മസ്കത്ത്: സലാല വിമാനത്താവളത്തിന്െറ ഒൗദ്യോഗിക ഉദ്ഘാടനം ഇന്ന് നടക്കും. പാരിസ്ഥിതിക വിഷയങ്ങളിലെ സുല്ത്താന്െറ ഉപദേഷ്ടാവ് സയ്യിദ് ശിഹാബ് ബിന് തൈമൂര് അല്സഈദിന്െറ രക്ഷാകര്തൃത്വത്തിലാണ് ഉദ്ഘാടന ചടങ്ങുകള് നടക്കുക. രാജ്യത്തിന്െറ 45ാം ദേശീയദിനാഘോഷത്തിന് അനുബന്ധമായാണ് ഗതാഗത വാര്ത്താവിനിമയ മന്ത്രാലയം ഉദ്ഘാടന ചടങ്ങ് സംഘടിപ്പിക്കുന്നത്. ഗതാഗതമന്ത്രി ഡോ. അഹ്മദ് ബിന് മുഹമ്മദ് അല് ഫുതൈസി ഉദ്ഘാടന ചടങ്ങില് പ്രഭാഷണം നിര്വഹിക്കും.
പുതിയ വിമാനത്താവളത്തെക്കുറിച്ച ഡോക്യുമെന്ററിയും പ്രദര്ശിപ്പിക്കും. വിശിഷ്ട വ്യക്തികള്, മന്ത്രിമാര്, സ്റ്റേറ്റ് കൗണ്സില്, മജ്ലിസുശ്ശൂറ അംഗങ്ങള്, സേനാ ഉദ്യോഗസ്ഥര് തുടങ്ങിയവര് ഉദ്ഘാടന ചടങ്ങില് സംബന്ധിക്കും. ജൂണ് 15 മുതല് സലാല വിമാനത്താവളം അനൗദ്യോഗികമായി പ്രവര്ത്തനം ആരംഭിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.