ദോഹ: കടൽക്കാറ്റ് ആസ്വദിച്ച്, സുഹൃത്തുക്കളോടും കുടുംബത്തോടും ഒന്നിച്ച് ഒരു അവധിക്കാല യാത്ര ആസ്വദിക്കാൻ അവസരം. മിന ഡിസ്ട്രിക്റ്റിനെയും കണ്ടെയ്നേഴ്സ് യാർഡിനെയും ബന്ധിപ്പിച്ച് പുതിയ സർവിസ് ഓൾഡ് ദോഹ പോർട്ടിൽ മിന ലിങ്ക് ബോട്ട് സർവിസ് ആരംഭിച്ചു. ഓൾഡ് ദോഹ പോർട്ട് ബ്രൂഖ് ടൂറിസവുമായി സഹകരിച്ചാണ് പുതിയ പദ്ധതി.ബോട്ട് സവാരി എല്ലാ ദിവസവും വൈകുന്നേരം നാലു മുതൽ രാത്രി 10 വരെ പ്രവർത്തിക്കും.കണ്ടെയ്നേഴ്സ് യാർഡിലെയും മിന കോർണിഷിലെയും ബ്രൂക്ക് ടൂറിസം ഓഫിസ് വഴി ടിക്കറ്റുകൾ സ്വന്തമാക്കാം. ചൂട് കാലാവസ്ഥ പരിഗണിച്ച് മിന ഡിസ്ട്രിക്റ്റിലേക്കുള്ള വാഹനപ്രവേശനം ഒക്ടോബർ വരെ നീട്ടിയിട്ടുണ്ട്. ദിവസവും ഉച്ചക്ക് മൂന്നു മുതൽ രാത്രി ഒമ്പതു വരെയാണ് വാഹനങ്ങൾക്ക് പ്രവേശനം അനുവദിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.