ദോഹ: തലമുറ ഭേദമില്ലാതെ വന്നുകുടിയ ചലചിത്ര ആസ്വാദകരെ സാക്ഷിനിര്ത്തിക്കൊണ്ട് നാലാമത് അജ് യാല് യൂത്ത് ഫിലിം ഫെസ്റ്റിവലിന് വര്ണ്ണോജ്ജ്വലമായ തുടക്കം. അതിഥികളെ ചുവന്ന പരവതാനിയിലേക്ക് വരവേറ്റുകൊണ്ടാണ് ചടങ്ങുകള് ആരംഭിച്ചത്. ഉദ്ഘാടന ചിത്രമായി ദി ഈഗ്ള് ഹണ്ട്രസ് പ്രദര്ശിപ്പിച്ചു. ദോഹ ഫിലിം ഇന്സ്റ്റിറ്റ്യൂട്ട് സിഇ ഒയും ഫെസ്റ്റിവല് ഡയറക്ടറുമായ ഫാത്തിമ അല് റുമൈഹി അതിഥികളെ സ്വീകരിക്കാന് നേതത്വം നല്കി. വലിയ ഒരു ലോകത്തിന്െറ ഭാഗമാണ് നമ്മളെന്ന ് ഓര്മ്മിപ്പിക്കുന്നതാണ് സിനിമകളുടെ വര്ത്തമാനങ്ങളെന്ന് ഫാത്തിമ അല് റുമൈഹി പറഞ്ഞു.
ഉദ്ഘാടന സിനിമയുടെ സംവിധായകന് ഓട്ടോ ബെല്, നായിക ഐശോല്പന് നുര് ഗൈവ്, സീക്രട്ട് സൊസൈറ്റി ഓഫ് അപ്ടൗണിന്്റെ സംവിധായകന് മര്ഗസ് പജു, നടി ഒലിവിയ വികാന്ത്, ചുയി സോ ഇന്, ബാബെക് അന്വാരി, നര്ഗീസ് റഷീദ്, ലുകാന് ടോണ്, ഹൈഫ ഹുസൈന്, ഖലീഫ അല് ഒബൈദലി തുടങ്ങിയവര് ഉദ്ഘാടന ചടങ്ങില് അതിഥികളായിരുന്നു. ഡിസംബര് അഞ്ചുവരെ ഇനി 33 രാജ്യങ്ങളില് നിന്നായി 70ഓളം സിനിമകളാണ് മേളയില് പ്രദര്ശിപ്പിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.