ആ​ത്മ​ഹ​ത്യ​ക്കെ​തി​രാ​യ ബോ​ധ​വ​ത്​​ക​ര​ണ ഹ്ര​സ്വ​ചി​ത്രം ശ്ര​ദ്ധേ​യ​മാ​കു​ന്നു

മ​സ്​​ക​ത്ത്​: ആ​ത്മ​ഹ​ത്യ ചെ​യ്യാ​ൻ തീ​രു​മാ​നി​ച്ച ഒ​രാ​ൾ ജീ​വി​ത​ത്തി​നും മ​ര​ണ​ത്തി​നും ഇ​ട​യി​ലു​ള്ള വ​ഴി​യി​ലൂ​ടെ ഒ​രു​പാ​ടു​ദൂ​രം സ​മ​യം സ​ഞ്ച​രി​ക്കു​ന്നു. ജീ​വി​ത​ത്തി​ലേ​ക്ക് തി​രി​ച്ചു ക​യ​റാ​ൻ ഉ​ള്ള നി​ര​വ​ധി ഇ​ട​വ​ഴി​ക​ൾ അ​യാ​ൾ കാ​ണു​ന്നു. ആ ​ഇ​ട​വ​ഴി​ക​ളി​ൽ അ​യാ​ളെ അ​റി​യു​ന്ന നി​ര​വ​ധി മു​ഖ​ങ്ങ​ൾ ഉ​ണ്ട്. ആ​രെ​ങ്കി​ലും ത​ന്നെ​യൊ​ന്നു അ​ങ്ങോ​ട്ട് വി​ളി​ച്ചി​രു​ന്നു എ​ങ്കി​ൽ എ​ന്ന​യാ​ൾ ആ​ത്മാ​ർ​ഥ​മാ​യി ആ​ഗ്ര​ഹി​ക്കു​ന്നു. എ​ന്നാ​ൽ, എ​ല്ലാം അ​വ​സാ​നി​ച്ചു എ​ന്ന് ക​രു​തു​ന്ന നി​മി​ഷ​ത്തി​ൽ അ​പ്ര​തീ​ക്ഷി​ത​മാ​യി അ​യാ​ൾ​ക്ക്‌ കി​ട്ടു​ന്ന ഒ​രു പി​ടി​വ​ള്ളി അ​യാ​ളെ ജീ​വി​ത​ത്തി​ലേ​ക്ക് മ​ട​ക്കി കൊ​ണ്ടു​വ​രു​ന്നു. ജീ​വി​ത​ത്തി​ലേ​ക്ക് തി​രി​ച്ചു​വ​രു​ന്ന ആ​ൾ ആ​ദ്യം അ​ന്വേ​ഷി​ക്കു​ന്ന​ത് അ​യാ​ൾ​ക്ക് കി​ട്ടി​യ ആ ‘​പി​ടി​വ​ള്ളി​യെ’ കു​റി​ച്ചാ​ണ്.

ആ ​അ​ന്വേ​ഷ​ണം എ​ത്തു​ന്ന​ത് ഞെ​ട്ടി​പ്പി​ക്കു​ന്ന ഒ​രു സ​ത്യ​ത്തി​ലേ​ക്കും. മ​സ്‌​ക​ത്തി​ലെ മു​തി​ർ​ന്ന മാ​ധ്യ​മ പ്ര​വ​ർ​ത്ത​ക​ൻ​കൂ​ടി​യാ​യ അ​നി​ർ​ബ​ൻ റെ​യ് സം​വി​ധാ​നം ചെ​യ്ത ‘വെ​റോ​ണി​ക്ക വീ​ണ്ടും ജീ​വി​ത​ത്തി​ലേ​ക്ക്​’ എ​ന്ന സി​നി​മ ഒ​ട്ടേ​റെ യാ​ഥാ​ർ​ഥ്യ​ങ്ങ​ൾ ന​മ്മ​ളെ കാ​ണി​ച്ചു​ത​രു​ന്ന ഒ​ന്നാ​ണ്. ആ​ത്മ​ഹ​ത്യ പ്ര​വ​ണ​ത​ക്ക് എ​തി​രെ ഒ​ട്ട​ന​വ​ധി സി​നി​മ​ക​ൾ വ​ന്നി​ട്ടു​ണ്ട് എ​ങ്കി​ലും തി​ക​ച്ചും വേ​റി​ട്ട അ​നു​ഭ​വം കാ​ഴ്ച​ക്കാ​ർ​ക്ക് സ​മ്മാ​നി​ക്കു​ന്ന ഈ ​ഹ്ര​സ്വ​ചി​ത്രം ഒ​ട്ടേ​റെ കാ​ര്യ​ങ്ങ​ൾ ന​മ്മോ​ട് പ​റ​യു​ന്നു. അ​ൽ അ​ബീ​ർ ആ​ശു​പ​ത്രി ഹാ​ളി​ൽ സി​നി​മ​യു​ടെ പ്ര​ഥ​മ പ്ര​ദ​ർ​ശ​നം ന​ട​ന്നു.

തു​ട​ർ​ന്ന്​ മ​സ്​​ക​ത്തി​ലെ സാ​മൂ​ഹി​ക പ്ര​വ​ർ​ത്ത​ക​ർ പ​ങ്കെ​ടു​ത്ത ച​ർ​ച്ച​യും സം​ഘ​ടി​പ്പി​ച്ചു. പ്ര​മു​ഖ മാ​ധ്യ​മ​പ്ര​വ​ർ​ത്ത​ക​നും സി​നി​മ​യു​ടെ സ​ഹ സം​വി​ധാ​യ​ക​നു​മാ​യ ക​ബീ​ർ യൂ​സു​ഫ് ന​യി​ച്ച ച​ർ​ച്ച​യി​ൽ ഇ​ന്ത്യ​ൻ സ്കൂ​ൾ ബോ​ർ​ഡ് ഓ​ഫ് ചെ​യ​ർ​മാ​ൻ ബേ​ബി സാം, ​ഡോ. ര​ത്ന​കു​മാ​ർ, ര​മ്യ ഡെ​ൻ​സി​ൽ എ​ന്നി​വ​ർ​ക്ക് പു​റ​മെ സി​നി​മ​യു​ടെ അ​ണി​യ​റ പ്ര​വ​ർ​ത്ത​ക​രും നി​ര​വ​ധി സാ​മൂ​ഹി​ക പ്ര​വ​ർ​ത്ത​ക​രും പ​ങ്കെ​ടു​ത്തു. ആ​ത്​​മ​ഹ​ത്യ​ക്കെ​തി​രാ​യ ബോ​ധ​വ​ത്​​ക​ര​ണ പ​രി​പാ​ടി​ക​ൾ കൂ​ടു​ത​ൽ ഊ​ർ​ജി​ത​മാ​ക്ക​ണ​മെ​ന്ന്​ ച​ർ​ച്ച​യി​ൽ പ​ങ്കെ​ടു​ത്ത എ​ല്ലാ​വ​രും ഒ​രേ സ്വ​ര​ത്തി​ൽ അ​ഭി​പ്രാ​യ​പ്പെ​ട്ടു.

ഒ​ട്ടേ​റെ സാ​മൂ​ഹി​ക വി​ഷ​യ​ങ്ങ​ളി​ൽ ഹ്ര​സ്വ​ചി​ത്ര​ങ്ങ​ൾ സം​വി​ധാ​നം ചെ​യ്ത അ​നി​ർ​ബ​ൻ റേ​യു​ടെ അ​ഞ്ചാ​മ​ത്തെ ചി​ത്ര​മാ​ണ് ‘വെ​റോ​ണി​ക്ക വീ​ണ്ടും ജീ​വി​ത​ത്തി​ലേ​ക്ക്’ എ​ന്ന​ത്. മ​സ്‌​ക​ത്തി​ലെ പ്ര​മു​ഖ മോ​ഡ​ലും ന​ടി​യു​മാ​യ ആ​ന്ത​ര ബോ​സാ​ണ് പ്ര​ധാ​ന ക​ഥാ​പാ​ത്ര​ത്തെ അ​വ​ത​രി​പ്പി​ച്ചി​രി​ക്കു​ന്ന​ത്. ഒ​മാ​നി സ്വ​ദേ​ശി​യും മാ​ധ്യ​മ പ്ര​വ​ർ​ത്ത​ക​നു​മാ​യ ഷാ​ദാ​ദ് അ​ൽ മു​സ​ൽ​മി​യാ​ണ് നി​ർ​മാ​താ​വ്. സ​ത്യ​ദാ​സ് കി​ട​ങ്ങൂ​ർ ഛായാ​ഗ്ര​ഹ​ണ​വും ഷ​ഫീ​ർ കു​ഞ്ഞു​മു​ഹ​മ്മ​ദ്​ നി​ശ്ച​ല ഛായാ​ഗ്ര​ഹ​ണ​വും നി​ർ​വ​ഹി​ച്ച ഈ ​ഹ്ര​സ്വ​ചി​ത്രം യൂ ​ടൂ​ബി​ൽ ല​ഭ്യ​മാ​ണ്.