തിരുവനന്തപുരം: അന്യസംസ്ഥാന ലോട്ടറി മാഫിയ വീണ്ടും കേരളത്തിലേക്ക് വരുന്നത് ആശങ്കാജനകമാണെന്ന് പ്രതിപക്ഷനേതാവ് വി.എസ്. അച്യുതാനന്ദൻ പ്രസ്താവനയിൽ പറഞ്ഞു.
വ്യാജലോട്ടറികൾ തടയാൻ എൽ.ഡി.എഫ് സ൪ക്കാ൪ നിയമനി൪മാണം നടത്തിയിരുന്നു. എല്ലാ പഴുതുകളും അടച്ചുള്ള ആ നിയമം കണ്ടില്ലെന്ന് നടിച്ച് നികുതി -ലോട്ടറി-നിയമവകുപ്പുകൾ ലോട്ടറി മാഫിയക്ക് അനുകൂല സാഹചര്യം ഒരുക്കിക്കൊണ്ടിരിക്കുകയാണ്.
കേരളത്തിൽ ഗോവൻ ലോട്ടറി വിൽക്കാൻ അനുമതി തേടി അവിടത്തെ സ൪ക്കാറിൻേറതായി വന്ന അപേക്ഷയോടുള്ള സ൪ക്കാ൪ സമീപനം സംശയം വ൪ധിപ്പിക്കുന്നു. യു.ഡി.എഫ് സ൪ക്കാ൪ വീണ്ടും ലോട്ടറി മാഫിയക്ക് അനുകൂലമായ നിലപാടെടുക്കുന്നതിൻെറ മറ്റൊരുദാഹരണമാണ് കേരള ലോട്ടറിയുടെ സമ്മാനങ്ങൾ അന്യസംസ്ഥാനങ്ങളിലേക്ക് കടക്കുന്നതെന്നും വി.എസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.