ട്രോൾ ഉണ്ടാക്കിയവനെ കൊണ്ടുതന്നെ അത്​ പിൻവലിപ്പിച്ച്​ രാഹുൽ തെവാട്ടിയ

പഞ്ചാബ്​- രാജസ്​ഥാൻ റോയൽസ്​ മത്സരം കണ്ടവർ രാഹുൽ തെവാട്ടിയയെ മനസിലെങ്കിലും കുറ്റം പറയാത്തവരായിട്ടുണ്ടാവില്ല. പഞ്ചാബി​െൻറ കൂറ്റൻ വിജയ ലക്ഷ്യം മറികടക്കാൻ ഒരു ഘട്ടത്തിൽ സഞ്​ജു വി സാംസൺ ആഞ്ഞടിക്കു​േമ്പാൾ മറുവശത്ത്​ തെവാട്ടിയ അടാർ മുട്ടലായിരുന്നു.

ഒന്നു രണ്ടു ​ബാളുകളല്ല.16 പന്തിൽ 7 റൺസ്​!. ഇവൻ എല്ലാ കുളമാക്കുമെന്ന്​ പഞ്ചാബ്​ ആരാധകർ ഒന്നടങ്കം പറഞ്ഞു. എന്നാൽ, സഞ്​ജു ​മടങ്ങിയതോടെ ആരാധകർ കണ്ടത്​ മറ്റൊരു തെവാട്ടിയയെയാണ്​.

സഞ്​ജു മടക്കത്തിൽ തോൽവി ഉറപ്പിച്ച രാജസ്​ഥാൻ നിരയിൽ സ്വന്തം താരങ്ങളെ പോലും അമ്പരപ്പിക്കുന്നതായിരുന്നു തെവാട്ടിയയുടെ പ്രകടനം. 23 പന്തിൽ 63 റൺസ്​ വേണമെന്ന നിലയിലാണ്​ സഞ്​ജു പുറത്തായത്​.

പിന്നെ തെവാട്ടിയ രംഗം വാണു. ഷെൽഡൺ കോട്രൽ എറിഞ്ഞ 18ാം ഒാവറിൽ കളി മാറ്റി. അഞ്ച്​ സിക്​സറുകളുമായി തെവാട്ടിയ ജാതകം തിരുത്തി. 23 പന്തിൽ 17 റൺസെടുത്ത താരം, അടുത്ത ആറ്​ പന്തിൽ 30 റൺസ്​ അടിച്ചുകൂട്ടി വിസ്​മയിപ്പിച്ചു.

31 പന്തിൽ ഏഴ്​ സിക്​സുമായി 53 റൺസാണ്​ തെവാട്ടിയ നേടിയത്​. പിന്നാലെ ജൊഫ്ര ആർച്ചർ (13) ടീമിന്​ വിജയം സമ്മാനിച്ചു. നാലുവിക്കറ്റിന്​ രാജസ്​ഥാ​െൻറ ചരിത്ര ജയം.

യുവരാജ്​ സിങു താരത്തിന്​ ആശംസകളുമായി എത്തി. ആറു സിക്​സ്​ അടിച്ചു ത​െൻറ റെക്കോർഡ്​ തകർക്കാത്തതിന്​ നന്ദിയെന്നായിരുന്നു തമാശയിൽ യുവരാജ്​ ട്വീറ്റ്​ ചെയ്​തത്​.