കോൺഗ്രസ് നേതാവിനെ ആറംഗ സംഘം വെട്ടിക്കൊന്നു

ബം​ഗ​ളൂ​രു: കോ​ലാ​റി​ൽ കോ​ൺ​ഗ്ര​സ് നേ​താ​വും ആ​ഭ്യ​ന്ത​ര മ​ന്ത്രി ഡോ.​ജി. പ​ര​മേ​ശ്വ​ര​യു​ടെ അ​ടു​ത്ത സു​ഹൃ​ത്തു​മാ​യ എം. ​ശ്രീ​നി​വാ​സ് എ​ന്ന കൗ​ൺ​സി​ല​ർ സീ​ന​പ്പ​യെ (66) ആ​റം​ഗ സം​ഘം വെ​ട്ടി​ക്കൊ​ന്നു. കോ​ലാ​ർ ശ്രീ​നി​വാ​സ​പു​ര​യി​ലെ മു​ൽ​ബാ​ഗി​ലു റോ​ഡി​ൽ തി​ങ്ക​ളാ​ഴ്ച പ​ക​ലാ​ണ് സം​ഭ​വം. കൊ​ല​പാ​ത​ക​ത്തി​നു ശേ​ഷം ഒ​ളി​വി​ൽ പോ​യ പ്ര​തി​ക​ളെ ചൊ​വ്വാ​ഴ്ച രാ​വി​ലെ വ​ന​മേ​ഖ​ല​യി​ൽ ക​ണ്ടെ​ത്തി. പ്ര​തി​ക​ളെ പി​ന്തു​ട​ർ​ന്ന പൊ​ലീ​സ് സം​ഘ​ത്തി​നു നേ​രെ​യു​ണ്ടാ​യ വെ​ടി​വെ​പ്പി​ൽ ഇ​ൻ​സ്പെ​ക്ട​ർ​മാ​ർ​ക്ക് പ​രി​ക്കേ​റ്റു. തു​ട​ർ​ന്ന് പൊ​ലീ​സ് പ്ര​തി​ക​ളു​ടെ കാ​ൽ​മു​ട്ടി​ന് താ​ഴെ വെ​ടി​യു​തി​ർ​ത്ത് പ്ര​തി​ക​ളെ പി​ടി​കൂ​ടി. ഇ​വ​ർ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. പ​രി​ക്കേ​റ്റ പൊ​ലീ​സു​കാ​രും ആ​ശു​പ​ത്രി​യി​ൽ ചി​കി​ത്സ തേ​ടി.

അ​റ​സ്റ്റി​ലാ​യ പ്ര​തി​ക​ളി​ൽ വേ​ണു​ഗോ​പാ​ൽ, മ​നി​ന്ദ്ര എ​ന്നി​വ​ർ​ക്കാ​ണ് പൊ​ലീ​സ് വെ​ടി​വെ​പ്പി​ൽ പ​രി​ക്കേ​റ്റ​ത്. ഇ​ൻ​സ്പെ​ക്ട​ർ​മാ​രാ​യ വെ​ങ്കി​ടേ​ഷ്, മ​ഞ്ജു​നാ​ഥ്, കോ​ൺ​സ്റ്റ​ബി​ൾ നാ​ഗേ​ഷ് എ​ന്നി​വ​രാ​ണ് ആ​ശു​പ​ത്രി​യി​ലു​ള്ള​ത്. മു​ൻ ക​ർ​ണാ​ട​ക നി​യ​മ​സ​ഭ സ്പീ​ക്ക​ർ ര​മേ​ശ് കു​മാ​റി​ന്റെ​യും സു​ഹൃ​ത്താ​യ ശ്രീ​നി​വാ​സ് ത​ന്റെ മ​ദ്യ​ശാ​ല കെ​ട്ടി​ടം നി​ർ​മാ​ണ സ്ഥ​ലം സ​ന്ദ​ർ​ശി​ച്ച് ഫാം ​ഹൗ​സി​ൽ തി​രി​ച്ചെ​ത്തി​യ വേ​ള​യി​ലാ​ണ് കൊ​ല്ല​പ്പെ​ട്ട​ത്. അ​തി​ഥി​ക​ളാ​യി എ​ത്തി​യ അ​ക്ര​മി സം​ഘ​ത്തി​ന് ശ്രീ​നി​വാ​സ് ഇ​രി​പ്പി​ട​ങ്ങ​ൾ ന​ൽ​കി​യ ശേ​ഷം ത​ന്റെ അം​ഗ​ര​ക്ഷ​ക​നെ കാ​പ്പി വാ​ങ്ങാ​ൻ അ​യ​ക്കു​ക​യാ​യി​രു​ന്നു. ക​ണ്ണി​ൽ രാ​സ​വ​സ്തു സ്പ്രേ ​ചെ​യ്ത ശേ​ഷം ശ്രീ​നി​വാ​സി​നെ സം​ഘം ആ​ക്ര​മി​ക്കു​ന്ന​താ​ണ് താ​ൻ ക​ണ്ട​തെ​ന്ന് അം​ഗ​ര​ക്ഷ​ക​ൻ പൊ​ലീ​സി​നോ​ട് പ​റ​ഞ്ഞു.

അ​ക്ര​മി​ക​ൾ സ്ഥ​ലം​വി​ട്ട ശേ​ഷം ശ്രീ​നി​വാ​സ​യെ ജാ​ല​പ്പ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​രി​ച്ചു. ശ്രീ​നി​വാ​സ​യും വേ​ണു​ഗോ​പാ​ലും ത​മ്മി​ലു​ള്ള വൈ​രാ​ഗ്യ​മാ​ണ് ആ​ക്ര​മ​ണ​ത്തി​ന് പി​ന്നി​ലെ​ന്ന് പ​റ​യു​ന്നു​ണ്ടെ​ങ്കി​ലും മ​റ്റ് കാ​ര​ണ​ങ്ങ​ളു​മു​ണ്ടാ​കാ​മെ​ന്ന നി​ഗ​മ​ന​ത്തി​ലാ​ണ് അ​ന്വേ​ഷ​ണ സം​ഘം. അ​ടു​ത്ത ലോ​ക്സ​ഭ തെ​ര​ഞ്ഞെ​ടു​പ്പി​ൽ കോ​ലാ​റി​ലെ കോ​ൺ​ഗ്ര​സ് സ്ഥാ​നാ​ർ​ഥി​യാ​വു​മെ​ന്ന് പ്ര​തീ​ക്ഷി​ച്ചി​രു​ന്ന ദ​ലി​ത് നേ​താ​വാ​യ ശ്രീ​നി​വാ​സി​ന്റെ കൊ​ല​പാ​ത​ക​ത്തി​ൽ ദ​ലി​ത് സം​ഘ​ട​ന​ക​ൾ പ്ര​തി​ഷേ​ധി​ച്ചു.