ഫ്ലോറിൻ മത്തിയാസിനും സിജു ജോർജിനും കാൻസർ കെയർ ഗ്രൂപ് നൽകിയ യാത്രയയപ്പ്
മനാമ: ബഹ്റൈൻ കാൻസർ സൊസൈറ്റിയിൽ അഫിലിയേറ്റ് ചെയ്തു പ്രവർത്തിച്ചുവരുന്ന കാൻസർ കെയർ ഗ്രൂപ്പിന്റെ (സി.സി.ജി) സജീവ അംഗവും സാമൂഹിക പ്രവർത്തകയുമായ ഫ്ലോറിൻ മത്തിയാസിനും ഗൾഫ് മാധ്യമം സീനിയർ റിപ്പോർട്ടർ സിജു ജോർജിനും യാത്രയയപ്പ് നൽകി. ബഹ്റൈൻ മീഡിയ സിറ്റിയിൽ ഒരുക്കിയ യാത്രയയപ്പ് യോഗത്തിൽ കാൻസർ കെയർ ഗ്രൂപ് പ്രസിഡന്റ് ഡോ. പി.വി. ചെറിയാൻ അധ്യക്ഷത വഹിച്ചു.
62 വർഷം ബഹ്റൈനിൽ സാമൂഹിക സേവന രംഗത്ത് നൽകിയ സേവനത്തിന് ഫ്ലോറിൻ മത്തിയാസിനെയും മൂന്നുവർഷത്തെ സേവനത്തിനുശേഷം നാട്ടിലേക്ക് പോകുന്ന സിജു ജോർജിനെയും ഡോ. പി.വി. ചെറിയാൻ അഭിനന്ദിച്ചു. ചടങ്ങിൽ രണ്ടുപേർക്കും മെമന്റോ, പൊന്നാട, സ്നേഹോപഹാരം എന്നിവ സമ്മാനിച്ചു. കാൻസർ കെയർ ഗ്രൂപ് സ്ഥാപകാംഗം കെ.ടി. സലിം സ്വാഗതം പറഞ്ഞു. ഐമാക് ബി.എം.സി ചെയർമാൻ ഫ്രാൻസിസ് കൈതാരത്ത്, മീഡിയ ഡയറക്ടർ പ്രവീൺ കൃഷ്ണ, ഇന്ത്യൻ സ്കൂൾ മുൻ
ചെയർമാൻ എബ്രഹാം ജോൺ, ക്വാളിറ്റി സ്കൂൾ പ്രിൻസിപ്പൽ ഡോ. രവി വാരിയർ, ഐ.സി.ആർ.എഫ് അംഗം ജവാദ് പാഷ, മിനി റോയ് എന്നിവർ സംസാരിച്ചു. കാൻസർ കെയർ ഗ്രൂപ് സജീവ അംഗങ്ങളും കുടുംബാംഗങ്ങളും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.