സി. ബി.എസ്.ഇ ഒമാൻ ഖോ-ഖോ ക്ലസ്റ്റർ മത്സരത്തിൽ പെൺകുട്ടികളുടെ വിഭാഗത്തിൽ ജേതാക്കളായ ഇന്ത്യൻ സ്കൂൾ മബേല
നിസ്വ: സി.ബി.എസ്.ഇ ഒമാൻ ഖോ-ഖോ ക്ലസ്റ്റർ മത്സരം ഇന്ത്യൻ സ്കൂൾ നിസ്വയിൽ ആരംഭിച്ചു. പതിനൊന്ന് ഇന്ത്യൻ സ്കൂളുകളിൽനിന്ന് 240 കുട്ടികൾ പങ്കെടുക്കുന്ന മത്സരങ്ങൾ വ്യാഴാഴ്ച അവസാനിക്കും.
സ്കൂൾ സ്പോർട്സ് കൺവീനർ ഉണ്ണികൃഷ്ണൻ ടൂർണമെന്റ് ഉദ്ഘാടനം ചെയ്തു. പ്രിൻസിപ്പൽ ജോൺ ഡൊമിനിക് ജോർജ് അധ്യക്ഷത വഹിച്ചു. ഹെൽത്ത് ആൻഡ് സേഫ്റ്റി കൺവീനർ ഷിജി ബിബിഷ് ആശംസകൾ നേർന്നു. കുട്ടികളുടെ മാർച്ച് പാസ്റ്റിനു ശേഷം പ്രതിജ്ഞയോടെ മത്സരങ്ങൾ ആരംഭിച്ചു ആദ്യദിവസം പെൺകുട്ടികളുടെ മത്സരത്തിൽ ഇന്ത്യൻ സ്കൂൾ മബേല ഒന്നാം സ്ഥാനവും ഇന്ത്യൻ സ്കൂൾ സലാല രണ്ടാം സ്ഥാനവും നേടി.
ഇന്ത്യൻ സ്കൂൾ നിസ്വ, ഇന്ത്യൻ സ്കൂൾ ദാർസൈത്ത് എന്നീ സ്കൂളുകൾ മൂന്നാം സ്ഥാനം പങ്കിട്ടു. വിജയികൾക്കുള്ള സമ്മാനങ്ങൾ സ്കൂൾ മാനേജ്മെന്റ് കമ്മിറ്റി പ്രസിഡന്റ് സുനൈത്ത് അഹമ്മദ്, സ്പോർട്സ് കൺവീനർ ഉണ്ണികൃഷ്ണൻ എന്നിവർ വിജയികൾക്കുള്ള ട്രോഫികളും സർട്ടിഫിക്കറ്റുകളും വിതരണം ചെയ്തു. സ്കൂൾ ഹെഡ് ബോയ് കാസിം അബ്ബാസ് സ്വാഗതവും , ഹെഡ് ഗേൾ റിമി ഡേയ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.