അൽ സൂർ റിഫൈനറിയിൽ നിന്ന് കപ്പലിൽ ലോ സൾഫർ നിറക്കുന്നു
കുവൈത്ത് സിറ്റി: അൽസൂർ റിഫൈനറിയിൽ കുവൈത്ത് ഇന്റഗ്രേറ്റഡ് പെട്രോളിയം ഇൻഡസ്ട്രീസ് കമ്പനി (കെ.ഐ.പി.ഐ.സി) ഉൽപാദിപ്പിക്കുന്ന ലോ സൾഫർ ഇന്ധനത്തിന്റെ ആദ്യ കയറ്റുമതി ചെയ്തു. സിംഗപ്പൂരിലേക്കാണ് ആദ്യ കയറ്റുമതിയെന്ന് കെ.ഐ.പി.ഐ.സിയുടെ ഔദ്യോഗിക വക്താവ് അബ്ദുല്ല അൽ അജ്മി അറിയിച്ചു.
തിങ്കളാഴ്ച അൽസൂർ ടെർമിനലിൽ എത്തിയ ഭീമൻ കപ്പലിൽ ചൊവ്വാഴ്ച ലോ സൾഫർ നിറച്ചു. കുവൈത്ത് എണ്ണ അനുബന്ധവസ്തുക്കൾ യൂറോപ്പിലേക്കും ആഗോള വിപണിയിലേക്കും കയറ്റുമതി ചെയ്യുന്നതിന് വഴിയൊരുക്കുന്ന സുപ്രധാന നേട്ടമാണ് ഇത്.
ലോക ഊർജ വിപണിയിൽ വിശ്വസനീയമായ പങ്കാളിയെന്ന നിലയിൽ കുവൈത്തിന്റെ പദവി ഉയർത്താൻ ഇത് ഇടയാക്കുമെന്നും അബ്ദുല്ല അൽ അജ്മി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.