വെങ്കല മെഡൽ നേടിയ കുവൈത്ത് താരങ്ങൾ പ്രതിനിധികൾക്കൊപ്പം
കുവൈത്ത് സിറ്റി: കെയ്റോയിൽ നടക്കുന്ന അറബ് ഷൂട്ടിങ് ചാമ്പ്യൻഷിപ്പിൽ മിക്സഡ് ടീം പിസ്റ്റൾ ഇനത്തിൽ കുവൈത്തിന് വെങ്കലം. കുവൈത്ത് ഷൂട്ടർമാരായ ഹമദ് അൽ നംഷാൻ- ഗേസ്ലാൻ അൽ ഹസ്സൻ സഖ്യമാണ് അഭിമാനകരമായ നേട്ടം കരസ്ഥമാക്കിയത്. മറ്റ് അറബ് ടീമുകളുമായുള്ള കടുത്ത മത്സരത്തിന് ശേഷമാണ് ഇരുവരുടെയും വിജയമെന്ന് കുവൈത്ത് ഷൂട്ടിങ് പ്രതിനിധി സംഘം തലവൻ അബ്ദുല്ല അൽ ബറകത്ത് പറഞ്ഞു.
ഇന്ന് നടക്കുന്ന 10 മീറ്റർ റൈഫിൾ ഷൂട്ടിങ്, മിക്സഡ് ടീം റൈഫിൾ എന്നിവയിലും കുവൈത്ത് ഷൂട്ടർമാർ മത്സരിക്കുന്നുണ്ട്. കുവൈത്ത്, സൗദി അറേബ്യ, യു.എ.ഇ, ഖത്തർ, ബഹ്റൈൻ, ഒമാൻ, ഈജിപ്ത് എന്നിവയുൾപ്പെടെ 19 അറബ് രാജ്യങ്ങളിൽ നിന്നുള്ള 300 ഓളം പേർ ചാമ്പ്യൻഷിപ്പിൽ പങ്കെടുക്കുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.