സ്വര്‍ണവില വീണ്ടും കുറഞ്ഞു

കൊച്ചി: സ്വ൪ണവില വീണ്ടും കുറഞ്ഞു. പവന് 400 രൂപയും ഗ്രാമിന് 50 രൂപയുമാണ് ഇന്ന് കുറഞ്ഞത്. ഇതോടെ സ്വ൪ണവില ഇന്ന് പവന് 20,400 ഉം ഗ്രാമിന് 2,550 രൂപയിലും എത്തി.  


ആഗോള വിപണിയിലെ ഇടിവാണ് ആഭ്യന്തര വിപണിയിലും പ്രതിഫലിക്കുന്നത്. രാജ്യാന്തര വിപണിയിൽ സ്വ൪ണവില ഔൺസിന് 1600 ഡോളറിന് താഴെയെത്തി.

ഇന്നലെ വില പവന് 600 രൂപയും ഗ്രാമിന് 75 രൂപയും കുറഞ്ഞിരുന്നു. പവന് 21,760 രൂപയാണ് സ്വ൪ണവിലയിൽ രേഖപ്പെടുത്തിയ ഏറ്റവും ഉയ൪ന്ന നിരക്ക്. ഏറക്കാലമായി രാജ്യാന്തര വിപണിയിൽ സ്വ൪ണവില അൽപം താഴുകയും പിന്നീട് കുതിച്ചുയരുകയും ചെയ്യുന്ന പ്രവണത തുടരുന്നുണ്ട്.