മസ്കത്ത്: അറേബ്യൻ ഗൾഫ് കപ്പ് നേടിയ ഒമാനെ റണ്ണേഴ്സപ്പായ യു.എ.ഇയുടെ നേതാക്കൾ അഭിനന്ദിച്ചു. യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം, അബൂദബി കിരീടാവകാശിയും യു.എ.ഇ സായുധസേന ഡെപ്യൂട്ടി കമാൻഡറുമായ ശൈഖ് മുഹമ്മദ് ബിൻ സായിദ് ആൽ നഹ്യാൻ എന്നിവർ ഒമാൻ നേതൃത്വത്തെയും ടീമിനെയും ഒമാൻ ജനതയെയും അഭിനന്ദനമറിയിച്ചു.23ാമത് ഗൾഫ് കപ്പ് നേടിയ ഒമാെൻറ നേതൃത്വത്തെയും ജനതയെയും അഭിനന്ദിക്കുന്നുവെന്ന് ശൈഖ് മുഹമ്മദ് ബിൻ റാശിദ് ട്വിറ്ററിൽ കുറിച്ചു. ഒമാനി കളിക്കാർ മികച്ച പ്രകടനമാണ് നടത്തിയത്. ഒമാനി സഹോദരങ്ങളിൽനിന്ന് ഞങ്ങൾക്ക് ഉൗഷ്മളമായ അനുമോദനങ്ങൾ ലഭിച്ചിട്ടുണ്ട്. ഇൗ പരസ്പര സ്നേഹം വരുംകാലങ്ങളിലും കൂടുതൽ ആഴമേറിയതാകെട്ട. കപ്പ് ഒമാനിലേക്ക് പോകുന്നുവെങ്കിലും സന്തോഷം ഇരു സാഹോദര രാഷ്ട്രങ്ങൾക്കുമാണെന്നും ശൈഖ് മുഹമ്മദ് ബിൻ റാശിദ് അഭിപ്രായപ്പെട്ടു.ഗൾഫ് കപ്പ് ഫൈനലിൽ പ്രദർശിപ്പിച്ച ആത്മാർഥ സാഹോദര്യത്തിനും സ്പോർട്സ്മാൻ സ്പിരിറ്റിനും യു.എ.ഇക്കും ഒമാനും അഭിനന്ദനമറിയിക്കുന്നതായി ശൈഖ് മുഹമ്മദ് ബിൻ സായിദ് ട്വീറ്റ് ചെയ്തു. സ്േനഹത്തിലൂടെയും ആരോഗ്യകരമായ മത്സരം ആസ്വദിക്കുന്നതിലൂടെയും ഇരു രാജ്യങ്ങളും വിജയിച്ചതായും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.