മസ്കത്ത്: ഒമാൻ എയർ വിമാനങ്ങളുടെ നിരയിലേക്ക് പുതിയ ബോയിങ് 787-9 ഡ്രീംലൈനർ വിമാനം കൂടി ചേർന്നു. അഡ്വാൻസ് ലോങ്റേഞ്ച് ഇരട്ട എൻജിനോടെയുള്ള ബോയിങ് 787-8 വിമാനത്തിെൻറ പരിഷ്കരിച്ച പതിപ്പാണിത്. ബി.ഇ എയറോ സ്പേസ് രൂപകൽപന ചെയ്ത ഇതിലെ 30 ഫ്ലാറ്റ് ബെഡ് ബിസിനസ് ക്ലാസ് സ്യൂട്ടുകൾ മികവിനുള്ള പുരസ്കാരം നേടിയിട്ടുണ്ട്. അത്യാധുനിക ഇൻറഗ്രേറ്റഡ് ഇൻ ഫ്ലെയിറ്റ് എൻറർടെയിൻമെൻറ് സംവിധാനം അതിഥികൾക്ക് മികച്ച യാത്രാനുഭവം പ്രധാനം ചെയ്യും. സൗത് കരോൈലനയിൽ ചാൾസ്റ്റണിൽനിന്ന് ചൊവ്വാഴ്ച പുറപ്പെട്ട ഡ്രീംലൈനർ ബുധനാഴ്ച മസ്കത്ത് അന്താരാഷ്ട്ര വിമാനത്താവളത്തിലെത്തി. അമേരിക്കയിലെ ഒമാൻ അംബാസഡർ ഹുനൈന സുൽത്താൻ അൽ മുഖൈരി വിമാനത്തിെൻറ കന്നിയാത്രയിൽ അതിഥിയായിരുന്നു. ഇതോടെ, ഒമാൻ എയറിെൻറ ഡ്രീംലൈനർ വിമാനങ്ങളുടെ എണ്ണം ഏഴായി ഉയർന്നു. പുതിയ വിമാനം യൂറോപ്യൻ, ഫാർ ഇൗസ്റ്റേൺ സെക്ടറുകളിലെ സർവിസിനായിരിക്കും ഉപയോഗിക്കുക. ദേശീയ വിമാന കമ്പനിയുടെ വളർച്ചാ പദ്ധതികളുടെ ഭാഗമായാണ് പുതിയ വിമാനം എത്തിയത്. അടുത്തിടെ 30 ബോയിങ് 737 മാക്സ് വിമാനങ്ങൾക്കും ഒമാൻ എയർ ഒാർഡർ നൽകിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.