ദോഹ: ഒരു പതിറ്റാണ്ടായി ദോഹയില് പ്രവര്ത്തിക്കുന്ന സംഗീത കൂട്ടായ്മയായ ഈണം ദോഹ ഖത്തറില് സംഗീത രംഗത്ത് കഴിവ് തെളിയിച്ച തിരഞ്ഞെടുത്ത 21 കലാകാരന്മാരെ ആദരിക്കുന്നു. ഇഫ ഗ്രൂപ്പ് അവതരിപ്പിക്കുന്ന ‘ഈണം ആദരം 2016’ വെള്ളിയാഴ്ച വൈകുന്നേരം ആറിന് സ്കില്സ് ഡവലപ്മെന്റ് സെന്ററില് നടക്കും. ആദരിക്കല് ചടങ്ങിനോടൊപ്പം അവരുടെ കലാവിരുന്നും ശ്രോതാക്കള്ക്കായി ഒരുക്കിയിട്ടുണ്ടെന്ന് ഈണം ഭാരവാഹികള് വാര്ത്താസമ്മേളനത്തില് അറിയിച്ചു. അവരോടൊപ്പം ദോഹയിലെ പുതിയ ഗായകരും ഗാനങ്ങള് അവതരിപ്പിക്കും. പ്രമുഖ വ്യക്തിത്വങ്ങള് പരിപാടിയില് സംബന്ധിക്കും. ‘സംഗീതത്തിലൂടെ സൗഹൃദം സൗഹൃദത്തിലൂടെ കാരുണ്യം’ എന്ന സന്ദേശവുമായി പ്രവര്ത്തിക്കുന്ന ഈണം ദോഹ ജീവകാരുണ്യ രംഗത്തും സജീവമാണെന്ന് ഭാരവാഹികള് പറഞ്ഞു.
ഫരീദ് തിക്കോടി (പ്രസിഡന്റ് ഈണം ദോഹ), എം.വി മുസ്തഫ കൊയിലാണ്ടി (ജനറല് സെക്രട്ടറി), മന്സൂര് അലി (പ്രോഗ്രാം കമ്മിറ്റി ചെയര്മാന്), കെ. റഫീക്ക് (ഇഫ ഗ്രൂപ്പ് എം.ഡി), സമീര് കണ്ണൂര് (വൈസ് പ്രസിഡന്റ്), ഫൈസല് മൂസ (കോ ഓഡിനേറ്റര്), നിഷാദ് ഗുരൂവായൂര്, റഫീഖ് മാറഞ്ചേരി, ഷാജഹാന് വാര്ത്താസമ്മേളനത്തില് സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.