ഒമ്പത് വിനോദസഞ്ചാര കേന്ദ്രങ്ങളില്‍ മാലിന്യ വിമുക്ത കാമ്പയിന്‍

കൊച്ചി: മാലിന്യമുക്ത ടൂറിസമെന്ന പ്രതിജ്ഞയോടെ കേരള ട്രാവൽ മാ൪ട്ടിന് സമാപനം. നാട്ടുകാരുടെ സഹകരണത്തോടെ മാലിന്യമുക്ത ടൂറിസം സെൻറ൪ എന്ന ബ്രാൻഡായി  കേരളത്തെ  വള൪ത്തിയെടുക്കുമെന്ന പ്രഖ്യാപനത്തോടെയാണ് നാല്ദിവസമായി കൊച്ചിയിൽ നടന്ന മാ൪ട്ടിന് കൊടിയിറങ്ങിയത്.
ലേ മെറിഡിയൻ കൺവെൻഷൻ സെൻററിൽ നടന്ന സമാപന സമ്മേളനം ടൂറിസം ഡയറക്ട൪ റാണി ജോ൪ജ് ഉദ്ഘാടനം ചെയ്തു.  ഒമ്പത്  പ്രധാന വിനോദസഞ്ചാര കേന്ദ്രങ്ങളെ ഉൾപ്പെടുത്തി മാലിന്യ വിമുക്ത കാമ്പയിൻ സംഘടിപ്പിക്കുമെന്ന് അവ൪ വ്യക്തമാക്കി. ചൊവ്വാഴ്ച കോവളത്ത് ഇതിന് ഔദ്യാഗിക തുടക്കമാവും. കോവളത്തിന് പുറമേ വ൪ക്കല, കുമരകം, മറൈൻഡ്രൈവ്, ഫോ൪ട്ടുകൊച്ചി, വയനാട്, മൂന്നാ൪, ആലപ്പുഴ, തേക്കടി എന്നീ പ്രദേശങ്ങളിലാണ്് ആദ്യഘട്ടമായി കാമ്പയിൻ സംഘടിപ്പിക്കുക. ഒരു വ൪ഷം കൊണ്ട് ഇവയെ മാലിന്യ വിമുക്ത കേന്ദ്രങ്ങളാക്കുകയാണ് ലക്ഷ്യം. ടൂറിസം വകുപ്പും സംരംഭകരും സംയുക്തമായി നാട്ടുകാരുടെ സഹകരണത്തോടെയാവും കാമ്പയിൻ സംഘടിപ്പിക്കുകയെന്നും റാണി ജോ൪ജ് വ്യക്തമാക്കി.
സംസ്ഥാനത്തെ 14 വിനോദസഞ്ചാര കേന്ദ്രങ്ങളിൽ ഒക്ടോബ൪ രണ്ട് മുതൽ ഏഴുവരെ മാലിന്യ വിമുക്ത ബോധവത്കരരണത്തിന് റോഡ് ഷോ സംഘടിപ്പിക്കും. നാട്ടുകാ൪ക്ക് കൂടി പ്രയോജനം ലഭിക്കുന്ന രീതി ഉത്തരവാദിത്ത ടൂറിസം പ്രോത്സാഹിപ്പിക്കാനാണ് സ൪ക്കാ൪ ശ്രമിക്കുന്നതെന്നും അവ൪ പറഞ്ഞു.
സംസ്ഥാന ടൂറിസം സെക്രട്ടറി സുമൻബില്ല അധ്യക്ഷത വഹിച്ചു. സംസ്ഥാനത്തിൻെറ തനിമ നിലനി൪ത്തിവേണം ടൂറിസം പദ്ധതികൾ ആവിഷ്കരിക്കാനെന്ന് അദ്ദേഹം പറഞ്ഞു. ട്രാവൽമാ൪ട്ടിനോട് അനുബന്ധിച്ച് നടന്ന സെമിനാറുകളിൽ ഉയ൪ന്നുവന്ന പ്രശ്നങ്ങൾ പരിഹരിക്കാൻ ടൂറിസം വകുപ്പ് ശ്രമിക്കും. ഹ൪ത്താൽ അടക്കംപ്രശ്നങ്ങളിൽ അടിയന്തര നടപടികൾ സ്വീകരിക്കേണ്ടിയിരിക്കുന്നുവെന്നും അദ്ദേഹം വ്യക്തമാക്കി.
മേളയിൽ 1486 പ്രതിനിധികൾ എത്തിയതായി കെ.ടി.എം സൊസൈറ്റി പ്രസിഡൻറ് റിയാസ് അഹമ്മദ് പറഞ്ഞു. ഇതിൽ 398 വിദേശ പ്രതിനിധികളാണ്. ഇന്ത്യയുടെ വിവിധ ഭാഗങ്ങളിൽ നിന്നായി 1088 പ്രതിനിധികളും മേളക്കെത്തി. നിരവധി ബിസിനസ് അവസരങ്ങൾ തുറന്ന് കിട്ടിയതായും കെ.ടി.എം അധികൃത൪ അറിയിച്ചു. 2014 സെപ്റ്റംബറിൽ അടുത്ത ട്രാവൽ മാ൪ട്ട് നടക്കുമെന്നും ഇവ൪ അറിയിച്ചു. എബ്രഹാം ജോ൪ജ്, ജോസ് ഡൊമിനിക്, ടി.കെ. അനീഷ്, ജോസ് മാത്യു, ഇ.എൻ. നജീബ്, ബേബി മാത്യൂ സോമതീരം എന്നിവ൪ പങ്കെടുത്തു.