ട്രാഫിക് ലംഘന വിവരങ്ങൾ പങ്കുവെച്ച് കുവൈത്തും ഖത്തറും

കു​വൈ​ത്ത് സി​റ്റി: കു​വൈ​ത്തി​ലും ഖ​ത്ത​റി​ലും ട്രാ​ഫി​ക്​ നി​യ​മ​ങ്ങ​ൾ ലം​ഘി​ച്ച വാ​ഹ​ന​ങ്ങ​ൾ അ​തി​ർ​ത്തി ക​ട​ന്നാ​ലും ഇ​നി ര​ക്ഷ​പ്പെ​ടി​ല്ല. റോ​ഡി​ലെ നി​യ​മ​ലം​ഘ​ന​ങ്ങ​ളു​ടെ വി​വ​ര​ങ്ങ​ൾ പ​ര​സ്​​പ​രം കൈ​മാ​റു​ന്ന ന​ട​പ​ടി​ക​ൾ​ക്ക്​ ഇ​രു​രാ​ജ്യ​ങ്ങ​ളും തു​ട​ക്കം​കു​റി​ച്ചു. ഇ​നി ഖ​ത്ത​റി​ൽ ന​ട​ത്തു​ന്ന നി​യ​മ​ലം​ഘ​ന​ങ്ങ​ളു​ടെ വി​വ​ര​ങ്ങ​ൾ കു​വൈ​ത്ത്​ അ​ധി​കൃ​ത​ർ​ക്കും കു​വൈ​ത്തി​ൽ നി​യ​മ​ലം​ഘ​നം ന​ട​ത്തി​യ വാ​ഹ​ന​ങ്ങ​ളു​ടെ വി​വ​ര​ങ്ങ​ൾ ഖ​ത്ത​ർ അ​ധി​കൃ​ത​ർ​ക്കും പ​ങ്കു​വെ​ക്കും.

ജൂ​ൺ 13 മു​ത​ൽ വി​വ​ര​ങ്ങ​ൾ പ​ങ്കു​വെ​ക്കു​ന്ന പ​ദ്ധ​തി ​പ്രാ​ബ​ല്യ​ത്തി​ൽ​വ​ന്ന​താ​യി അ​ധി​കൃ​ത​ർ അ​റി​യി​ച്ചു. ലം​ഘ​ന​വി​വ​ര​ങ്ങ​ൾ രാ​ജ്യ​ങ്ങ​ൾ ത​മ്മി​ൽ പ​ങ്കു​വെ​ക്കു​ന്ന​തോ​ടെ പി​ഴ ഓ​ൺ​ലൈ​ൻ വ​ഴി ചു​മ​ത്താ​നും ക​ഴി​യും.നി​ല​വി​ൽ ഏ​തെ​ങ്കി​ലു​മൊ​രു ജി.​സി.​സി രാ​ജ്യ​ത്ത് ര​ജി​സ്റ്റ​ർ ചെ​യ്ത വാ​ഹ​നം മ​റ്റൊ​രു ഗ​ൾ​ഫ് രാ​ജ്യ​ത്ത് ചെ​ന്ന് ഗ​താ​ഗ​ത നി​യ​മ ലം​ഘ​ന​ങ്ങ​ൾ ന​ട​ത്തി​യാ​ൽ പി​ഴ ചു​മ​ത്താ​ൻ സാ​ങ്കേ​തി​ക​മാ​യി ത​ട​സ്സ​മു​ണ്ടാ​യി​രു​ന്നു.

പു​തി​യ ക​രാ​ര്‍ വ​രു​ന്ന​തോ​ടെ ഇ​രു രാ​ജ്യ​ങ്ങ​ളി​ല്‍ നി​ന്നു​ള്ള വാ​ഹ​ന​ങ്ങ​ള്‍ ഗ​താ​ഗ​ത നി​യ​മ ലം​ഘ​ന​ങ്ങ​ള്‍ ന​ട​ത്തി​യാ​ല്‍ വാ​ഹ​നം ര​ജി​സ്റ്റ​ര്‍ ചെ​യ്ത രാ​ജ്യ​ത്ത് നി​ന്ന് പി​ഴ ഈ​ടാ​ക്കാം. ഫെ​ബ്രു​വ​രി​യി​ൽ കു​വൈ​ത്ത് യു.​എ.​ഇ​യു​മാ​യും ഏ​കീ​കൃ​ത സം​വി​ധാ​നം ന​ട​പ്പി​ല്‍ വ​രു​ത്താ​നു​ള്ള ക​രാ​റി​ല്‍ ഒ​പ്പ് വെ​ച്ചി​രു​ന്നു.

നി​യ​മം വ​രു​ന്ന​തോ​ടെ ഈ ​രാ​ജ്യ​ങ്ങ​ളി​ല്‍ നി​യ​മം ലം​ഘി​ച്ച് അ​ടു​ത്ത രാ​ജ്യ​ത്തേ​ക്ക് ക​ട​ക്കു​ന്ന ഡ്രൈ​വ​ര്‍മാ​ര്‍ക്ക് ശി​ക്ഷാ ന​ട​പ​ടി​ക​ൾ നേ​രി​ടേ​ണ്ടി വ​രും. പി​ഴ ചു​മ​ത്തി​യ​തി​ല്‍ അ​പാ​ക​ത ഉ​ണ്ടെ​ങ്കി​ല്‍ ഉ​മ​ട​ക​ള്‍ക്ക് അ​ത് ബോ​ധി​പ്പി​ക്കാ​നും സം​വി​ധാ​ന​മു​ണ്ടാ​വും.ഇ​രു രാ​ജ്യ​ങ്ങ​ളു​ടെ​യും ആ​ഭ്യ​ന്ത​ര മ​​ന്ത്രാ​ല​യം ഉ​ദ്യോ​ഗ​സ്​​ഥ​രു​ടെ ​യോ​ഗ​ത്തി​നു പി​ന്നാ​ലെ​യാ​ണ്​ ‘ട്രാ​ഫി​ക്​ വ​യ​ലേ​ഷ​ൻ ഡേ​റ്റ ഷെ​യ​റി​ങ്​’ നി​ല​വി​ൽ​വ​ന്ന​ത്. ഗ​താ​ഗ​ത നി​യ​മ​ങ്ങ​ൾ പാ​ലി​ക്കു​ന്ന​തി​നും അ​പ​ക​ട​ങ്ങ​ൾ കു​റ​ച്ച്​ റോ​ഡ്​ ഗ​താ​ഗ​തം കൂ​ടു​ത​ൽ സു​ര​ക്ഷി​ത​മാ​ക്കു​ന്ന​തി​നും​വേ​ണ്ടി​യാ​ണ്​ ഈ ​പ​ദ്ധ​തി ആ​രം​ഭി​ക്കു​ന്ന​തെ​ന്ന്​ ഇ​രു​പ​ക്ഷ​വും സം​യു​ക്​​ത പ്ര​സ്​​താ​വ​ന​യി​ൽ അ​റി​യി​ച്ചു.

ദോ​ഹ​യി​ൽ ന​ട​ന്ന യോ​ഗ​ത്തി​ൽ ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം ജ​ന​റ​ൽ ഡ​യ​റ​ക്​​ട്രേ​റ്റ്​ ഓ​ഫ്​ ക​മ്യൂ​ണി​ക്കേ​ഷ​ൻ ആ​ൻ​ഡ്​ ഇ​ൻ​ഫ​ർ​മേ​ഷ​ൻ സി​സ്​​റ്റം ഡെ​വ​ല​പ്​​മെൻറ്​ ഡ​യ​റ​ക്​​ട​ർ ല​ഫ്. കേ​ണ​ൽ അ​ബ്​​ദു​ൽ അ​സീ​സ്​ അ​ൽ അ​സ്​​മ​ർ അ​ൽ റു​വൈ​ലി​യും കു​വൈ​ത്ത്​ ജ​ന​റ​ൽ ഡ​യ​റ​ക്​​ട്രേ​റ്റ്​ ഓ​ഫ്​ ഇ​ൻ​ഫ​ർ​മേ​ഷ​ൻ സി​സ്​​റ്റം​സ്​ ആ​ക്​​ടി​ങ്​ ഡ​യ​റ​ക്​​ട​ർ ജ​ന​റ​ൽ ബ്രി​ഗേ​ഡി​യ​ർ ഉ​സാ​മ അ​ൽ വാ​ഹി​ബും പ​​ങ്കെ​ടു​ത്തു.

ഇ​രു മ​ന്ത്രാ​ല​യ​ങ്ങ​ളി​ൽ​നി​ന്നു​ള്ള ഉ​ദ്യോ​ഗ​സ്​​ഥ​രും ച​ർ​ച്ച​യി​ൽ പ​ങ്കാ​ളി​ക​ളാ​യി. ജി.​സി.​സി രാ​ജ്യ​ങ്ങ​ൾ​ക്കി​ട​യി​ൽ ട്രാ​ഫി​ക്​ വ​യ​ലേ​ഷ​ൻ ഡേ​റ്റ പ​ങ്കു​വെ​ച്ച്​ പി​ഴ ഈ​ടാ​ക്ക​ൽ ​ഏ​കോ​പി​പ്പി​ക്കു​ന്ന​ത്​ ഗ​ൾ​ഫ്​ സ​ഹ​ക​ര​ണ കൗ​ൺ​സി​ൽ പ​ദ്ധ​തി ത​യാ​റാ​ക്കി​യി​രു​ന്നു. അ​തി​ന്റെ തു​ട​ർ​ച്ച​യാ​യാ​ണ്​ ഓ​രോ രാ​ജ്യ​വും ഇ​തു​സം​ബ​ന്ധി​ച്ച്​ ധാ​ര​ണ​യി​ലെ​ത്തി ന​ട​പ്പാ​ക്കി​ത്തു​ട​ങ്ങു​ന്ന​ത്.