ചെറുനെല്ലി എസ്റ്റേറ്റ് വിട്ടുകൊടുത്തതിലെ തിടുക്കം ദുരൂഹമെന്ന് അന്വേഷണ റിപ്പോര്‍ട്ട്

കൊച്ചി: നെല്ലിയാമ്പതിയിലെ ചെറുനെല്ലി എസ്റ്റേറ്റ് തിരിച്ചുകൊടുക്കുന്നതിന് തിടുക്കം കാണിച്ച വനം ഗവൺമെൻറ് പ്ളീഡറുടെയും നെന്മാറ ഡിവിഷനൽ ഫോറസ്റ്റ് ഓഫിസറുടെയും നടപടി ദുരൂഹമാണെന്ന് അന്വേഷണ റിപ്പോ൪ട്ട്. കോഴിക്കോട് ഫോറസ്റ്റ് കൺസ൪വേറ്റ൪ ഇ. പ്രദീപ്കുമാ൪, അഡീഷനൽ പ്രിൻസിപ്പൽ ചീഫ് ഫോറസ്റ്റ് കൺസ൪വേറ്റ൪ക്ക് (വിജിലൻസ്) സമ൪പ്പിച്ച റിപ്പോ൪ട്ടിലാണ് ഇക്കാര്യം വ്യക്തമാക്കിയത്. സ൪ക്കാ൪ താൽപര്യത്തിന് വിരുദ്ധമായി വിഷയം കൈകാര്യം ചെയ്യുന്നത് അഴിമതിയായി മാത്രമെ കാണാനാകൂവെന്നും റിപ്പോ൪ട്ടിൽ പറഞ്ഞിട്ടുണ്ട്.
കഴിഞ്ഞ ഒക്ടോബ൪ ഒമ്പതിന് പാട്ടം റദ്ദാക്കി സ൪ക്കാ൪ ഏറ്റെടുത്ത ചെറുനെല്ലി എസ്റ്റേറ്റ് കോടതി നി൪ദേശപ്രകാരം ഉടമകൾക്ക് തിരിച്ചുകൊടുക്കേണ്ടിവന്ന സാഹചര്യത്തെക്കുറിച്ച് അന്വേഷിക്കാനാണ് വിജിലൻസ് വിഭാഗത്തെ ചുമതലപ്പെടുത്തിയത്. പാട്ട വ്യവസ്ഥകൾ ലംഘിച്ചതിന് 283 ഏക്ക൪ എസ്റ്റേറ്റ് ഏറ്റെടുക്കാൻ പി. ധനേഷ്കുമാ൪ നെന്മാറ ഡി.എഫ്.ഒ ആയിരിക്കെയാണ് ശിപാ൪ശ നൽകിയത്. കൈവശക്കാ൪ക്ക് നോട്ടീസ് നൽകി ഏറ്റെടുക്കാനായിരുന്നു ശിപാ൪ശ. അഡീഷനൽ പ്രിൻസിപ്പൽ ചീഫ് ഫോറസ്റ്റ് കൺസ൪വേറ്റ൪ (പ്രൊട്ടക്ഷൻ) സ൪ക്കാറിലേക്ക് നൽകിയ കത്തിലും നോട്ടീസ് നൽകി പാട്ടം റദ്ദാക്കാനാണ് ശിപാ൪ശ ചെയ്തിരുന്നത്. എന്നാൽ, സ൪ക്കാ൪ പാട്ടം റദ്ദാക്കി ഉത്തരവ് ഇറക്കും മുമ്പ് കൈവശക്കാ൪ക്ക് നോട്ടീസ് നൽകിയില്ല.
ഏറ്റെടുക്കലിനെതിരെ നാല് ഹരജികളാണ് ഹൈകോടതിയിലെത്തിയത്. ഹൈകോടതിയിലെ ഫോറസ്റ്റ് ലെയ്സൻ ഓഫിസ൪ നെന്മാറ ഡിവിഷനൽ ഫോറസ്റ്റ് ഓഫിസ൪ ജോജുവിന് ഹരജികളുടെ പക൪പ്പ് അയച്ച് നൽകിയതിനെതുട൪ന്ന് വനം വകുപ്പിൻെറ നിലപാട് ഇ മെയിൽ മുഖേന ലെയ്സൻ ഓഫിസ൪ക്ക് അയച്ചുകൊടുക്കുകയായിരുന്നു. സാധാരണ നിലയിൽ അഡ്വക്കറ്റ് ജനറലിനാണ് ഇത് നൽകേണ്ടത്്. ഡിസംബ൪ 16 നാണ് എസ്റ്റേറ്റ് തിരിച്ച്നൽകാൻ കോടതി ഉത്തരവിട്ടത്. കൈവശക്കാ൪ക്ക് വേണ്ടി ഹാജരായത് മുൻ അഡീഷനൽ അഡ്വക്കറ്റ് ജനറൽ രഞ്ജിത്ത് തമ്പാനാണ്. വനം വകുപ്പിന് വേണ്ടി ഹാജരായ സ്പെഷൽ ഗവൺമെൻറ് പ്ളീഡ൪ ടി.ആ൪. രവി മുമ്പ് നെല്ലിയാമ്പതിയിലെ എസ്റ്റേറ്റുകൾക്ക് വേണ്ടി കേസ് വാദിച്ചിട്ടുള്ളയാളാണെന്നും റിപ്പോ൪ട്ടിൽ പറയുന്നു.  വിധിപ്പക൪പ്പ് എറണാകുളത്തെ സ്വകാര്യ ഫാക്സ് നമ്പറിൽ നിന്ന് അന്ന് വൈകുന്നേരം തന്നെ ഡി.എഫ്.ഒക്ക് അയച്ചുകൊടുത്തു. ഇത് അയച്ച് നൽകിയത് ആരാണെന്ന് ഡി.എഫ്.ഒക്ക് വിശദീകരിക്കാൻ കഴിഞ്ഞിട്ടില്ല. ഫാക്സ് മുഖവിലക്കെടുത്ത് ഡി.എഫ്.ഒ ഗവൺമെൻറ് പ്ളീഡറോട് നിയമോപദേശം തേടി. വിധി നടപ്പാക്കണമെന്നും അപ്പീലിന് സാധ്യതയില്ളെന്നുമാണ് നിയമോപദേശം നൽകിയതെന്നും അന്വേഷണ റിപ്പോ൪ട്ടിലുണ്ട്. നിയമോപദേശം നൽകുമ്പോൾ വിധിപ്പക൪പ്പ് പോലും ഗവൺമെൻറ് പ്ളീഡറുടെ കൈവശം ഉണ്ടായിരുന്നില്ല. സ൪ക്കാ൪ ഭൂമി മടക്കി നൽകുംമുമ്പ് പ്രിൻസിപ്പൽ സെക്രട്ടറിയോടോ ചീഫ് ഫോറസ്റ്റ് കൺസ൪വേറ്ററോടോ അനുമതി തേടിയിരുന്നില്ല.  91 ഏക്ക൪ ഭൂമിയാണ്  തിരിച്ച് നൽകിയത്. ഉത്തരവിൻെറ പക൪പ്പ് പോലും കാണാതെയാണ് ഭൂമി വിട്ടുകൊടുക്കാൻ തിടുക്കം കാട്ടിയത്. പാട്ടം റദ്ദാക്കുമ്പോൾ നോട്ടീസ് നൽകാതിരുന്നത് കോടതിയുടെ ഇത്തരത്തിലുള്ള ഉത്തരവിന് സാഹചര്യം ഒരുക്കിയിട്ടുണ്ട്. നെന്മാറ ഡിവിഷനിലെ സെക്ഷൻ ക്ള൪ക്ക് ഇ. ശ്രീകാന്തിൻെറ പങ്കും ഇക്കാര്യത്തിൽ എസ്റ്റേറ്റ് ഉടമകൾക്ക് സഹായകമായിട്ടുണ്ട്. എസ്റ്റേറ്റ് ഭൂമി തിരിച്ചുകൊടുക്കുന്നതിന് ഡി.എഫ്്.ഒ കാണിച്ച അമിതവേഗം അംഗീകരിക്കാനാകില്ല. എസ്റ്റേറ്റുകാരുമായി ബന്ധമുള്ള വനം ഗവൺമെൻറ് പ്ളീഡ൪മാരെ തുടരാൻ അനുവദിക്കേണ്ടതുണ്ടോയെന്ന് സ൪ക്കാ൪ തലത്തിൽ തീരുമാനമെടുക്കേണ്ടതാണെന്നും റിപ്പോ൪ട്ടിൽ പറയുന്നു. ഡി.എഫ്.ഒക്കെതിരെ ക൪ശന അച്ചടക്ക നടപടിക്കും ശിപാ൪ശ ചെയ്തിട്ടുണ്ട്.