അ​സാ​ര​ങ്ക, ബെ​ൻ​സി​സ്, ക്വി​റ്റോ​വ മു​ന്നോ​ട്ട്

ദോ​ഹ: ഖ​ത്ത​ർ ടോ​ട്ട​ൽ എ​ന​ർ​ജീ​സ് ഓ​പ​ണി​ൽ ര​ണ്ടു​ത​വ​ണ ചാ​മ്പ്യ​നാ​യ വി​ക്ടോ​റി​യ അ​സാ​ര​ങ്ക, പെ​ട്ര ക്വി​റ്റോ​വ, ബെ​ലി​ൻ​ഡ ബെ​ൻ​സി​സ്, കെ​നി​ൻ എ​ന്നി​വ​ർ ര​ണ്ടാം റൗ​ണ്ടി​ൽ പ്ര​വേ​ശി​ച്ചു. ഇ​ന്ന് ന​ട​ക്കു​ന്ന ര​ണ്ടാം റൗ​ണ്ടി​ൽ നാ​ലാം സീ​ഡ് ഗൗ​ഫ് ക്വി​റ്റോ​വ​യെ​യും ഒ​സ്റ്റ​പെ​ൻ​കോ പെ​ഗു​ല​യെ​യും അ​സാ​ര​ങ്ക ബെ​ൻ​സി​സി​നെ​യും സ്വ​റ്റെ​ക് കോ​ളി​ൻ​സി​നെ​യും നേ​രി​ടും. ഖ​ലീ​ഫ ഇ​ന്റ​ർ​നാ​ഷ​ന​ൽ ടെ​ന്നി​സ് ആ​ൻ​ഡ് സ്ക്വാ​ഷ് കോം​പ്ല​ക്‌​സി​ൽ ന​ട​ന്ന മ​ത്സ​ര​ത്തി​ൽ വൈ​ൽ​ഡ് കാ​ർ​ഡു​മാ​യെ​ത്തി​യ തു​ർ​ക്കി താ​രം ഐ​പെ​ക് ഓ​സി​നെ​യാ​ണ് അ​സാ​ര​ങ്ക പ​രാ​ജ​യ​പ്പെ​ടു​ത്തി​യ​ത്, സ്‌​കോ​ർ 6-1, 6-1.

2012, 2013 വ​ർ​ഷ​ങ്ങ​ളി​ൽ ഖ​ത്ത​ർ ടോ​ട്ട​ൽ ഓ​പ​ൺ ജേ​താ​വാ​യി​രു​ന്ന വി​ക്ടോ​റി​യ അ​സാ​ര​ങ്ക, ആ​ദ്യ റൗ​ണ്ടി​ലെ വി​ജ​യ​ത്തോ​ടെ ത​ന്റെ ക​രി​യ​റി​ൽ 19-2ന് ​ദോ​ഹ​യി​ൽ മു​ന്നേ​റി. അ​തേ​സ​മ​യം, ക​ഴി​ഞ്ഞ 12 മാ​സ​ത്തി​നി​ടെ റാ​ങ്കി​ങ്ങി​ൽ 80 സ്ഥാ​നം മു​ന്നേ​റി ലോ​ക റാ​ങ്കി​ങ്ങി​ൽ 187-ാമ​ത് നി​ൽ​ക്കു​ന്ന ഓ​സി​ന് ക്രെ​ഡി​റ്റ് ന​ൽ​കാ​നും ബെ​ല​റൂ​സ് താ​രം മ​റ​ന്നി​ല്ല.ഈ ​മാ​സാ​ദ്യം തു​ർ​ക്കി​യി​ലെ വി​നാ​ശ​ക​ര​മാ​യ ഭൂ​ക​മ്പ​ത്തി​ന്റെ ദു​രി​ത​ങ്ങ​ൾ പേ​റു​ന്ന ത​ന്റെ രാ​ജ്യ​ത്തി​ന് ഐ​ക്യ​ദാ​ർ​ഢ്യ​വും പി​ന്തു​ണ​യും അ​റി​യി​ച്ച് തു​ർ​ക്കി​യ പ​താ​ക​യു​മേ​ന്തി​യാ​ണ് ഐ​പെ​ക് ഓ​സ് കോ​ർ​ട്ടി​ലെ​ത്തി​യ​ത്.

ഓ​സ് ഇ​പ്പോ​ൾ അ​നു​ഭ​വി​ക്കു​ന്ന​തെ​ന്താ​ണെ​ന്ന് ത​നി​ക്ക് മ​ന​സ്സി​ലാ​കു​ന്നു​ണ്ടെ​ന്ന് മ​ത്സ​ര​ശേ​ഷം അ​സാ​ര​ങ്ക പ​റ​ഞ്ഞു. ഓ​സി​ന് ഇ​പ്പോ​ൾ കോ​ർ​ട്ടി​ന് പു​റ​ത്തു​പോ​യി ക​ളി​ക്കു​ന്ന​ത് വ​ള​രെ ബു​ദ്ധി​മു​ട്ടാ​ണെ​ന്ന് എ​നി​ക്ക് ഉ​റ​പ്പു​ണ്ട്. കാ​ര്യ​ങ്ങ​ൾ മെ​ച്ച​പ്പെ​ടു​മെ​ന്ന് ത​ന്നെ​യാ​ണ് പ്ര​തീ​ക്ഷി​ക്കു​ന്ന​ത്. ക​ഴി​ഞ്ഞ ദി​വ​സ​ത്തെ പു​തു​ക്കി​യ റാ​ങ്കി​ങ്ങി​ൽ ഒ​രു സ്ഥാ​നം ഇ​ടി​ഞ്ഞ് 17ാം റാ​ങ്കി​ലെ​ത്തി​യ അ​സാ​ര​ങ്ക പ​റ​ഞ്ഞു.

2015ൽ ​കി​രീ​ട​ത്തി​ന​ക​രി​കെ ചെ​ക്ക് റി​പ്പ​ബ്ലി​ക്കി​ന്റെ ലൂ​സി സ​ഫ​റോ​വ​യോ​ട് തോ​റ്റ അ​സാ​ര​ങ്ക, ഖ​ത്ത​ർ ത​ല​സ്ഥാ​ന​ത്ത് തി​രി​ച്ചെ​ത്തി​യ​തി​ൽ ഏ​റെ സ​ന്തോ​ഷ​മു​ണ്ടെ​ന്നും കൂ​ട്ടി​ച്ചേ​ർ​ത്തു. തി​രി​ച്ചു​വ​രു​ന്ന​ത് ന​ന്നാ​യി തോ​ന്നു​ന്നു. എ​നി​ക്ക് ഇ​വി​ടെ ക​ളി​ക്കാ​ൻ ഇ​ഷ്ട​മാ​ണ്. പി.​എ​സ്.​ജി ജ​ഴ്‌​സി​യി​ൽ കോ​ർ​ട്ടി​ൽ പ്ര​വേ​ശി​ച്ച അ​സാ​ര​ങ്ക മ​ത്സ​ര​ശേ​ഷം പ​റ​ഞ്ഞു.

നേ​ര​ത്തേ എ​ട്ടാം സീ​ഡ് വെ​റോ​ണി​ക കു​ഡെ​ർ​മ​റ്റോ​വ 6-4, 3-6, 7-6 (5) എ​ന്ന സ്‌​കോ​റി​ന് ബാ​ർ​ബോ​റ ക്രെ​ജ്‌​സി​കോ​വ​യെ മൂ​ന്ന് മ​ണി​ക്കൂ​ർ നീ​ണ്ട പോ​രാ​ട്ട​ത്തി​ൽ പ​രാ​ജ​യ​പ്പെ​ടു​ത്തി ര​ണ്ടാം റൗ​ണ്ടി​ലെ​ത്തി​യി​രു​ന്നു.

ര​ണ്ടാം റൗ​ണ്ടി​ൽ സോ​ഫി​യ കെ​നി​ൻ ആ​ണ് കു​ഡെ​ർ​മ​റ്റോ​വ​യു​ടെ എ​തി​രാ​ളി. മ​റ്റൊ​രു മ​ത്സ​ര​ത്തി​ൽ റൊ​ളാ​ങ് ഗ​രോ​സി​ലെ നി​ല​വി​ലെ സെ​മി ഫൈ​ന​ലി​സ്റ്റാ​യ മാ​ർ​ട്ടി​ന ട്രെ​വി​സി​നെ 6-2, 6-2ന് ​പ​രാ​ജ​യ​പ്പെ​ടു​ത്തി ക​രോ​ലി​ന മു​ചോ​വ ര​ണ്ടാം റൗ​ണ്ടി​ലെ​ത്തി. മൂ​ന്നാം സീ​ഡ് ക​രോ​ലി​ന ഗാ​ർ​ഷ്യ​യാ​ണ് മു​ചോ​വ​യു​ടെ ര​ണ്ടാം റൗ​ണ്ടി​ലെ എ​തി​രാ​ളി.