്തി​ന്റെ ബ​ന്ധു​ക്ക​ൾ എ​റ​ണാ​കു​ളം ​റൂ​റ​ൽ പൊ​ലീ​സി​ൽ പ​രാ​തി​യു​മാ​യെ​ത്തി​യ​പ്പോ​ഴാ​ണ്. മ​ക​നെ ജോ​ലി വാ​ഗ്ദാ​നം ചെ​യ്ത് ച​തി​യി​ലൂ​ടെ മ​യ​ക്കു​മ​രു​ന്ന് കാ​രി​യ​റാ​ക്കി​യ​താ​യി ചൂ​ണ്ടി​ക്കാ​ണി​ച്ച് യ​ശ്വ​ന്തി​ന്റെ അ​മ്മ ന​ൽ​കി​യ പ​രാ​തി​യി​ൽ പ്ര​ത്യേ​ക അ​ന്വേ​ഷ​ണം ആ​രം​ഭി​ച്ച കൊ​ച്ചി പൊ​ലീ​സ് 2022 ജൂ​ലൈ​യി​ൽ​ത​ന്നെ മൂ​ന്നു​പേ​രെ അ​റ​സ്റ്റു ചെ​യ്തു. എ​ന്നാ​ൽ, അ​ന്താ​രാ​ഷ്ട്ര റാ​ക്ക​റ്റു​ക​ൾ പി​ന്നി​ലു​ണ്ടെ​ന്ന് സം​ശ​യി​ക്കു​ന്ന കേ​സി​ൽ പ്ര​ധാ​ന ക​ണ്ണി​ക​ളെ പി​ടി​കൂ​ടാ​ൻ ക​ഴി​ഞ്ഞി​​ല്ല.ത​ട​വു​ശി​ക്ഷ അ​നു​ഭ​വി​ക്ക​വെ​യാ​ണ് ഷ​മീ​ർ അ​ർ​ബു​ദ ബാ​ധി​ത​നാ​വു​ന്ന​ത്. ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ ആ​ശു​പ​ത്രി​യി​ലാ​യി​രു​ന്നു ചി​കി​ത്സ. ഖ​ത്ത​റി​ലെ ഇ​ന്ത്യ​ൻ എം​ബ​സി അ​പെ​ക്സ് ബോ​ഡി​യാ​യ ഐ.​സി.​ബി.​എ​ഫ്, മ​ല​യാ​ളി സാ​മൂ​ഹി​ക സം​ഘ​ട​ന​ക​ളാ​യ പ്ര​വാ​സി വെ​ൽ​ഫെ​യ​ർ ആ​ൻ​ഡ്​ ക​ൾ​ച​റ​ൽ ഫോ​റം, എ​ഡ്​​മാ​ഖ്​ എ​ന്നി​വ​ർ ഉ​ൾ​പ്പെ​ടെ പ്ര​വ​ർ​ത്ത​ക​ർ ഷ​മീ​റി​​നു​വേ​ണ്ടി ഇ​ട​പെ​ട​ൽ ന​ട​ത്തി.

രോ​ഗം ഗു​രു​ത​ര​മാ​യ​തോ​ടെ പ​രി​ച​ര​ണ​ത്തി​നാ​യി ഭാ​ര്യ ജാ​സ്മി​ന, മ​ക​ൻ സാ​ദി​ഖ് എ​ന്നി​വ​ർ​ക്ക് ഖ​ത്ത​റി​ലെ​ത്താ​ൻ അ​വ​സ​ര​മൊ​രു​ക്കു​ക​യും ചെ​യ്തി​രു​ന്നു. ആ​ദ്യം ഹ​യ വി​സ​യി​ലും പി​ന്നീ​ട് എ ​വ​ൺ സ​ന്ദ​ർ​ശ​ക വി​സ​യി​ലു​മെ​ത്തി​യാ​ണ് ഇ​വ​ർ പ​രി​ച​രി​ച്ച​ത്. ഇ​തി​നി​ടെ​യാ​ണ്, അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ പൊ​തു​മാ​പ്പി​ൽ ഷ​മീ​റി​നെ​യും ഉ​ൾ​പ്പെ​ടു​ത്തി​യ​ത്. തു​ട​ർ​ന്ന്, നി​യ​മ ന​ട​പ​ടി​ക​ൾ എ​ളു​പ്പ​ത്തി​ൽ പൂ​ർ​ത്തി​യാ​ക്കി, നാ​ട്ടി​ലെ​ത്തി​ച്ച് തു​ട​ർ​ചി​കി​ത്സ ന​ൽ​കാ​നു​ള്ള ശ്ര​മ​ങ്ങ​ളി​ലാ​യി​രു​ന്നു എം​ബ​സി​യും ഐ.​സി.​ബി.​എ​ഫും വി​വി​ധ സം​ഘ​ട​ന പ്ര​വ​ർ​ത്ത​ക​രും. എ​ന്നാ​ൽ രോ​ഗം തീ​വ്ര​മാ​യ​തോ​ടെ, ഒ​രി​ക്ക​ലും മാ​പ്പി​ല്ലാ​ത്ത ച​തി​യു​ടെ ഇ​ര​യാ​യി സ്വ​പ്ന​ങ്ങ​ളെ​ല്ലാം പ്ര​വാ​സ മ​ണ്ണി​ൽ ത്യ​ജി​ച്ച് ഷ​മീ​ർ എ​ന്ന​ന്നേ​ക്കു​മാ​യി മ​ട​ങ്ങി. പി​താ​വി​നെ അ​വ​സാ​ന​മാ​യി കാ​ണാ​ൻ മ​ക​ളും അ​ടു​ത്തി​ടെ ഖ​ത്ത​റി​ലെ​ത്തി​യി​രു​ന്നു.