മസ്കത്ത്: ഒമാൻ എയർ മസ്കത്തിൽനിന്ന് കൊച്ചിയിലേക്ക് ഒരു സർവിസ് കൂടി തുടങ്ങും. മൊത്തം 25 ഇടങ്ങളിലേക്ക് ജനുവരിയിൽ പുതിയ സർവിസുകൾ തുടങ്ങുമെന്ന് ദേശീയ വിമാനക്കമ്പനി വാർത്തക്കുറിപ്പിൽ അറിയിച്ചു. മസ്കത്തിൽനിന്ന് ദോഹയിലേക്കുള്ള പ്രതിവാര വിമാനങ്ങൾ രണ്ടിൽനിന്ന് നാലായി ഉയർത്തും.
ദുബൈയിലേക്കുള്ളത് മൂന്നിൽനിന്ന് അഞ്ചായും ലണ്ടനിലേക്കുള്ളത് രണ്ടിൽനിന്ന് മൂന്നായും വർധിപ്പിക്കും. കൊച്ചിക്കു പുറമെ മുംബൈ, കൈറോ, ഡൽഹി, ഹൈദരാബാദ്, ഇസ്ലാമാബാദ്, ലാഹോർ, ചെന്നൈ എന്നിവിടങ്ങളിലേക്ക് ഒാരോ സർവിസുകളുംകൂടി ആരംഭിക്കും. എല്ലാവിധ കോവിഡ് സുരക്ഷാനടപടിക്രമങ്ങളും പാലിച്ചാണ് സർവിസുകൾ നടത്തുന്നതെന്ന് ഒമാൻ എയർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.