മസ്കത്ത്: മവേലയിലെ സെൻട്രൽ ഫ്രൂട്സ് ആൻറ് വെജിറ്റബിൾ മാർക്കറ്റ് അടച്ചു. വെള്ളിയാഴ്ച മുതൽ ഇനിയൊരു അറി യിപ്പ് ഉണ്ടാകുന്നത് വരെയാണ് അടച്ചതെന്ന് മസ്കത്ത് നഗരസഭ പ്രസ്താവനയിൽ അറിയിച്ചു. കോവിഡ് വ്യാപനം തടയു ന്നതിനായി ആളുകൾ മാർക്കറ്റുകളിൽ കൂട്ടം കൂടുന്ന സാഹചര്യം ഒഴിവാക്കാൻ ലക്ഷ്യമിട്ടാണ് നടപടി. സുപ്രീം കമ്മിറ്റി തീരുമാനങ്ങൾക്ക് ഒപ്പം സാമൂഹിക അകലം നടപ്പാക്കാനുള്ള സർക്കാർ തീരുമാനങ്ങളുടെയും ഭാഗമായാണ് നടപടിയെന്ന് മസ്കത്ത് നഗരസഭ പ്രസ്താവനയിൽ അറിയിച്ചു.
വ്യാഴാഴ്ച റമദാൻ ഷോപ്പിങ്ങിനായി നിരവധി പേരാണ് മവേല മാർക്കറ്റിൽ എത്തിയത്. ഇൗ തിരക്കാണ് മാർക്കറ്റ് അടക്കാനുള്ള തീരുമാനത്തിലേക്ക് അധികൃതരെ നയിച്ചതെന്നാണ് കരുതുന്നത്. വ്യാഴാഴ്ച രാത്രി വൈകിയാണ് മാർക്കറ്റ് അടക്കാനുള്ള തീരുമാനം നഗരസഭ പുറത്തുവിട്ടത്.
ബദൽസംവിധാനമൊരുക്കുന്നത് സംബന്ധിച്ച് ചർച്ച ചെയ്യാൻ വെള്ളിയാഴ്ച വൈകുന്നേരം അഞ്ചിന് മാർക്കറ്റിലെ കച്ചവടക്കാരുടെ യോഗം നഗരസഭ വിളിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.