വ​ഖ​ഫ് ബോ​ർ​ഡ് വി​വാ​ദം; ശ്രീ​രം​ഗ​പ​ട്ട​ണ​യി​ൽ ബ​ന്ദ് ആ​ച​രി​ച്ചു

ബം​ഗ​ളൂ​രു: ക​ർ​ണാ​ട​ക വ​ഖ​ഫ് ബോ​ർ​ഡി​ന്റെ ഭൂ​മി​യു​മാ​യി ബ​ന്ധ​പ്പെ​ട്ട അ​വ​കാ​ശ​വാ​ദ​ത്തി​ൽ പ്ര​തി​ഷേ​ധി​ച്ച് ശ്രീ​രം​ഗ​പ​ട്ട​ണ​യി​ൽ വി​വി​ധ സം​ഘ​ട​ന​ക​ൾ ആ​ഹ്വാ​നം ചെ​യ്ത ബ​ന്ദ് പൂ​ർ​ണം. വാ​ണി​ജ്യ സ്ഥാ​പ​ന​ങ്ങ​ളും മ​റ്റ് സ്ഥാ​പ​ന​ങ്ങ​ളും അ​ട​ച്ചി​ട്ടു.

ശ്രീ​രം​ഗ​പ​ട്ട​ണ കു​വെ​മ്പു സ​ർ​ക്കി​ളി​ൽ ഒ​ത്തു​കൂ​ടി​യ പ്ര​തി​ഷേ​ധ​ക്കാ​ർ വ​ഖ​ഫ് ബോ​ർ​ഡി​നെ​തി​രെ പ്ര​ക​ട​നം ന​ട​ത്തി. പ്ര​തി​ഷേ​ധ​ത്തെ തു​ട​ർ​ന്ന് മൈ​സൂ​രു-​ബം​ഗ​ളൂ​രു ഹൈ​വേ​യി​ൽ അ​ൽ​പ​സ​മ​യം ഗ​താ​ഗ​തം ത​ട​സ്സ​പ്പെ​ട്ടു. മു​ൻ​ക​രു​ത​ൽ ന​ട​പ​ടി​യെ​ന്ന​നി​ല​യി​ൽ ശ്രീ​രം​ഗ​പ​ട്ട​ണ ജാ​മി​അ മ​സ്ജി​ദി​ന് ചു​റ്റും പൊ​ലീ​സ് ബാ​രി​ക്കേ​ഡു​ക​ൾ സ്ഥാ​പി​ച്ചി​രു​ന്നു. അ​നി​ഷ്ട സം​ഭ​വ​ങ്ങ​ൾ ത​ട​യാ​ൻ വ​ൻ പൊ​ലീ​സ് സ​ന്നാ​ഹ​വും ഏ​ർ​പ്പെ​ടു​ത്തി​യി​രു​ന്നു.

റൈ​ത്ത ഹി​ത​ര​ക്ഷ​ണ സ​മി​തി, വി​ശ്വ​ഹി​ന്ദു പ​രി​ഷ​ത്ത്, ബ​ജ്ര​ങ് ദ​ൾ, ക​ർ​ഷ​ക സം​ഘ​ട​ന​ക​ൾ, മാ​ണ്ഡ്യ ര​ക്ഷ​ണ വേ​ദി​കെ തു​ട​ങ്ങി​യ​വ​യു​ടെ നേ​തൃ​ത്വ​ത്തി​ലാ​യി​രു​ന്നു ബ​ന്ദ്. വ​ഖ​ഫ് ബോ​ർ​ഡ് പി​ൻ​വ​ലി​ക്ക​ണ​മെ​ന്നും ക​ർ​ഷ​ക​രു​ടെ ഭൂ​മി സം​ര​ക്ഷി​ക്ക​ണ​മെ​ന്നും സ​മ​ര​ക്കാ​ർ ആ​വ​ശ്യ​പ്പെ​ട്ടു.

താ​ലൂ​ക്ക് ഓ​ഫി​സി​ലേ​ക്ക് മാ​ർ​ച്ച് ചെ​യ്ത പ്ര​തി​ഷേ​ധ​ക്കാ​ർ ക​ന്നു​കാ​ലി​ക​ളു​മാ​യി പ​ഴ​യ മൈ​സൂ​രു-​ബം​ഗ​ളൂ​രു ഹൈ​വേ ഉ​പ​രോ​ധി​ച്ച് മ​നു​ഷ്യ​ച്ച​ങ്ങ​ല സൃ​ഷ്ടി​ച്ചു. തു​ട​ർ​ന്ന് താ​ലൂ​ക്ക് ഓ​ഫി​സി​ലേ​ക്ക് അ​തി​ക്ര​മി​ച്ചു​ക​ട​ക്കാ​ൻ ശ്ര​മി​ച്ചെ​ങ്കി​ലും പൊ​ലീ​സ് ത​ട​ഞ്ഞു.