മ​നാ​മ: ബ​ഹ്റൈ​ന്‍റെ പൈ​തൃ​ക​ന​ഗ​ര​ത്തി​ന്‍റെ ഉ​ത്സ​വ​ല​ഹ​രി​ക്ക് വീ​ണ്ടും തി​രി​തെ​ളി​യാ​നൊ​രു​ങ്ങു​ന്നു. മു​ഹ​റ​ഖ് നൈ​റ്റ്‌​സി​ന്‍റെ നാ​ലാ​മ​ത്തെ പ​തി​പ്പ് ഡി​സം​ബ​റി​ൽ ന​ട​ത്തു​മെ​ന്ന് പ്ര​ഖ്യാ​പി​ച്ച് ബ​ഹ്‌​റൈ​ൻ ക​ൾ​ച​ർ ആ​ൻ​ഡ് ആ​ർ​ക്കി​യോ​ള​ജി അ​തോ​റി​റ്റി (ബി.​എ.​സി.​എ). രാ​ജ്യ​ത്തി​ന്‍റെ ദേ​ശീ​യ ദി​നാ​ഘോ​ഷ​ങ്ങ​ളോ​ട​നു​ബ​ന്ധി​ച്ചാ​ണ് മു​ഹ​റ​ഖ് നൈ​റ്റ് അ​ര​ങ്ങേ​റാ​റു​ള്ള​ത്.

മു​ഹ​റ​ഖി​ന്‍റെ ഹൃ​ദ​യ​ഭാ​ഗ​ത്തു​ള്ള 3.5 കി​ലോ​മീ​റ്റ​ർ നീ​ള​മു​ള്ള പേ​ളി​ങ് പാ​ത്ത് ബ​ഹ്‌​റൈ​ന്‍റെ സ​മ്പ​ന്ന​മാ​യ പൈ​തൃ​ക​ത്തി​ന്‍റെ​യും പാ​ര​മ്പ​ര്യ​ത്തി​ന്‍റെ​യും ദൃ​ശ്യ​പ​ര​മാ​യ ആ​ഘോ​ഷ​മാ​ക്കി മാ​റ്റാ​റു​ണ്ട് ഈ ​പ​രി​പാ​ടി. ക​ഴി​ഞ്ഞ​വ​ർ​ഷം ന​ട​ന്ന മു​ഹ​റ​ഖ് നൈ​റ്റ്സ് അ​ഞ്ച് ല​ക്ഷ​ത്തി​ല​ധി​കം സ​ന്ദ​ർ​ശ​ക​രെ ആ​ക​ർ​ഷി​ച്ചി​രു​ന്നു.

ഓ​പ​ൺ എ​യ​ർ ആ​ർ​ട്ട് ഇ​ൻ​സ്റ്റ​ലേ​ഷ​നു​ക​ൾ, പ​ര​മ്പ​രാ​ഗ​ത ക​ര​കൗ​ശ​ല വ​സ്തു​ക്ക​ൾ, സം​ഗീ​ത​പ്ര​ക​ട​ന​ങ്ങ​ൾ, പ്ര​ഭാ​ഷ​ണ​ങ്ങ​ൾ, സെ​മി​നാ​റു​ക​ൾ, സം​വേ​ദ​നാ​ത്മ​ക സെ​ഷ​നു​ക​ൾ, ഭ​ക്ഷ​ണ സ്റ്റാ​ളു​ക​ൾ, പേ​ൾ പാ​ത​യി​ലൂ​ടെ​യു​ള്ള പ്ര​ത്യേ​ക ടൂ​റു​ക​ൾ തു​ട​ങ്ങി​യ​വ പോ​യ വ​ർ​ഷം നൈ​റ്റി​നെ കൂ​ടു​ത​ൽ മ​നോ​ഹ​ര​മാ​ക്കി. ക​ലാ​കാ​ര​ന്മാ​ർ​ക്കും ക​ര​കൗ​ശ​ല വി​ദ​ഗ്ധ​ർ​ക്കും സം​ഗീ​ത​ജ്ഞ​ർ​ക്കും അ​വ​രു​ടെ ക​ഴി​വു​ക​ൾ പ്ര​ദ​ർ​ശി​പ്പി​ക്കാ​നു​ള്ള വേ​ദി കൂ​ടി​യാ​ണ് മു​ഹ​റ​ഖ് നൈ​റ്റ്സ്. 

അ​പേ​ക്ഷ ക്ഷ​ണി​ച്ചു

മു​ഹ​റ​ഖ് നൈ​റ്റ്സി​ന്‍റെ ഭാ​ഗ​മാ​യി റീ​ട്ടെ​യി​ൽ വ്യാ​പാ​രി​ക​ൾ, ഭ​ക്ഷ്യ​പാ​നീ​യ വി​ത​ര​ണ​ക്കാ​ർ, വ​ർ​ക്​​ഷോ​പ് ഇ​ൻ​സ്ട്ര​ക്ട​ർ​മാ​ർ, സം​ഗീ​ത​ജ്ഞ​ർ, സ​ന്ന​ദ്ധ​പ്ര​വ​ർ​ത്ത​ക​ർ എ​ന്നി​വ​രി​ൽ​നി​ന്ന് അ​പേ​ക്ഷ​ക​ൾ ക്ഷ​ണി​ച്ച് അ​തോ​റി​റ്റി ഔ​ദ്യോ​ഗി​ക സ​മൂ​ഹ​മാ​ധ്യ​മ ചാ​ന​ലു​ക​ളി​ൽ പ്ര​ഖ്യാ​പ​നം ന​ട​ത്തി. ആ​ഗ​സ്റ്റ് 27 ആ​ണ് അ​പേ​ക്ഷി​ക്കാ​നു​ള്ള അ​വ​സാ​ന തീ​യ​തി. കൂ​ടു​ത​ൽ വി​വ​ര​ങ്ങ​ൾ​ക്ക് ബി.​എ.​സി.​എ​യു​ടെ ഔ​ദ്യോ​ഗി​ക സോ​ഷ്യ​ൽ മീ​ഡി​യ ചാ​ന​ലു​ക​ളും www.culture.gov.bh ഉം ​സ​ന്ദ​ർ​ശി​ക്കു​ക.