ന്യൂഡല്ഹി: പാര്ട്ടി വിരുദ്ധ പ്രവര്ത്തനം ആരോപിച്ച് രണ്ട് ലോക്സഭാംഗങ്ങളെ ആം ആദ്മി പ്രാഥമികാംഗത്വത്തില്നിന്ന് സസ്പെന്ഡ് ചെയ്തു. പാര്ലമെന്ററി പാര്ട്ടി നേതാവും പട്യാലയില് നിന്നുള്ള എം.പിയുമായ ഡോ. ധരംവീര് ഗാന്ധി, ഫത്തേഗഢ് സാഹിബ് മണ്ഡലത്തെ പ്രതിനിധീകരിക്കുന്ന ഹരീന്ദര് സിങ് ഖല്സ എന്നിവര്ക്കെതിരെയാണ് പാര്ട്ടി അച്ചടക്ക സമിതിയുടെ നടപടി. പാര്ട്ടിയില്നിന്ന് പുറത്താക്കപ്പെട്ട സ്ഥാപകനേതാക്കളായ യോഗേന്ദ്ര യാദവിനും പ്രശാന്ത് ഭൂഷനും അനുകൂലമായ നിലപാടെടുത്തയാളാണ് ഗാന്ധി.യോഗേന്ദ്ര യാദവിന്െറ ജയ്കിസാന് ആന്തോളനുമായി സഹകരിക്കണമെന്ന് പരസ്യപ്രസ്താവന നടത്തിയതോടെയാണ് നടപടിസ്വീകരിക്കാന് പാര്ട്ടി തീരുമാനിച്ചത്. അച്ചടക്കസമിതി അംഗങ്ങളായ പങ്കജ് ഗുപ്ത, ദിലീപ് പാണ്ഡേ, ദീപക് ബാജ്പേയ് എന്നിവര് ചേര്ന്ന സമിതിയാണ് തീരുമാനമെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.