മദ്രാസ് സ്കൂൾ ഓഫ് ഇക്കണോമിക്സ് 2025 വർഷത്തെ വിവിധ പ്രോഗ്രാമുകളിൽ പ്രവേശനത്തിന് അപേക്ഷകൾ ക്ഷണിച്ചു. അപേക്ഷാഫീസ് 1200 രൂപ. എസ്.സി/എസ്.ടി വിഭാഗത്തിന് 1000 രൂപ.
ഇന്റഗ്രേറ്റഡ് എം.എ (ഇക്കണോമിക്സ്): അഞ്ചു വർഷം, (മൂന്നു വർഷം പൂർത്തിയാക്കുന്നവർക്ക് ബി.എ ഓണേഴ്സ്/നാലുവർഷം പൂർത്തിയാക്കുന്നവർക്ക് ബി.എ ഓണേഴ്സ് വിത്ത് റിസർച്ച് എന്നിങ്ങനെ എക്സിറ്റ് ഓപ്ഷനുണ്ട്).
യോഗ്യത: ഏതെങ്കിലും സ്ട്രീമിൽ പ്ലസ് ടു ആദ്യ ചാൻസിൽ 65 ശതമാനം മാർക്കിൽ കുറയാതെ 2025 വർഷം പാസാകുന്നവർക്കാണ് അവസരം. (ഒ.ബി.സി-നോൺ ക്രീമിലെയർ വിഭാഗത്തിന് 60 ശതമാനം, എസ്.സി/എസ്.ടി/പി.ഡബ്ല്യു.ഡി വിഭാഗങ്ങൾക്ക് 50 ശതമാനം മതി) പ്ലസ് ടുതലത്തിൽ മാത്തമാറ്റിക്സ് പഠിച്ചിരിക്കണം. പ്രായപരിധി 22 വയസ്സ്. സീറ്റുകൾ 80 .
എം.എ: രണ്ടുവർഷം-ആക്ച്യൂറിയൽ ഇക്കണോമിക്സ്, അപ്ലൈഡ് ക്വാണ്ടിറ്റേറ്റീവ് ഫിനാൻസ്, എൻവയൺമെന്റൽ ഇക്കണോമിക്സ്, ഫിനാൻഷ്യൽ ഇക്കണോമിക്സ്, ജനറൽ ഇക്കണോമിക്സ്.
യോഗ്യത: സോഷ്യൽ സയൻസസ് (കോമേഴ്സ്, മാനേജ്മെന്റ് ഉൾപ്പെടെ)/സയൻസ്/എൻജിനീയറിങ് എന്നിവയിലൊന്നിൽ 55 ശതമാനം മാർക്കിൽ കുറയാതെ ബിരുദം. പ്ലസ് ടു തലത്തിൽ മാത്തമാറ്റിക്സ് പഠിച്ചിരിക്കണം. പ്രായപരിധി 25 വയസ്സ്. .
എം.എസ്സി-ഡാറ്റാ സയൻസ്: രണ്ടു വർഷം
യോഗ്യത: ബിരുദം (സോഷ്യൽ സയൻസസ്/ കോമേഴ്സ്/മാനേജ്മെന്റ്/സയൻസ്/മാത്തമാറ്റിക്സ്/സ്റ്റാറ്റിസ്റ്റിക്സ്/എൻജിനീയറിങ്) 55 ശതമാനം മാർക്കിൽ വിജയിച്ചിരിക്കണം. നിർദിഷ്ട വിഷയങ്ങളിൽ പ്രാബല്യത്തിലുള്ള ഗേറ്റ് സ്കോർ ഉണ്ടാവണം.
പ്ലസ് ടു തലത്തിൽ മാത്തമാറ്റിക്സ് പഠിച്ചിരിക്കണം. പ്രവേശന വിജ്ഞാപനം www.mse.ac.in ൽ ലഭിക്കും. മേയ് 11 വരെ ഓൺലൈനിൽ അപേക്ഷിക്കാം. മേയ് 31ന് നടത്തുന്ന പ്രവേശനപരീക്ഷയുടെ അടിസ്ഥാനത്തിലാണ് സെലക്ഷൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.