മൈ​സൂ​രു റി​ങ് റോ​ഡ് ജ​ങ്ഷ​നി​ൽ മേ​ൽ​പാ​ലം

ബം​ഗ​ളൂ​രു: ബം​ഗ​ളൂ​രു-​മൈ​സൂ​രു എ​ക്സ്പ്ര​സ് വേ ​തു​ട​ങ്ങു​ന്ന മൈ​സൂ​രു റി​ങ് റോ​ഡി​ലെ ജ​ങ്ഷ​നി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ൻ മേ​ൽ​പാ​ലം നി​ർ​മി​ക്കും. മൈ​സൂ​രു ന​ഗ​ര​റോ​ഡും റി​ങ് റോ​ഡും സം​ഗ​മി​ക്കു​ന്ന മ​ണി​പ്പാ​ൽ ആ​ശു​പ​ത്രി ജ​ങ്ഷ​നി​ലാ​ണ് മൈ​സൂ​രു അ​ർ​ബ​ൻ ഡെ​വ​ല​പ്മെ​ന്റ് അ​തോ​റി​റ്റി മേ​ൽ​പാ​ലം നി​ർ​മി​ക്കു​ക.

ദേ​ശീ​യ​പാ​ത അ​തോ​റി​റ്റി മേ​ൽ​പാ​ല​ത്തി​ന് താ​ൽ​പ​​ര്യം കാ​ണി​ക്കാ​ത്ത സാ​ഹ​ച​ര്യ​ത്തി​ലാ​ണ് നി​ർ​മാ​ണം സ​ർ​ക്കാ​ർ ഏ​റ്റെ​ടു​ക്കു​ന്ന​തെ​ന്ന് ന​ഗ​ര​വി​ക​സ​ന മ​ന്ത്രി ബൈ​ര​തി സു​രേ​ഷ് പ​റ​ഞ്ഞു. മൈ​സൂ​രു ന​ഗ​ര​ത്തി​ലെ ര​ണ്ടാ​മ​ത്തെ മേ​ൽ​പാ​ല​മാ​ണ് ഇ​വി​ടെ വ​രു​ന്ന​ത്. നാ​ലു​വ​രി​പ്പാ​ത​യി​ൽ​നി​ന്ന് എ​ക്സ്പ്ര​സ് വേ​യി​ലെ ആ​റു​വ​രി പ്ര​ധാ​ന പാ​ത​യി​ലേ​ക്ക് വാ​ഹ​ന​ങ്ങ​ൾ പ്ര​വേ​ശി​ക്കാ​നു​ള്ള തി​ര​ക്കാ​ണ് ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കു​ന്ന​ത്. നി​ല​വി​ൽ കേ​ര​ള​ത്തി​ൽ​നി​ന്നു​ൾ​പ്പെ​ടെ ബം​ഗ​ളൂ​രു ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ മൈ​സൂ​രു ന​ഗ​ര​ത്തി​ൽ ക​ട​ക്കാ​തെ റി​ങ് റോ​ഡ് വ​ഴി​യാ​ണ് എ​ക്സ്പ്ര​സ് വേ​യി​ൽ പ്ര​വേ​ശി​ക്കു​ന്ന​ത്. മേ​ൽ​പാ​ലം വ​രു​ന്ന​തോ​ടെ റി​ങ്റോ​ഡി​ൽ​നി​ന്ന് പാ​ല​ത്തി​ലൂ​ടെ നേ​രി​ട്ട് എ​ക്സ്പ്ര​സ് വേ​യി​ലേ​ക്ക് ക​ട​ക്കാ​നാ​കും.