വീ​ണ്ടു​മെ​ത്തു​ന്നു, ക​ളി​യു​ത്സ​വ​ക്കാ​ലം

ദോ​ഹ: ന​വം​ബ​ർ, ഡി​സം​ബ​റി​ലെ ത​ണു​പ്പു​കാ​ല​ത്തി​ന് വീ​ണ്ടും ക​ളി​ച്ചൂ​ടു​മാ​യി ഫു​ട്ബാ​ൾ ആ​വേ​ശ​മെ​ത്തു​ന്നു. ​ ലോ​ക​ക​പ്പ് ഫു​ട്ബാ​ളി​ന് പി​ന്നാ​ലെ ഖ​ത്ത​റി​ലേ​ക്ക് വ​രു​ന്ന പ്ര​ധാ​ന ഫി​ഫ ടൂ​ർ​ണ​മെ​ന്റു​ക​ളാ​യ അ​ണ്ട​ർ 17 ലോ​ക​ക​പ്പ്, അ​റ​ബ് ക​പ്പ് മ​ത്സ​ര​ങ്ങ​ളു​ടെ ഷെ​ഡ്യൂ​ൾ പ്ര​ഖ്യാ​പി​ച്ചു. ​ബു​ധ​നാ​ഴ്ച ചേ​ർ​ന്ന ഫി​ഫ കൗ​ൺ​സി​ൽ യോ​ഗ​മാ​ണ് മ​ത്സ​ര തീ​യ​തി​ക്ക് അം​ഗീ​കാ​രം ന​ൽ​കി​യ​ത്.

അ​റേ​ബ്യ​ൻ രാ​ജ്യ​ങ്ങ​ളു​ടെ വീ​റു​റ്റ ഫു​ട്ബാ​ൾ മ​ത്സ​ര​മാ​യ ഫി​ഫ അ​റ​ബ് ക​പ്പി​ന് ഡി​സം​ബ​ർ ഒ​ന്ന് മു​ത​ൽ 18 വ​രെ ഖ​ത്ത​ർ വേ​ദി​യാ​കും. ​കൗ​മാ​ര ഫു​ട്ബാ​ളി​ന്റെ വി​ശ്വ​മേ​ള​യാ​യ അ​ണ്ട​ർ 17 ലോ​ക​ക​പ്പി​ന് ന​വം​ബ​ർ മൂ​ന്ന് മു​ത​ൽ 27 വ​​രെ​യും രാ​ജ്യം വേ​ദി​യൊ​രു​ക്കും.

ലോ​ക​ക​പ്പ് ഫു​ട്ബാ​ൾ ത​യാ​റെ​ടു​പ്പു​ക​ളു​ടെ ഭാ​ഗ​മാ​യി 2021ലാ​യി​രു​ന്നു അ​റ​ബ് ക​പ്പി​ന് ഖ​ത്ത​ർ വേ​ദി​യാ​യ​ത്. 10 വ​ർ​ഷ​ത്തെ ഇ​ട​വേ​ള​ക്കു ശേ​ഷം പു​ന​രാ​രം​ഭി​ച്ച ടൂ​ർ​ണ​മെ​ന്റ് ഫി​ഫ​യു​ടെ പേ​രി​ൽ നാ​ലു​വ​ർ​ഷ​ത്തി​ലൊ​രി​ക്ക​ൽ എ​ന്ന നി​ല​യി​ൽ ക്ര​മീ​ക​രി​ച്ചാ​ണ് ഇ​പ്പോ​ൾ തി​രി​കെ​യെ​ത്തു​ന്ന​ത്. 2025, 2029, 2033 സീ​സ​ണു​ക​ളി​ലെ ഫി​ഫ അ​റ​ബ് ക​പ്പി​ന് ഖ​ത്ത​ർ വേ​ദി​യാ​കു​മെ​ന്ന് ഫി​ഫ നേ​ര​ത്തേ പ്ര​ഖ്യാ​പി​ച്ചി​രു​ന്നു.

അ​ണ്ട​ർ 17 ലോ​ക​ക​പ്പി​നു പി​ന്നാ​ലെ ഡി​സം​ബ​ർ ഒ​ന്നി​ന് കി​ക്കോ​ഫ് കു​റി​ക്കു​ന്ന അ​റ​ബ് ക​പ്പി​ന്റെ ക​ലാ​ശ​പ്പോ​രാ​ട്ടം ഖ​ത്ത​ർ ദേ​ശീ​യ ദി​ന​മാ​യ 18ന് ​ന​ട​ക്കും. അ​റ​ബ് മേ​ഖ​ല​യി​ലെ 16 ടീ​മു​ക​ളാ​ണ് ടൂ​ർ​ണ​മെ​ന്റി​ൽ മാ​റ്റു​ര​ക്കു​ന്ന​ത്.

48 ടീ​മു​ക​ളു​മാ​യാ​ണ് അ​ണ്ട​ർ 17 ലോ​ക​ക​പ്പി​ന് ഖ​ത്ത​ർ വേ​ദി​യാ​കു​ന്ന​ത്. 25 ദി​വ​സ​ത്തി​നു​ള്ളി​ൽ 104 മ​ത്സ​ര​ങ്ങ​ൾ അ​ട​ങ്ങി​യ ടൂ​ർ​ണ​മെ​ന്റി​ൽ കൗ​മാ​ര താ​ര​ങ്ങ​ളു​ടെ ഉ​ശി​ര​ൻ പോ​രാ​ട്ട​ത്തി​നാ​വും സാ​ക്ഷ്യം​വ​ഹി​ക്കു​ന്ന​ത്. ആ​തി​ഥേ​യ​രാ​യ ഖ​ത്ത​റും അ​ണ്ട​ർ 19 ലോ​ക​ക​പ്പി​ൽ മാ​റ്റു​ര​ക്കും.

സു​പ്ര​ധാ​ന ടൂ​ർ​ണ​മെ​ന്റു​ക​ളി​ലൂ​ടെ മേ​ഖ​ല​യി​ലെ ഫു​ട്ബാ​ൾ പ്രേ​മി​ക​ൾ​ക്ക് വീ​ണ്ടും കാ​ൽ​പ​ന്ത് ഉ​ത്സ​വ​ത്തി​ന് ഖ​ത്ത​ർ വേ​ദി​യൊ​രു​ക്കു​ക​യാ​ണെ​ന്ന് ഖ​ത്ത​ർ കാ​യി​ക മ​ന്ത്രി​യും ടൂ​ർ​ണ​മെ​ന്റ് ക​മ്മി​റ്റി ചെ​യ​ർ​മാ​നു​മാ​യ ശൈ​ഖ് ഹ​മ​ദ് ബി​ൻ ഖ​ലീ​ഫ പ​റ​ഞ്ഞു. അ​റ​ബ് ക​പ്പ് 2025ലൂ​ടെ ​​അ​റ​ബ് മേ​ഖ​ല​യി​ലെ ദ​ശ​ല​ക്ഷം ഫു​ട്ബാ​ൾ പ്രേ​മി​ക​ൾ​ക്ക് വീ​ണ്ടും ആ​ഘോ​ഷ​മെ​ത്തു​ക​യാ​ണ്. അ​ണ്ട​ർ 17 ലോ​ക​ക​പ്പ് യു​വ​താ​ര​ങ്ങ​ളു​ടെ മി​ക​ച്ച പ്ര​ക​ട​ന​ത്തി​നും സാ​ക്ഷ്യം വ​ഹി​ക്കും -ശൈ​ഖ് ഹ​മ​ദ് ആ​ൽ ഥാ​നി പ​റ​ഞ്ഞു.

2021ൽ ​ലോ​ക​ക​പ്പ് വേ​ദി​ക​ളി​ൽ ന​ട​ന്ന അ​റ​ബ് ക​പ്പ് ആ​രാ​ധ​ക സാ​ന്നി​ധ്യ​വും മ​ത്സ​ര നി​ല​വാ​ര​വും കൊ​ണ്ട് ശ്ര​ദ്ധേ​യ​മാ​യി​രു​ന്നു. അ​ൽ​ബൈ​ത് സ്റ്റേ​ഡി​യം സാ​ക്ഷ്യം വ​ഹി​ച്ച ഫൈ​ന​ലി​ൽ തു​നീ​ഷ്യ​യെ തോ​ൽ​പി​ച്ച് അ​ൽ​ജീ​രി​യ കി​രീ​ടം ചൂ​ടി. ആ​തി​ഥേ​യ​രാ​യ ഖ​ത്ത​ർ മൂ​ന്നാം സ്ഥാ​ന​ത്തി​നും അ​വ​കാ​ശി​ക​ളാ​യി.

ഈ ​വ​ർ​ഷ​ത്തെ മ​ത്സ​ര​ങ്ങ​ളു​ടെ വേ​ദി​യും മാ​ച്ച് ടി​ക്ക​റ്റ് സം​ബ​ന്ധി​ച്ച വി​വ​ര​ങ്ങ​ളും പി​ന്നീ​ട് പ്ര​ഖ്യാ​പി​ക്കും.